Këngëtarja shqiptare Morena Taraku në jo pak raste publikon në rrjetet sociale foto me babanë e saj, me të cilin ka një marrëdhënie të veçantë, por ajo nuk harron të kujtojë në çdo moment edhe nënën e saj,e cila nuk jeton më.
Nëpërmjet postimeve të ndryshme në rrjetet sociale, apo dhe në çdo intervistë që ka dhënë Morena ka treguar gjithmonë se i mungon shumë nëna e saj. Të njëjtën gjë na ka treguar edhe sot nëpërmjet disa postimeve në Instastory.
Në një komunikim që ka pasur me ndjekësit e saj në Instagram, Morena është pyetur në lidhje më nënën e saj. Pavarësisht dhimbjes së madhe që ndjen për humbjen e saj ajo nuk ka hezituar t’u përgjigjet fansave të saj.
“Ju mungon nëna juaj”, e pyet ndjekësi i saj.
“Sigurisht! Çdo frymëmarrje e imja është më e vështirë pa të. I them jo vetes sime, por realiteti është krejt ndryshe”, përgjigjet Morena duke treguar se sa shumë e ndjen mungesën e së ëmës.
“E di që ndoshta prekesh ama dua me të pyet….Sa vjeç ke qenë kur të ka lënë nëna”, e pyet fansi i saj.
Morena ka treguar se ajo ka qenë vetëm 11 vjeç kur ka humbur nënën e saj.
“1 kujtim nga mami jot?, e pyet ndjekësi.
“Gjithçka që kujtojë janë sytë e saj”, përgjigjet Morena.
“A kishe bërë gjithçka për ta parë edhe njëherë mamin tënd?”, e pyet ndjekësi i saj.
“Sigurisht!!! Do ja falja 20 vite të jetës time vetëm të kthehet prapë”, përfundon Morena.
Për t’u njohur të parët me lajmet më të fundit nga showbiz-i, moda, bukuria, aktualiteti, etj., shkarkoni falas aplikacionin e iconstyle.al
iOS: https://itunes.apple.com/gb/app/iconstyle/id1404396029?mt=8
Android: https://play.google.com/store/apps/details?id=com.electral.iconstyle
