Dashi
Venusi vazhdon të qëndrojë në shenjën tuaj zoodiakale. Nëse jeni në pritje të një ngritjeje në detyrë, gjithçka është në rregull dhe shumë shpejt do të merrni një përgjigje pozitive. Gjatë dhjetë ditëve të fundit do të mbyllni disa çështje të rëndësishme, me të cilat kishit kohë që merreshit. Të lindurit në shenjën e Dashit nuk para pranojnë t’i refuzojnë. Nuk është momenti ta teproni me shpenzimet, sepse kjo është një fazë tranzicioni për ju në aspektin financiar. Studentët duhet të përgatiten më së miri, sepse muaji qershor do të jetë shumë i lodhshëm. Venusi ju mbron aq shumë në aspektin e ndjenjave sa një histori shumë e bukur dashurie ka lindur për ju. Mund të kërkoni diçka më shumë se thjesht një lidhje, sepse edhe muajt në vijim do të jenë shumë pozitivë. Nëse disa prej jush janë ndarë së fundmi, atëherë keni bërë mirë, sepse tani ndiheni më të çliruar. Falë ndikimit të Saturnit, një planet mik i shenjës suaj, gjendja juaj fizike do të jetë shumë e mirë. Kjo është periudha e përshtatshme t’u nënshtroheni kurave apo trajtimeve estetike.
Demi
Maji është gjithmonë muaji juaj, sepse ju karakterizon sharmi dhe ju përndjek fati. Mërkuri do të kalojë në shenjën tuaj më datë 16 dhe Venusi do t’ju ndihmojë që t’ia dilni mbanë edhe në qershor. Ky është momenti i përshtatshëm për të realizuar një projekt profesional shumë të rëndësishëm. Shfrytëzoni sa më shumë pranverën dhe verën, sepse në vjeshtë mund të përballeni me një krizë aspak të këndshme. Mos i shtrini këmbët më shumë se jorgani, tregohuni i kursyer me shpenzimet. Ndërsa në aspektin e ndjenjave, lidhjet do të lulëzojnë. Të gjithë ata që duan të bëhen me fëmijë, mund të përfitojnë, sepse ky do të jetë një muaj i mbarë. Do të ishte vërtet një mëkat të qëndronit mbyllur brenda mureve të shtëpisë, sepse dashuria do të gjejë edhe ata që s’u besojnë ndjenjave. Forcë, qëndrueshmëri dhe kurajë. Muajt e parë të vitit janë të rëndësishëm për ju. I vetmi problem me të cilin do të përballeni këtë vit është ai financiar, gjithçka tjetër do të shkojë fjollë.
Binjakët
Maji, qershori dhe korriku do të jenë muajt më të rëndësishëm për ju, jo vetëm në aspektin profesional. Shumë nga të lindurit në shenjën e Binjakëve gjatë këtyre dy viteve të fundit janë përballur me probleme pronash apo financiare, që gjithmonë kanë pasur lidhje me shtëpinë. Nëse doni të mbyllni ndonjë marrëveshje apo të bisedoni me shefin tuaj për ngritje në detyrë, bëni mirë ta provoni pas datës 20. Më datë 26 mund të merrni një lajm që e prisnit prej kohësh. Ju jeni nga ata njerëz që pavarësisht nga vështirësitë, dini si t’ia dilni mbanë dhe të filloni gjithçka nga e para. Shmangni zënkat me shefat apo me personat që kanë vërtet rëndësi për ju. Ndërsa në fushën e ndjenjave të gjithë beqarët apo të divorcuarit duhet të jenë më joshës për të bërë për vete dikë. Maji do të jetë një muaj shumë intensiv, sidomos pas datës 25. Mosmarrëveshje në familje për shkak të shpenzimeve të tepruara. Duhet të bëni më shumë kujdes për shëndetin duke marrë parasysh se në periudhën janar-mars jeni përballur me probleme të pakëndshme. Do të ndiheni shumë energjik rreth datës 25.
