Ministri i Punëve të Jashtme, Gent Cakaj, ka bërë të ditur se gjatë ditës së sotme ka zhvilluar një takim me Ministrin e Punëve të Jashtme dhe Tregtisë së Hungarisë, Péter Szijjártó.
Cakaj tregon se në takimin e tyre në aeroportin e Rinasit, Szijjártó ka sjellë me vete në emër të Hungarisë plot 100 mijë maska dhe 5000 veshje mbrojtëse mjekësore.
Të gjitha këto për ta ndihmuar vendin tonë gjatë betejës së ashpër me virusin Covid-19.
Cakaj ka ndarë pamjet gjatë takimit me ministrin në llogarinë e tij në Facebook, duke u shprehur se kjo është një luftë që padyshim do të fitohet nga të gjithë së bashku.
“Ndonëse në kushte të jashtëzakonshme, sot zhvillova në aeroportin “Nënë Tereza” një takim shumë të frytshëm me Ministrin e Punëve të Jashtme dhe Tregtisë së Hungarisë, Péter Szijjártó.
Szijjártó, sot, në emër të Hungarisë solli me vete 100.000 maska dhe 5000 veshje mbrojtëse mjekësore për ta mbështetur Shqipërinë në luftën kundër COVID-19.
Me bashkëpunim të ngushtë e solidaritet të gjerë, kjo luftë do të ketë vetëm një epilog: fitoren tonë përfundimtare mbi COVID-19.”- shkruan Cakaj.
https://www.facebook.com/cakajgent/posts/2596336733969285?__xts__[0]=68.ARDUB73UzR8FWYja8afDw6UsjrnOJMbfaCY_GF_eaVlTn298tT3YrwtzZAHEGceZJQaFcM4rR6jqjCiNa3q4gk8kc8FOSLkpsAdydXOIHZfaY9k6jmxHYC5MUjPKzUeyBzYxVh7L9tYP4buOVgap_n14mkgAmnSzHubPnoF6Gp7g9Hvl03ulwYMbRLmP2DAXlgeXv3UjeSFNgSjofYADxvkdesLkcnFy_sudOvi5DgOaXcUR6f2IjhAhWVJvJB8UrLOv0L4-o7TNxLzsjme3_xUyjLe55HaMVUK8fghZ90NmQfUfp0U6BdBeYv19Bq1icyYxMzexIWvXm_ZUXByufXpanE45&__tn__=-R
