Në 27 shkurt, këngëtarja Xhesika Polo humbi njeriun e saj më të dashur.
E ëma e saj, ndërroi jetë në një moshë të re pas një sëmundjeje të rëndë nga e cila vuante prej kohësh.
Lajmin e trishtë e bëri të ditur vetë këngëtarja nëpërmjet një postimi në Instastory, ku i thoshte lamtumirë nënës së saj.
Sot, mamaja e këngëtares do të festonte ditëlindjen dhe në këtë ditë speciale, Xhesika s’mund të mos shkruante një dedikim për personin e saj të zemrës.
Ajo ka zgjedhur disa fjalë që na i prekën zemrat, krahas një fotoje të vjetër me të ëmën.
“Sot do ishim duke festuar bashkë ditën e lindjes tënde e shtrenjta ime. Më mungon pafund mam. Jeta u tregua e padrejtë me ty dhe me ne që na la me këtë plagë që nuk mbyllet asnjëherë”- janë fjalët e Xhesikas krahas postimit.