Gaforrja
Kalimi i ngadaltë i Venusit në shenjën tuaj kërkon durim si në raportet profesionale, ashtu edhe në ato sociale. Ka kohë që gjërat janë të vështira për ju, mezi po ia dilni. Vera do të shënojë ndryshimin në jetë tuaj, sepse gjithçka që tani ju shqetëson apo ju bezdis, do të shndërrohet në diçka pozitive. Diçka e rëndësishme ju pret në horizont. Ju duket sikur keni gjithçka kundër dhe do të kërkoni ndihmën e njerëzve që ju duan dhe të tillë ka shumë. Falë Mërkurit, data 16 maj do të jetë një pikë kthese, e cila do të arrijë kulmin më datë 24 maj. Çiftet që duan të bëhen me fëmijë do të jenë më fatlumët, pasi i kanë pritur për një kohë të gjatë. Shumë prej jush duhet të presin qershorin për të krijuar lidhje të reja sentimentale. Ata që janë ndarë për shkak të problemeve me të afërmit, sepse dikush i ka futur më shumë hundët se ç’duhej, kanë vepruar mirë dhe tani ndihen të çliruar. Bëni kujdes me çështjet që kanë karakter ligjor, sepse nuk është periudha e përshtatshme për t’i zgjidhur. Gjysma e parë e vitit nuk do të jetë një periudhë energjike. Mos harroni të qetësoheni. Duhet të ktheni faqe. Për shkak të ndonjë dite të bezdisshme do t’ju prishet edhe gjumi. Bëni kujdes gjatë javës së parë të muajit.
Luani
Për shumë prej jush ky do të jetë muaji i ngjarjeve të mëdha, sepse do të arrini një fitore profesionale që e prisnit prej kohësh. Kush nga ju ka një çështje ligjore apo një hua, ky është momenti i duhur i zgjidhjes më të mirë. Pranvera ishte periudha më e mirë për të firmosur kontrata me rëndësi. Data 10, 11 dhe 17 do të jenë të vështira për ju për shkak se jeni shumë emotivë. Bëni kujdes me financat, sepse periudha 16 deri më 31 maj do të karakterizohet nga shpenzime të mëdha. Në dashuri është e rëndësishme të kuptoni çfarë dëshironi dhe çfarë keni arritur deri tani. Ata që kanë një lidhje të konsoliduar prej vitesh nuk duhet të tundohen nga lidhje paralele. Propozimet do të jenë të shumta gjatë këtij muaji. Ata që s’e kanë gjetur ende dashurinë, bëjnë mirë ta kërkojnë fajin te vetja dhe të kuptojnë në kanë frikë të përfshihen në marrëdhënie të vërteta apo lidhen gjithmonë me personat e gabuar. Është normale që ndiheni të nervozuar në një periudhë kaq të ngarkuar. Bëni shumë kujdes më datë 24, sepse do të doni të çliroheni nga stresi duke bërë shpenzime të mëdha.
Virgjëresha
Më në fund një muaj i qetë për ju. Vera po afron dhe do të jetë shumë fatsjellëse. Gjysma e dytë e vitit do të jetë më e mirë, si në aspektin profesional, ashtu edhe në fushën e ndjenjave. Jeni të kënaqur me punën që po bëni dhe ndiheni mirë me kolegët. Edhe në familje gjërat po shkojnë më mirë. Data 24 do të jetë e duhura për ju. Nismat që do të ndërmerrni në periudhën qershor-gusht do të kenë rezultate pozitive. Maji do të jetë një muaj me rëndësi në fushën sentimentale, por jo aq bindës sa qershori. Çiftet që duan të martohet, bëjnë mirë ta hedhin hapin më të sigurt në gusht. Disa nga ju madje kanë filluar të pendohen për marrëdhëniet që kanë krijuar, sepse mungesa e pasionit i ka bërë të mendojnë se ndoshta s’është i/e duhura. Të gjitha lidhjet do të karakterizohen nga ngërçe që as ju nuk po u gjeni dot një zgjidhje. Pas datës 23 bëni mirë të nisni trajtime apo kura të ndryshme shëndetësore. Bëni kujdes me tensionin, me gjumin e keq dhe në datat 12,13, 20 dhe 26 mos bëni sforcime të padobishme.
