Dashi
Keni ende disa dyshime për të ardhmen tuaj, edhe pse disa çështje kanë marrë zgjidhje që në fund të pranverës. Situata në sferën profesionale paraqitet e vështirë për t’u menaxhuar, si pasojë e mosmarrëveshjeve me ndonjë koleg, apo ndryshimit të eprorëve. Megjithatë, rëndësi ka të dini se do të shpëtoni pa pasoja nga kjo situatë kaotike. Është më mirë që problemet t’i vini në dukje, që t’i zgjidhni në kohën e duhur. Marsi rikthehet në pozicion jo të favorshëm prej datës 13 gusht. Kujdes me çështjet ligjore dhe financiare, sidomos nëse janë të mbartura që nga e shkuara.
Për sa i përket ndjenjave, lidhjet e dashurisë të nisura rishtas nuk janë fort emocionuese. Të lindurit në shenjën e dashit që kanë dalë së fundmi nga një raport dashuror, nuk duhet të hidhem menjëherë në një tjetër. Marrëdhëniet në krizë, që i kanë bërë ballë një periudhe të gjatë plot me sprova, tashmë do t’i gëzohen një periudhe qetësie, sepse Mërkuri dhe Dielli janë në pozicion mjaft të favorshëm. Në harkun kohor 10-19 gusht mund të ndodhë një përballje mjaft domethënëse dhe epshi është në nivele shumë të larta. Gjatë udhëtimi mund të takoni një person vërtet të rëndësishëm. Flirtet rastësore do të ikin bashkë me gushtin.
Ndërsa në aspektin fizik, pritet që lodhja e akumuluar të largohet gjatë këtij muaji, që zakonisht i kushtohet pushimit. Megjithatë, jo të gjithë të lindurit në shenjën e Dashit do të kenë mundësi të bëjnë pushime të gjata, si pasojë e problemeve ekonomike të muajve të fundit. Shmangni tensionet rreth datës 22 dhe përpiquni t’i organizoni pushimet në pjesën e parë të muajit. Lodhja mendore mund të sjellë si pajojë dhimbje koke, inflamacione apo dhimbje dhëmbësh. Shkoni te mjeku dhe merruni pak me veten.
Demi
Marsi vazhdon t’ju sprovojë sistemin nervor deri më datë 13 gusht, ndërkohë që Jupiteri nuk ju vjen në ndihmë të zgjidhni problemet në punë. Disa vendime apo sjellje tuajat gjatë javëve të fundit nuk u kanë pëlqyer të gjithëve. Nuk duhet të bini pre e lodhjes së skajshme apo depresionit. Saturni në pozicion mjaft të favorshëm do t’ju ndihmojë të mos e humbni ekuilibrin, por gjithsesi planet afatgjata ekonomike duhet t’i shtyni për një moment të dytë. Nëse punoni me kohë të pjesshme ose me qira, duhet të mbani orën me paratë dhe ta menaxhoni më mirë jetesën.
Ata që po kërkojnë punë, mund të vendosin kontaktet e para. Për sa i përket ndjenjave, është shumë e rëndësishme të gjeni pakëz qetësi shpirtërore. Mundësitë janë të ndryshme. Ata që kanë dalë nga një krizë dashurore, do të jenë të gatshëm të rindezin pasionin. Ndërkohë, ata që janë ndarë rishtas, do të jenë të predispozuar të krijojnë njohje të reja. Ata që janë prej kohës në një lidhje të qëndrueshme, do të zgjidhin disa çështje ekonomike apo profesionale, për të shmangur debatet e pakëndshme, sepse nervozizmi i njërit nga partnerët pasqyrohet te marrëdhënia në çift. Të rinjve kjo verë e nxehtë u ka rezervuar disa flirte që lindin krejt papritur. Pjesa e dytë e gushtit është më e favorshme, sidomos rreth datës 22. Përkushtojuni pak më tepër formës fizike. Gjatë verës merruni pak me kujdesin ndaj lëkurës, trupit dhe mendjes. Mos i sforconi fuqitë fizike, sidomos të shtunën, më datë 11. Fyti është pikë e dobët e të lindurve në shenjën tuaj, kini kujdes me ajrin e kondicionuar dhe luhatjet e temperaturës, sidomos më datë 18.
