Prej kohësh Hygerta Sako ishte tërhequr nga intervistat mediatike, por ditën e djeshme moderatorja e njohur e sportit vendosi të fliste jo vetëm për profesionin, por edhe për jetën e saj private.
Ish-Miss Albania e vitit 1995 vendosi të fliste gjatë emisionit “Rudina” për vajzën e saj, të cilën prej vitesh e ka mbajtur larg syrit të publikut.
“Anais është tashmë 11 vjeçe. Asaj i pëlqen fusha e modës, pasi preferon të bëhet stiliste ose artiste makijazhi”, tha Sako.
Moderatorja ndau përmes një video përditshmërinë e saj me të bijën. E pyetur nëse divorci ndikoi negativisht në jetën e saj dhe të vogëlushes, Hygerta e mohoi menjëherë këtë gjë.
“Anais i ka të dy prindërit dhe unë kam një marrëdhënie fantastike me ish-bashkëshortin tim. Ajo është një fëmijë i rritur me shumë dashuri”, ka përfunduar Hygerta rrëfimin e saj.
