Humoristi i njohur i “Duplex”, Visjan Ukcenaj, do të jetë pjesë e festivalit “Kënga Magjike” si këngëtar.
Ai e ka provuar tashmë veten në muzikë duke publikuar një sërë klipesh dhe këngësh audio në kanalin e tij në Youtube, ku e quan veten “VUKMAN”.
Klipi i tij i fundit ishte ai i një kënge dedikuar të birit, “S’ka si ti”, e cila u publikua në mars.
I ftuar tek “Ditë për Ditë” në “Klan”, Visjan Ukcenaj u shpreh se ka dëshirë të jetë pjesë e “Kënga Magjike”.
Duke shpjeguar se i pëlqejnë këngët që përcjellin një mesazh, ai u shpreh se edhe nëse do të merrte pjesë tek “Kënga Magjike”, do të zgjidhte një këngë me mesazh.
“Dëshira ime është që këngët që do të bëj të kenë një mesazh dhe përmbajtje. Dhe nëse marr pjesë në “Këngë Magjike” do kem një këngë me përmbajtje sociale ose shoqërore”, u shpreh Visjani.
Kujtojmë se vitin e kaluar, në garë tek kategoria e të rinjve e “Këngës Magjike” ishte humoristi i “BE Coffee” Olsi Bylyku, në bashkëpunim me Lorenc Hasramën.
