Balerina e njohur Hueyda El Saied u bë së fundmi kryefjala e mediave për nisjen e një romance të re me partnerin e saj, Thierr. Çifti njihej prej 6 vitesh dhe Thierr e dashuronte Hueyda-n gjatë gjithë kësaj kohe, para se ajo të përfundonte martesën e saj dhe t’i thoshte Thierry-t “po”.
Në postimet e shumta në rrjete sociale, balerina tregon se ndihet kokë e këmbë e dashuruar dhe është tepër e lumtur me partnerin dhe djalin e saj, Gabrielin, me të cilët publikon shpesh foto.
Së fundmi, një tjetër postim pikant e ka tërhequr vëmendjen në profilin e Hueydës.
Balerina i është bashkuar sfidës së vipave, të cilët kanë nisur të publikojnë foto të tyret topless në rrjete sociale. Pas Lindsay Lohan dhe Liam Payne, të cilët dogjën rrjetin me fotot e tyre seksi, është rradha e Hueydës të marrë vëmendjen e të gjithëve.
Ajo ka pozuar në shtrat tërësisht e zhveshur, me flokët e mbledhura bisht dhe është mbuluar vetëm nga një tyl, teksa njërën dorë e ka mbajtur mbi gjoks duke mbular hiret e saj. Fotoja ka tërhequr menjëherë vëmendjen e ndjekësve, të cilët kanë vërshuar në komente e pëlqime në postimin e saj.
Kujtojmë se balerina i dha fund martesës së saj me Michael Tamisier, me të cilin ka një djalë, për shkak të tradhëtisë së Tamisier me një femër tjetër.
