Fatkeqësitë në jetën e Shkurtës nuk kishin të sosur. Shkurta së bashku me bashkëshortin e saj dhe tre fëmijët, kishin vendosur të shkëputeshin disa javë nga Norvegjia (aty ku jetonin), për të kaluar pushimet me familjarët në Kosovë. Por ky udhëtim ishte fatal për bashkëshortin e saj, i cili humbi jetën.
Sakaq, një vit më parë, Shkurta ishte diagnostifikuar me kancer. Motra e saj Flutura, kishte zgjedhur emisionin “Dua të të bëj të lumtur” për ti dhënë kurajo Shkurtës.
“Nuk je vetëm, unë dhe familja do të të qëndrojmë pranë! Të uroj më të mirat dhe shëndet për ty dhe fëmijët e tu!”- tha Flutura.
Por teksa rrëfente historinë tragjike të Shkurtës, moderatorja Arbana Osmani nuk mundi të përmbante dot lotët.
Surpriza e Arbanës për Shkurtën ishte këngëtarja e preferuar e fëmijëve të saj, Dhurata Dora.
“Fëmijët e tu duhet të jenë tepër krenarë për ty. Edhe pse ke kaluar shumë në jetë ti vjen këtu në këtë program duke qeshur. Ti je shembull jo vetëm për mua por për të gjitha femrat.” ishin fjalët e Dhurata Dorës.
