Ndeshja e Conference League solli zhvillime të shumta e madje edhe të bujshme, ku pati përplasje shumë mes tifozëve italianë dhe atyre holandezë. Mirëpo, mbrëmë u finalizua gjithçka ku Roma u shpall fituese.
Nga ana tjetër, tifozët holandezë u panë mjaft të zhgënjyer.
Por nuk mjafton vetëm kaq! Mësohet se tifozët holandezë kanë shkaktuar trazira në Roterdam.
Nga këto trazira, mësohet të jenë arrestuar 72 persona. Policia ka ndërhyrë menjëherë në Coolsingel, Hofplein dhe Weena.
Megjithëse mediat holandeze kanë shkruar se të tjera arrestime priten.
Tifozët kanë shkatërruar çdo gjë që u dilte përpara. Ata thyen xhama e goditën edhe një autobus.
Madje, dëmtuan edhe shumë objekte të tjera.
Dy efektivë policie mbeten të lënduar nga e gjithë kjo rrëmujë e shkaktuar nga tifozët holandezë.
Siç shihet edhe nga pamjet, vendi duket totalisht në kaos pas trazirave të shkaktuara nga tifozët holandezë.
Ndeshja përfundoi me rezultatin 1-0 për Romën, ku tifozët italianë dolën të festonin në rrugët e Italisë.
Festa e italianëve ka vazhduar deri në orët e para të mëngjesit. Gjithashtu, edhe ekipi vijoi me festimet. Secili prej lojtarëve dilte me kupën në dorë dhe thoshte “ole” para tifozëve, shkruan shqiptarja.
Nga ana tjetër, tifozët e Feyenoordit nuk e pritën aspak mirë rezultatin.