Binjakët
Të lindurit në shenjën e Binjakëve që merren me tregti apo aktivitet privat do të kenë rezultate pozitive, edhe pse gjatë korrikut kanë vënë re një rënie të të ardhurave. Këshilla ime për të ardhmen është që të tregoheni të kujdesshëm dhe të mos investoni për projekte të pabaza. Me gjasë, do t’ju duhet të rishikoni një kontratë apo të shqyrtoni një problematikë të caktuar që lidhet me ndonjë përgjigje a konfirmim që prisni, sidomos nëse keni persona që përpiqen t’ju vënë shkopinj nën rrota. Është muaj i favorshëm për të zgjidhur disa çështje të lëna pezull, por pa u ngutur, sepse në vjeshtë mund të keni sërish probleme nga ndërhyrjet e jashtme. Kujdes më datë 27, sidomos me vonesat apo premtimet e pambajtura.
Në aspektin e ndjenjave, gushti është një muaj i nxehtë. Që prej të hënës, më 6 gusht, situata merr rrjedhë pozitive. Disa miqësi mund të shndërrohen në histori dashurie. Është muaji më i bukur për njohje të reja dhe për të jetuar lirshëm ndjenjat. Pozicionimi i yjeve do t’ju vijë në ndihmë të zgjidhni edhe ndonjë krizë të mundshme bashkëshortore. Ata që ndodhen në dilemë mes dy historive, do të bëjnë një zgjedhje. Beqarët i këshilloj që t’i kalojnë pushimet në vende të populluara, sepse mund të hasin ndonjë surprizë të këndshme.
Muaji gusht sjell një ripërtëritje fizike dhe mendore. Lodhja ndihet ende në ditët e para, si pasojë e ritmeve të vrullshme të korrikut, por më pas situata përmirësohet ndjeshëm. Kini kujdes nga problemet me tendinat e ligamentet, që vijnë kryesisht si pasojë e qëndrimit të gabuar në makinë apo zyrë. Krahët janë pika juaj e dobët.
Gaforrja
Të lindurit në shenjën e Gaforres duhet të shmangin debatet dhe konfliktet, sepse rrezikojnë t’ju humbin kohë kot. Ky është viti i ndërmjetësimeve dhe mbase është mirë të bëni kompromis me ndonjë njeri që nuk ju pëlqen edhe aq, me qëllim për të realizuar objektivat që keni. Jupiteri ju vjen në ndihmë për të pasur sukses në nismat që do të ndërmerrni tani. Mbase disa prej jush janë të detyruar të punojnë me kohë të pjesshme, apo në ndonjë kompani në ristrukturim e sipër, por rëndësi ka që të mos humbisni përqendrimin nga gjërat thelbësore dhe të shmangni mendësitë sipërfaqësore. Mos u ngusni, sidomos nëse keni në dorë projekte me rëndësi. Pjesa e dytë e muajit paraqitet disi e tensionuar, sidomos nëse do të rishikoni ndonjë kontratë.
Në aspektin sentimental, çiftet e dashuruara duhet të përpiqen të ruajnë ekuilibrin pas shumë vështirësish. Raportet familjare nuk janë fort të thjeshta. Me gjasë, njëri nga dy partnerët po përballet me një situatë të pakënaqshme në punë. Vitin e kaluar dashuria dukej si shpëtimtarja e vetme në një periudhë vështirësish, kurse këtë vit është e kundërta, duket sikur ju kufizon. Nëse keni probleme ligjore me ndonjë ish-partner, përpiquni t’i zgjidhni me sa më pak përplasje të jetë e mundur. Kujdes me raportet me fëmijët, sepse disa ditë paraqiten më të tensionuara, si për shembull, java 20-26 gusht. Lidhjet sekrete dhe flirtet e lindura rishtas nuk do të zgjasin shumë. Mos jepni shumë nga vetja në marrëdhëniet rastësore. Pjesa e parë e muajit të aspektin fizik paraqitet e qetë, ndërsa nga data 16 gusht nis një fazë shqetësimesh të lehta, që kulmon më datë 22. Përpiquni të pushoni dhe të bëni ndonjë gjë argëtuese. Kujdes me sytë dhe problemet e lëkurës.
