Blendi Fevziu është një prej emrave më të njohur të gazetarisë në Shqipëri që komentohet shpesh për profesionin, por rrallë për jetën private. Para disa kohësh në media qarkulloi lajmi se Blendi Fevziu është i adoptuar dhe ka ndërruar mbiemrin nga Bregasi në Fezviu.
Por gazetari sqaroi të vërtetën në emisionin “Mos i fol shoferit” sonte, duke thënë:”Ky është një vend shumë i çuditshëm. Shtëpitë atëherë llogariteshin me kurora dhe në shtëpinë ku rrinim ne kishim një dhomë më tepër, në të cilën fusnim qeraxhinj. Komunizmi fuste qeraxhinj nëpër dhoma dhe në momentin që qeraxhiu doli dhe ne e morëm shtëpinë, u kujtua dikush që të thoshte se këta kanë një dhomë tepër në shtëpi. Pra meqënëse kanë një dhomë tepër, duhet t’ju fusim një qeraxhi tjetër. Atëherë unë u mora në përkujdesje nga daja i mamit, që jetonte po me ne, në mënyrë që ai që ishte i pamartuar, të kishte në ngarkim dikë që të kishte një dhomë më vete. Kjo ishte një histori”.
