Dashi
Nëse përmirësoni pak më shumë ndjenjën e optimizmit, do shihni se gjithçka do jetë më e lehtë për t’u kaluar. Rikthimi pas pushimit është pak i vështirë, por ju do të përshtateni më së miri. Asgjë nuk ka ndryshuar, thjesht të gjithë ata që ju rrethojnë presin shumë më shumë nga ju. Merreni me qetësi, sepse jeni në gjendjen tuaj më të mirë për të treguar maksimumin.
Demi
Në aventurën që keni nisur mund të gjeni vështirësi, sidomos nga këndvështrimi personal, prandaj përgatituni të përballeni me një ditë të rëndë dhe plot të papritura. Asgjë nuk do zgjidhet me një ndjesë apo justifikim. Tashmë i keni njohur njerëzit rrotull vetes dhe e dini se duhet të përballeni me prova të ndryshme të durimit tuaj. Ruani qetësinë!
Binjakët
Gjithë mërzitja dhe stresi që po kaloni është për shkak të punës. Jeni lodhur nga ngarkesa e madhe që keni dhe puna ju është kthyer në stres. Mos lejoni që kjo të ndikojë në shëndetin tuaj. Zgjidhja është të mos rrini në qetësi e të shihni me indiferentizëm gjithçka që ndodh, por reagoni dhe ngrini zërin për të drejtën tuaj.
Gaforrja
Urani në shenjën tuaj do bëjë që këtë vit të arrini një pavarësi totale si ekonomike ashtu edhe profesionale. Këtë keni pritur prej kohësh, por që çdo gjë ka momentin e duhur, dhe ky moment për ju është më afër se asnjëherë tjetër. Kushtojini më shumë rëndësi jetës suaj personale dhe mundohuni t’i jepni një zgjidhje gjithçkaje që ka të bëjë me personin që keni në krah.
Luani
Do përballeni me disa surpriza jo të mira sot ju të dashuruarit dhe në disa momente do ndiheni keq. Kërkoni ndihmë nga disa familjarë, sepse ata do iu japin këshillat e duhura. Gjendja e financave do vijë dalëngadalë duke u përmirësuar falë masave të rrepta që keni marrë.
Virgjëresha
Dialogu do jetë shumë i fortë gjatë gjithë kësaj dite për juve që jeni në krye të një sektori të caktuar. Flisni hapur dhe kërkoni mirëkuptim në ato çka thoni, sepse ndonjëherë vendimet e nxituara mund të hedhin poshtë mundin e gjithë kohëve të fundit. Do e kuptoni me në fund se çfarë do të thotë të kundërshtohesh nga shumica.
Peshorja
Planet tuaja do të prishen nga disa të papritura në momentin e fundit, të cilat nuk do të mund t’i shmangni dot. Mos u përballni vetëm, por merrni këshilla dhe zgjidhjen do e gjeni mes miqsh. Qetësia do jetë e nevojshme, prandaj niseni ditën bukur.
Akrepi
Prania e njerëzve që doni do jua bëjë më të bukur gjithçka këtë periudhë. Ndoshta keni kuptuar se sa shumë kohë keni humbur pas punëve dhe projekteve të ndryshme dhe keni zgjedhur diçka tjetër tani. Energjitë e reja janë fillimi më i mirë për ju. Dashuria është pjesë e rëndësishme e juaja, ndaj jepini vëmendjen e duhur.
Shigjetari
Atmosfera në familjen tuaj do jetë shumë e ngrohtë sot. Kjo do sjellë edhe disa orë të kaluara në shoqërinë e njëri-tjetrit dhe duke mos u angazhuar me asgjë tjetër. Në planin financiar bëni kujdes sa më shumë që të mundeni. Po e tepruat me shpenzimet, do ju duhet të kërkoni ndihmë nga të afërmit dhe jo të gjithë do mund t’ju mbështesin.
Bricjapi
Stimuj shumë pozitivë e përshkojnë shenjën tuaj në sajë të vendosjes së plotë të Hënës. Kjo ju bën më të përkushtuar dhe më vlerësues ndaj faktorëve të ndryshëm që pa diskutim janë pjesë e planeve tuaja për këtë vit. Familja dhe partneri janë hap pas hapi me ju. Ai që duhet t’ju marrë më shumë kohë është pikërisht sektori i financave. Kushtojini vëmendje dhe shihni çfarë nuk po shkon në këtë sektor.
Ujori
Sot dita do nis plot energji dhe entuziazëm për gjëra të reja. Një projekt i ri po vjen drejt jush dhe mezi e prisni. Rini i qetë, sepse gjithçka do të shkojë më së miri. Mos lejoni që frika nga “e reja” t’ju stepë dhe t’ju bëjë pasiv. Nuk do ju dalë asnjë pengesë gjatë rrugës, gjithçka është në avantazhin tuaj.
Peshqit
Jeni rikthyer në punë me energji dhe dëshirë për t’iu përkushtuar profesionit tuaj. Më në fund do merrni vlerësimin e merituar dhe do jeni po kaq mirënjohës dhe dashamirës ndaj atyre ju kanë qëndruar pranë. Përkushtojuni akoma më shumë sektorit të ndjenjave, sidomos ju që nuk jeni në një lidhje, sepse pa kuptuar mund të ‘humbni’ një mik shumë të mirë që keni pranë. Tregohuni të kujdesshëm.