Luani
Në gusht do të fillojnë të vihen re shenjat e para të ndryshimeve pozitive që i presin të lindurit në shenjën tuaj në fund të vitit, por ju ndiheni mjaft të tensionuar. Në këtë periudhë, nëse nuk i vini fre dëshirës për të marrë hak ndaj dikujt, mund të shkatërroni gjithçka që keni ndërtuar me mund për vite. Nëse do të nisni ndonjë projekt a program ndryshe nga rutina, duhet ta merrni shtruar. Ndikimit negativ të Jupiterit po i vjen fundi dhe gushti është një muaj i shkëlqyer për të reflektuar mbi mundësitë e së ardhmes. Ata që kanë pasur të ardhura më të mëdha se zakonisht, kanë investuar në projekte apo detyrime dhe nuk kanë mbledhur shumë të mëdha. Nëse doni të ndërmerrni ndonjë strategji të suksesshme, duhet të prisni deri në nëntor apo dhjetor. Këshillohuni me ndonjë ekspert para se të ndërmerrni nisma ligjore. Për sa i përket aspektit të ndjenjave, zemra fillon të zbutet, edhe për ata që kanë pësuar zhgënjime në të shkuarën. Disa situata familjare janë tronditur nga ndodhi të papritura, por tani duhet parë drejt së ardhmes me qetësi dhe në mënyrë spontane. Duhet ta vini veten në vendin e partnerit dhe të mos i mëshoni vetëm bindjeve personale. Gushti do të jetë një muaj rimëkëmbje nga problemet e së shkuarës, por duhet të keni forcë të pranoni gabimet. Njohjet e reja favorizohen shumë nga Venusi dhe rreth datës 20 pritet të përjetoni emocione të forta. Gushti është muaji juaj, sepse dielli kalon në shenjë. Nëse tensioni është në nivele të larta, si pasojë e aktiviteteve të shumta, përpiquni të çlodheni. Fiziku nuk paraqitet në formë të mirë në data të caktuara, si 4 dhe 5 gushti. Fundjava e mëpasshme mundëson një ripërtëritje fizike e shpirtërore. Ilaçi më i mirë është dashuria.
Virgjëresha
Dielli do të hyjë në shenjën tuaj më datë 23 gusht. Horoskopi i këtij muaji është befasues, por gjithsesi shumëçka e keni ju vetë në dorë. Mos i shtyni më udhëtimet e punës dhe pranoni ftesat për të marrë pjesë në konventa apo specializime, sepse në këtë periudhë mund të jenë tejet frytdhënëse. Do të më japin të drejtë ata që do të firmonin një kontratë të re pune. Megjithatë, marrëdhëniet më të mira udhëhiqen nga arsyeja dhe jo nga instinktet. Kujtojmë këtu që Virgjëresha është shenjë e tokës dhe të lindurit në këtë shenjë kontrollojnë llogarinë bankarë, para se të nisin ndonjë projekt a ndryshim. Përpiquni të shmangni kontradiktat me të lindurit në shenjën e Bricjapit apo Shigjetarit. Nëse merreni me tregti, do të fitoni më shumë para se vitin e kaluar. Saturni është në fillimin e një rrugëtimi të gjatë në shenjën tuaj. Ai është planeti i zgjidhjeve drastike, por edhe i surprizave të mëdha. Marrëdhëniet familjare dhe dashurore do të shkojnë shumë më mirë se në të shkuarën. Emocionet janë më të qarta dhe vendimet mund të merren më lehtë, duke lënë pas shpinë ankthin dhe shqetësimet. Venusi del nga shenja juaj më datë 6, por gjithsesi kjo periudhë mbetet mjaft e bukur për takime të reja dhe për forcimin e marrëdhënieve të nisura në korrik. Ditët më me fat janë 13-14 gushti dhe 21-22 gushti. Nëse keni ende ditë pushimi, shfrytëzojini në javën e parë të muajit. Periudhë e favorshme edhe për martesat, lindjet e fëmijëve apo strehimin. Në aspektin fizik e mendor, ndiheni disi më të qetë, edhe pse, për hir të së vërtetës, të lindurit në shenjën e Virgjëreshës janë disi të trazuar së brendshmi. E vrisni shpesh mendjen për të djeshmen apo të nesërmen, apo edhe për persona të së shkuarës. Rëndësi ka të eci përpara. Nervozizmi është brenda caqeve dhe forma fizike brenda normave.
