Incidente të dhunshme kanë shpërthyer në Bruksel pasi Maroku mundi Belgjikën 2-0 në ndeshjen për Kupën e Botës në Katar.
Mediat e huaja raportojnë se tifozeria u ndez kur goli i parë i marokenëve u anulua, ndërsa në pjesën e dytë pati një përshkallëzim tensioni. Faqja e internetit flet për 150 të rinj që ishin mbledhur në zonat e bursës dhe Gare de Midi. Atmosfera ishte e tensionuar edhe në Molenbeek.
Pamjet e postuara në rrjetet sociale dhe të riprodhuara nga mediat belge tregojnë kazanët që digjen dhe një automjet bosh që është përmbysur në mes të rrugës. Policia ka tentuar të shpërndajë turmën duke përdorur ujë me presion, ndërsa ka ndaluar qarkullimin në disa rrugë.
International press reports that Belgian fans are rioting in Brussels after Belgium lost 2-0 to Morocco at the World Cup in Qatar an hour ago.
Videos seem to suggest that it is rather Moroccan fans who are rioting. pic.twitter.com/9mVfpkmFk4
— Visegrád 24 (@visegrad24) November 27, 2022
“Dënoj në termat më të ashpër të mundshëm incidentet që shpërthyen këtë pasdite. Policia ka ndërhyrë tashmë me vendosmëri. Unë i këshilloj mbështetësit të mos vijnë në qendër të qytetit. Policia po përdor të gjitha mjetet për të ruajtur rendin publik”, tha kryetari i bashkisë së Brukselit, Philippe Clos, në një postim në Twitter, duke theksuar se ai i bëri thirrje policisë të bëjë arrestime.
Edhe para përfundimit të ndeshjes së futbollit, në qendër të qytetit ishin mbledhur “dhjetëra persona, mes të cilëve disa të veshur me kapuç, që kërkuan konfrontim me policinë, duke rrezikuar sigurinë publike”, thuhet në njoftimin e policisë.
Policia tha se protestuesit përdorën mjete piroteknike, hodhën objekte dhe disa të armatosur me shkopinj u vunë flakën rrugëve publike, duke shkatërruar semaforët.
“Një gazetar është plagosur në fytyrë nga flakët”, sipas policisë e cila thotë se më pas ka vendosur të ndërhyjë me automjete me topa uji dhe me gaz lotsjellës.
Në ndërhyrjen e policisë janë mobilizuar njëqind efektivë, të cilët janë sulmuar me sende të forta.
Policia u ka kërkuar banorëve dhe tifozëve që të shmangin zona të caktuara të qendrës së qytetit. Stacionet e metrosë u mbyllën dhe rrugët u bllokuan.