Peshorja
Për fat të mirë, ndikimi i keq i Venusit në shenjën tuaj do të marrë fund muajin tjetër. Ju po rriteni profesionalisht, por jeni në pritje të një ngritjeje në detyrë apo të një telefonatë me rëndësi, e cila zor se do të vijë tani. Do të përjetoni momente nervozizmi, por bëni durim, sepse qershori do të muaji juaj fatsjellës. Do të ndiheni të paqëndrueshëm dhe dorëzuar, sidomos më datë 8 dhe 15. Duhet të bëni përpara dhe jo të çoni në djall gjithçka. Një lajm i mirë do të vijë mes datave 22 dhe 26. Pas disa javësh do t’u thoni lamtumirë të gjitha vështirësive. Të gjitha lidhjet sentimentale që kanë mbijetuar deri më tani janë sprovuar dhe nuk keni pse të frikësoheni më. Ata që kanë ndër mend të kurorëzojnë dashurinë e tyre, bëjnë mirë ta hedhin këtë hap në korrik dhe gusht. Beqarët do të kenë takime interesante, por mos bëni të njëjtat gabime, sepse janë pikërisht kujtimet ato që ju lëndojnë. E keni të ndaluar të mbylleni brenda katër mureve të shtëpisë. Fillimi i majit do të jetë i lodhshëm për ju. Nuk ndaleni për asnjë minutë dhe do ta keni të vështirë të gjeni sërish atë qetësinë e dikurshme. Ka ardhur momenti të pushoni. Bëni pushime të shkurtra, por të shpeshta.
Akrepi
Maji do të jetë një muaj më i qetë krahasuar me prillin, gjatë të cilit ishit shumë të stresuar. Nuk ka ardhur ende momenti të ndryshoni strategji, sepse rrethoni nga persona jo shumë bashkëpunues. Të lindurit në shenjën e Akrepit luftojnë prej dy muajsh për të mbrojtur idealet dhe projektet e tyre. Ziliqarët vënë në dyshim arritjet tuaja profesionale, vetëm e vetëm se ju i pengoni që të bëjnë sipas dëshirave të tyre. Pas datës 16 parashikohen shpenzime më të mëdha. Dy javët e fundit të majit do të vihet në provë durimi juaj, por edhe gjendja juaj financiare. Mos u shkurajoni, sepse fundi i vitit do të jetë më fitimprurës. Problemet në punë provojnë edhe tensione në marrëdhëniet në çift. Përpiquni të kuptoni se cili është roli juaj në këtë lidhje. Femrat që qëndrojnë në shtëpi dhe nuk punojnë do të ndihen të lodhura, ndërsa meshkujt përpiqen t’u bëjnë bisht problemeve. Maskimi i drojës me agresivitet do të jetë një gjest antipatik në sytë e të tjerëve. Lidhjet e reja duhen vlerësuar mirë. Do të keni probleme me të lindurit në shenjën e Dashit dhe të Bricjapit, të cilët shumë shpesh i keni shokë aventurash. Duhet të pushoni dhe të ktheheni sërish në formë fizike të mirë. Shmangeni stresin, sidomos nga data 16 deri më 30. Shpenzimet e tepërta dhe garat e vazhdueshme do ta rrisin tensionin.
Shigjetari
Këtë muaj do të kapërceni të gjitha tensionet dhe dilemat që keni kaluar gjatë prillit. Ata që kanë një provim apo një intervistë pune, jo vetëm që do të jenë me fat, por do të jenë edhe më të përgatiturit. E premtja e datës 12 do të jetë data më me fat e muajit. Ky do të jetë një muaj i rëndësishëm për të zgjidhur problemet ligjore dhe për të pranuar propozimet e shumta që ju janë bërë. Nëse doni të punoni si të pavarur dhe jo në grup, ky është momenti i duhur për t’u shkëputur. Mundësitë janë të shumta për të hapur një biznes të ri apo edhe të shpërnguleni diku tjetër. Kjo varet nga mosha dhe personaliteti juaj. Qielli i majit është fantastik për të dashuruar. Yjet favorizojnë të gjithë ata që janë beqar. Nuk duhet të ndihen të kufizuar ata që kanë besim tek aftësitë e tyre. Çiftet do të kalojnë një periudhë të vështirë stresuese dhe pasioni do të rilindë mes tyre. Me një horoskop kaq të mirë, mund edhe të mendoni për të bërë një fëmijë. Tregohuni selektivë me njerëzit që sapo njiheni. Kërkoni gjëra konkrete, jo thjesht aventura. Këtë muaj do të ndiheni mirë edhe fizikisht. Java e parë do të jetë vendimtare. Momente të veçanta do të përjetoni edhe në punë dhe falë tyre do të ndiheni jo vetëm me fat, por edhe energjikë.