Peshorja
Planeti Mërkur në pozicion të favorshëm do t’ju vijë në ndihmë gjatë muajit gusht. Ndërkohë që pozicionimi i Marsit në kundërshti me shenjën tuaj, nxjerr në dritë probleme të pazgjidhura, kryesisht të periudhës 17 mars-17 maj. Nëse gjatë këtyre muajve keni pasur probleme ekonomike apo pune, ka të ngjarë që do të parashtrohen përsëri për diskutim rreth datës 22 gusht, por këtë herë zgjidhjet janë prapa dere. Pas një kohe të gjatë në vendnumëro, ka ardhur momenti të jeni sërish protagonistë. Projektet e reja të punës pritet të konkretizohen në vjeshtë, por ju duhet të angazhoheni që në gusht. Ecuria e atyre që do të nisin punë rishtas apo që punojnë me kohë të pjesshme do të jetë pozitive, por gjithsesi e luhatshme. Ndërkohë që janë më me fat këtë verë ata që janë prej kohësh në një vend pune.
Dashuritë më të bukura janë ato aventuresket. Gushti i favorizon shumë flirtet që lindin në plazh dhe ndjenjat që nuk i keni provuar prej kohës. Të rinjtë e shenjës sigurisht që janë beniaminët e kësaj periudhe. Personat e rritur, edhe nëse kanë kaluar një ndarje rishtas, nuk duhet t’i humbasin shpresat për takime të reja. Do t’u hapet drita jeshile emocioneve të forta dhe projekteve për jetën. Çiftet e konsoliduara, që i kanë shpëtuar stuhisë së muajve të fundit, pothuajse po shohin dritë në fund të tunelit, por duhet t’i kushtojnë shumë rëndësi marrëdhënies seksuale. Venusi në pozicion të favorshëm mundëson takime interesante në datat 14-15 dhe 24-25 gusht.
Pozicionimi i yjeve do t’ju sjellë pakëz qetësi. Muajt e fundit mund të keni pasur probleme me shpinën. Kujdes me qëndrimin shumë kohë në këmbë apo ulur para kompjuterit. Edhe dhëmbët mund të shfaqin disa shqetësime. Rikthejuni aktivitetit fizik. Ditët më të mira janë 15 dhe 24 gushti.
Akrepi
Marsi e ndërpret ndikimin negativ në shenjën tuaj prej datës 13 dhe kjo ju vjen mjaft në ndihmë, megjithatë gjakrat do të nxehen herë pas here. Udhëtimet sjellin emocione të mëdha, ndaj të rinjtë i këshilloj ta shqyrtojnë mundësinë e shpërnguljes diku gjetkë. Të lindurit në shenjën e Akrepit nuk i pëlqejnë fort risitë, por gjatë gushtit s’do t’i bëjnë dot ballë tundimit. Tashmë i keni kapërcyer mosmarrëveshjet me kolegët e zyrës dhe do të mendoni për projekte të reja në kompani. Megjithatë, problemet ekonomike vijojnë ende, ndaj duhet të bëni shumë kujdes me shpenzimet, sidomos ato familjare. Situata përmirësohet pas datës 23. Historitë e dashurisë që lindin gjatë gushtit mund të jenë të rëndësishme, sepse Venusi hyn në shenjën tuaj në shtator. Nëse keni ndërprerë një lidhje si pasojë e tensioneve të shtuara apo ndërhyrjeve nga persona të tretë, do të keni mundësi të bashkoheni përsëri në periudhën shtator-dhjetor. Takimet e reja paraqiten interesante dhe duhen jetuar me intensitet, edhe pse mund të mos konsiderohen si dashuritë e mëdha të jetës. Ditët më me fat në këtë fushë janë 16, 17 dhe 18 gushti. Flirtet e fshehta mund t’ju hapin ndonjë problem, sidomos nëse keni angazhime të tjera. Shmangni konfliktet dhe debatet me tone të larta, sidomos më datë 10 dhe 12 gusht. Në aspektin fizik e mendor, po i afroheni pjesës së fundit të vitit në gjendje më të mirë, me më pak shqetësime e probleme. Një përmirësim i mëtejshëm vihet re pas datës 23, kur Dielli vendoset në pozicion të favorshëm. Përpiquni t’i kaloni ditët e pushimit pranë njerëzve që doni, sepse keni nevojë për mirëkuptim e ngrohtësi më shumë se kurrë.
