Pak ditë më parë ish-deputetja Nora Malaj përjetoi një dhimbje të madhe.
Në periudhë pandemie, ajo humbi nënën e saj dhe nuk mundi t’i jepte lamtumirën e fundit ashtu siç do të dëshironte.
E ftuar në emisionin “Shqipëria Live”, ajo rrëfeu dhimbjen e përjetuar në këto ditë.
Malaj tha se nëna e saj jetonte vetëm dhe pas humbjes së babait para 4 vjet e gjysmë, kjo ishte një goditje e fortë për të.
Për prindin tha Malaj, nuk mund të ketë asnjëherë lamtumirë, sepse prindi nuk vdes, por largohet.
“Ajo kafe nuk u pi kurrë. Unë piva kafen e mortit të saj. Ra ky mort dhe kuptova qe jeta qenka një sfidë e madhe. Nuk ka vdekje të prindërve, por largim nga kjo botë. Ajo ishte banka e sigurt ku mund të shprehje gjithçka. Nëse babai është shkëmbi ku mbështet kurrizin, nëna është lëndina që të jep të gjitha shijet e jetës”, u shpreh Malaj
