Një 37-vjeçar është qëlluar për vdekje nga policia franceze, pasi sulmoi me thikë disa persona në periferi të Parisit. “Dailymail” raporton se nga sulmi me thika, ka humbur jetën një person, ndërsa dy të tjerë janë në gjëndje të rëndë shëndetësore. Përpara se të qëllohej për vdekje, autori i masakrës ka bërtitur në gjuhën arabe ” Allahu Ekber”, që në shqip përkthehet “Zoti është më i madhi”.
Sakaq 37-vjeçari, identiteti i së cilit nuk bëhet i ditur për mediat, ishte i njohur nga policia pasi disa vite më parë ishte dënuar për mbështetjen e terrorizmit dhe ka qenë nën vëzhgimin e tyre.
Shteti Islamik ka marrë përgjegjësinë për sulmin, mirëpo autoritetet franceze nuk janë ende të qartë nëse janë të lidhura me njëra-tjetrën. Hetimet janë fokusuar dhe në shkaqe familjare, pasi Trappes është një lagje e varfër në një zonë përgjithësisht të pasur të Parisit.