Shigjetari
Gushti është një muaj i këndshëm çlodhjeje, jo vetëm sepse është periudhë pushimesh, por edhe sepse mendja çlirohet nga shqetësimet e akumuluara gjatë muajve të fundit. Ndikimi i Mërkurit do të jetë i shkëlqyer dhe do të sjellë energji mjaft pozitive. Po ashtu edhe ndikimi i Diellit dhe Venusit në shenjë është mjaft i favorshëm. Situata paraqitet mjaft pozitive në këndvështrimin e përgjithshëm, sidomos nëse synoni të nisni projekte apo programe të reja. Nëse puna juaj ka të bëjë me krijimtarinë, ka të ngjarë që do të keni frymëzim të madh në këtë periudhë dhe do të arrini suksesin brenda pak muajsh. Ndryshoni pozicion pune ose kolektiv, nëse është nevoja. Ditët më domethënëse të muajit janë 20 dhe 29 gushti, ndërkohë që punët e lëna pezull mund t’i nisni përsëri, sepse kjo periudhë sjell më shumë zgjidhje në krahasim me të shkuarën. Pyesni rreth e qark, se mbase po kërkojnë persona si ju në ndonjë vend të veçantë. Dashuria zgjohet sërish prej ndikimit të Venusit pas datës 6. Çiftet që kanë qenë larg njëri-tjetrit për arsye të ndryshe, i këshilloj që të planifikojnë pushimet sa më shpejt. Më datë 15-16 gusht pasioni do të jetë në nivele mjaft të larta, si pasojë e ndikimit të Hënës. Nëse jeni në kërkim të historive të dashurisë apo flirteve, mund t’ju ndodhë diçka e bukur. Madje, mund të jeni të pavendosur mes dy raporteve të ndryshme. Ata që ngulmojnë të qëndrojnë vetëm, po gabojnë, sepse pozicionimi i planetëve premton emocione të mëdha. Është muaj mjaft pjellor për ata që duan të shtojnë familjen. Jeni ende beqarë? Normale, sepse keni frikë të humbni lirinë personale, edhe nëse dikush ju pëlqen. Përgjithësisht, ju ndieni tërheqje ndaj atyre që ju shmangen, por ka ardhur koha të ndërtoni një raport të qenësishëm me personin e duhur në krah. Forma fizike do të jetë në përmirësim e sipër, përveç javës së parë të muajit, se do të keni marrje mendsh. Megjithatë, pas datës 8 nis një fazë më e ekuilibruar. Ditët më të mira janë rreth datës 10, kurse ato më të vështirat më 26-29 gusht.
Bricjapi
Një periudhë e mbushur plot me ngjarje për ata që dinë ta shfrytëzojnë më së miri këtë pozicionim të favorshëm të yjeve. Investimet, transferimet e parave apo shitblerjet mund të sjellin fitime në planin afatgjatë. Studentët që po përgatiten për vjeshtën do të kenë një ndihmë të çmuar nga Saturni dhe do të mund të konkretizojnë projekte të rëndësishme, si për shembull, kalimi nga stazhi te puna e mirëfilltë, apo nga ëndrra në sirtar te gjetja e një vendi punë. Çdo gjë është e mundur. Edhe pasionet personale mund të shndërrohen në zanate. Mos harroni që shoqëria aktuale i vlerëson ata që guxojnë. Mund të arrini suksesin përmes ndonjë ideje brilante, sidomos falë teknologjisë. Një mundësi e mirë pune paraqitet me datë 23.
