I ati i Dj-it të njohur Vik Kraja, ka rezultuar pozitiv me koronavirus pasi iu përgjigj thirrjes së qeverisë dhe iu kthye detyrës si mjek në spitalin Infektiv.
Ndonëse kishte dalë prej vitesh në pension ai e ndjeu si detyrë morale që të kthehet në punë dhe t’u vijë në ndihmë të gjithëve në këtë situatë të vështirë.
https://www.instagram.com/p/B9-KmpKnUc6/
Mbrëmjen e kaluar u mësua se doktor Dhimitër Kraja ishte infektuar me virusin pas rikthimit në detyrë, ndërkohë sot, djali i tij ka reaguar për herë të parë për situatën.
Ai shprehet në një njoftim në Instagram se urimet e ngrohta për familjen e kanë bërë të ndihet mirë. Dj-i bën thirrje që të ndiqen të gjitha rregullat për respekt të punës që po bëjnë mjekët në spital, në vijën e parë të frontit kundër virusit.
“Shumë fjalë të ngrohta dhe urime, por nëse doni që unë dhe familja ime të ndihemi më mirë dhe të lehtësuar, ju lutem të ndiqni këshillat dhe mos thyeni rregullat e karantinës. Bëjeni të vlejë çdo sakrificë e atyre atje”, ka shkruar Viki në postimin e tij të fundit në rrjetet sociale.
https://www.instagram.com/p/B-cXVJ2HhPh/
Mbrëmjen e sotme në ABC News në bisedë me skype për “Byro Politike” mjeku Pëllumb Pipero u shpreh optimist për situatën e doktorit.
I pyetur nga gazetarja Juli Xhokaxhi për gjendjen e prof. Krajës, ai u shpreh:
“Do ju lutesha që të jemi brenda etikës mjekësore të mos përmendim emrat por mund t’ju them se gjendja e tij është shumë e mirë. Jo rastësisht personeli mjekësor është infektuar nga ky virus gjithkund në botë ka patur edhe humbje jete shpresoj të mos ndodhë tek ne. Edhe ne mjekët njerëz jemi dhe gabojmë”.
/Iconstyle.al
