Ndarja mes Demi Lovatos dhe Max Ehrich është ngjarja më e diskutuar në showbizin e huaj prej ditësh. Këngëtarja bëri publike ndarjen, ndërkohë që Ehrich nuk e pranoi, duke u shprehur se ata nuk kishin diskutuar bashkë në lidhje me këtë gjë.
Ndërkohë gjatë një videoje live në Instagram, Ehrich ka thënë se Demi e ka përdorur ndarjen si një marifet për publicitet për veten.
“Kjo është gjëja më e çmendur. Kjo është eksperienca më e çuditshme, që shpresoj askush mos ta përjetoj, sepse asnjë nuk e meriton të ndihet në këtë mënyrë”, është shprehur Max. Në dramën e tij ai ka përfshirë edhe Ariana Granden, duke marrë si shembull ndarjen e saj nga Pete Davidson në 2018-tën.
“Pete Davidson nuk e meritonte të ndjehej ashtu. Mendoni se ai e shkroi atë tekst për Mac Miller? Ha. Hapni sytë. Marifete PR të llogaritura, por skuadra ime do të më urrejë për këtë që po them”, u shpreh Max.
Ndërkohë duke thënë se Demi ka përdorur këtë ngjarje për më shumë famë, ka shtuar se shpresonn shumë që të paktën kënga që bëri pas ndarjes të renditet e para në listat muzikore.
“Isha i dashuruar. E gjithë bota duhet ta dijë. Mendova se gjeta dashurinë e vërtetë, tani e kuptova që thjesht u përdora. Por shpresoj që kënga të jetë numër 1, sepse nëse kjo është ajo çfarë do një person në botën materiale, le ta ketë! Shpresoj që kjo të të bëjë të lumtur. Shijoje. Sapo humbe dikë që të donte plotësisht, pafundësisht, për çdo gjë”, ka thënë Ehrich.
Kujtojmë se ai dhe këngëtarja u njohën gjatë kohës së karantinës bashkë dhe u ndanë pas 2 muajsh fejesë.