Bricjapi
Nuk do të mungojnë polemikat në vendin tuaj të punës. Bëni shumë kujdes nëse keni filluar një projekt të ri dhe të vështirë. Mos hiqni dorë. Duhet të gjeni aleatë të rinj, e megjithatë mos u besoni verbërisht dhe jo sepse jeni gjithmonë dyshues, por sepse vitin e kaluar e pësuat keq. Maji duket se do të jetë një muaj lufte, por edhe shumë i lodhshëm. Duhet t’u bëni ballë polemikave, gjithçka do të ndryshojë shumë shpejt. Jeni ju ata që e drejtoni këtë situatë, ndaj mund të largoni personat që nuk ju pëlqejnë. Datat 8 dhe 15 do të jenë ditët më të tensionuara. Puna juaj është aq stresuese sa nuk po e përballoni dot të vetëm. Bëni mirë të gjeni një ortak apo një të afërm që t’ju ndihmojë. Këtë muaj nuk do të keni vetëm probleme në punë, por edhe në familje. Do të diskutoni shumë me të afërmit tuaj. Në një kohë kur klima është kaq e acaruar, do të gjykoni gabim edhe personat e rinj që mund të njihni. Ndaj është më mirë të mos nisni marrëdhënie të reja pa u qetësuar më parë. Gjatë dy javëve të para të muajit edhe fizikisht nuk do të ndiheni mirë. Dietat apo kurat e ndryshme për të cilat keni nevojë do të funksionojnë më mirë pas datës 24. Përpiquni të krijoni një stil jete më natyral.
Ujori
Këtë muaj do të ndiheni disi më të qetë pas gjithçkaje keni kaluar në prill. Plot të reja dhe propozime që duhet t’i vlerësoni me kujdes. Nëse keni nisur një projekt, bëni mirë që parashikimet tuaja të jenë afatgjatë. Periudhë interesante për studentët, të cilët duhet të bëjnë maksimumin, sepse nuk mund të presin gjithçka nga “qielli”. Kjo do të jetë një periudhë e përshtatshme për personat krijues, për shkrimtarët, kompozitorët dhe piktorët. Nëse dëshironi të bëheni me fëmijë, atëherë falë Jupiterit keni mundësi shumë të mira. Disa nga ju do të takojnë miq të vjetër, ndërsa ata që po vuajnë sepse sapo janë ndarë, tani do të gjejnë shpëtim. Më datë 24 do të kaloni disa probleme familjare. Mos flisni asnjëherë pa u menduar dy herë. Krahasuar me prillin, në maj do të ndiheni më mirë edhe në aspektin psikofizik. Duket se gjithçka po shkon më mirë. Bëni kujdes më datë 24, sepse mund të kaloni një problem të vogël shëndetësor për shkak të ndryshimit të stinëve.
Peshqit
Muaji maj mund të shkaktojë nervozizëm dhe pasiguri te ju. Nuk do të jetë një periudhë e vështirë, por tensionuar për shkak të vonesave të shumta. Duhet të keni parasysh se muaji qershor do të jetë ai që do t’ju sjellë mundësi më të mëdha dhe do të jetë më pozitiv. Dhjetë ditët e fundit të muajit do të jenë më sfidueset, për shkak të Marsit dhe Saturnit në shenjën tuaj. Studentët duhet të përgatiten mirë, sepse mund të zhgënjehen nga rezultatet që do të marrin. Disa nga ju janë në kërkim të aleancave të reja. Bëni kujdes me shpenzimet, sepse jeni treguar shumë dorëlëshuar së fundmi. Bëni gjithashtu kujdes në lidhjet sentimentale që sapo janë krijuar, sepse nuk janë shumë të qarta. Ata që duan të martohen apo të bashkëjetojnë, do ta shtyjnë datën për arsye nga më banalet. Ka shumë ziliqarë për suksesin tuaj që mund t’ju vënë shkopinjtë nën rrota. Më datë 25 dhe 29 mos merrni vendime drastike, sepse do të pendoheni më vonë. Ky muaj do të jetë shumë i lodhshëm për ju në aspektin psikofizik. Kursejeni energjitë, meqë periudha më intensive e vitit është përpara. Lini pak më shumë hapësira për ndjenjat, sepse ju jeni romantikë dhe dashuria për ju është ilaçi natyral. Është e rëndësishme të mbani afër persona që ju mbështesin dhe të cilëve ju besoni.
