Të dielën e kaluar, kampioni i basketbollit Kobe Bryant humbi jetën në një aksident tragjik me helikopter, së bashku me vajzën e tij 13-vjeçare dhe 7 persona të tjerë.
Humbja e tyre pikëlloi botën dhe familjarët ndihen të shkatërruar nga kjo tragjedi.
Bashkëshortja e Bryant, Vanessa, foli për herë të parë pas humbjes së bashkëshortit dhe vajzës dhe statusi i saj në Instagram na i mbushi sytë me lot.
Pas bashkëshortes, ka reaguar edhe e dashura parë e Kobe Bryant në vitet ’90, e cila e ka qenë edhe shoqëruesja e basketbollistit mbrëmjen e maturës.
Nëpërmjet një poze të Bryant dhe të bijës së tij në Instagram, Brandy ka shprehur ngushëllimet e saj për Vanessa-n dhe familjet e tjera që humbën personat e dashur.
Ajo i ka dërguar dashuri familjeve të viktimave, duke i treguar se solidarizohet me dhimbjen e tyre të madhe.
“Nuk do e kuptoj kurrë. Ngushëllimet e mia për Vanesën dhe për të gjithë familjarët që po vuajnë në këtë kohë tragjike. Dashuri”- shkruan Brandy krahas fotos.
Kobe Bryant la pas bashkëshorten e tij, Vanessa-n, si dhe 3 vajza, më e vogla e të cilave është vetëm 6 muajshe.