Çiftet që vendosën të martoheshin apo bashkëjetonin gjatë verës do të jenë të qeta dhe do të bëjnë plane të mëdha për të ardhmen. Nëse keni nisur një histori dashurie rishtas, do të ndiheni më të kënaqur. Kur horoskopi është kaq pozitiv sa juaji këtë muaj, është e pamundur që t’u bësh ballë risive, flas këtu edhe për ata që ndihen të trishtuar e të vetmuar. Do të keni takime të reja dhe propozime interesante. Mos gjykoni në mënyrë drastike dhe mos iu shmangni ndjenjave. Lëreni veten të lirë dhe do të përjetoni ndjesi shumë të bukura. Edhe ky është një muaj i shkëlqyer për t’u martuar, për të nisur bashkëjetesën, për të ngjizur një fëmijë, apo për të bërë zgjedhje të rëndësishme. Gushti është muaji ideal për ripërtëritjen fizike. Muajt e fundit keni harxhuar shumë energji dhe tani duhet të merrni veten. Edhe ata që kanë pasur probleme, do të vërejnë një përmirësim të ndjeshëm, sidomos në harkun kohor 22-31 gusht. Bëni shumë kujdes me ushqimin, që të shmangni problemet në stomak, sidomos në datat 28-31 gusht. Janë të vetmet ditë disi të vështira në një periudhë tejet pozitive.
Ujori
Ndikimi i gjatë i Marsit në shenjën tuaj është ndërprerë përkohësisht dhe pritet të rifillojë përsëri në periudhën
11 shtator-15 nëntor. Arsyetoni mirë para se të bëni zgjedhje të caktuara dhe mos fajësoni të tjerët, nëse nuk i arrini qëllimet. Duhet të keni shumë kujdes në aspektin financiar, sepse lëshimi i dorës ka rreziqet e veta. Jupiteri është ende në pozicion jo të favorshëm edhe për pak kohë. Në fakt, idetë e reja do të marrin hov në shtator, ndërkohë që gushti është muaj heshtjeje totale. Gjithçka ka mbetur pezull dhe disa premtime s’janë konkretizuar. Përmirësimet do të fillojnë të vihen re pas datës 23, sidomos nëse bëni një ndryshim drastik në jetën tuaj. Ata që pëlqejnë flirtet dhe aventurat, në gusht do të gjejnë raportet ideale. Ky muaj zgjon emocione të reja në jetën tuaj. Përpiquni ta lini pas të shkuarën. Nëse jeni vetëm, hidhuni në sulm dhe pranoni ftesat që keni, pasi nuk do të gaboni në zgjedhje. Mesi i gushtit paraqitet mjaft pozitiv, sidomos data 15. Nëse keni konflikte me ish-partnerin, brenda pak javëve do të arrini një ndërmjetësim që çon drejt zgjidhjes. Çiftet do të arsyetojnë më qartë për planet e së ardhmes. Ata që kanë dy lidhje paralele, do të marrin një vendim e shumta brenda nëntorit. Shëndeti kërkon vëmendje, edhe pse vihet re një përmirësim i ndjeshëm në raport me muajt e parë të vitit. Mjafton të merrni masa dhe të mos lodheni në mënyrë të skajshme, gjë që u ndodh shpesh të lindurve në shenjën e Ujorit. Ditët më të tensionuara do të jenë 17 dhe 18 gushti. Përpiquni të çlodheni e të qetësoheni pak, bëni ecje të gjata më këmbë, ose xhiro me biçikletë, se aktiviteti fizik ju vjen mjaft në ndihmë.
Peshqit
Shumëkush e sheh gushtin si muajin e pushimeve, por për disa prej jush nuk do të jetë kështu. Ka ardhur koha të bëni diçka më tepër, të planifikoni të ardhmen. Nuk përjashtohen mosmarrëveshjet brenda kolektivit të punës. Përpiquni t’i konkretizoni planet brenda tetorit, përqendrohuni te aktiviteti që ushtroni dhe mos bëni eksperimente, se do të rezultojnë të mërzitshme dhe jo fitimprurëse që nga nëntori. Nëse keni mundësi të punoni edhe gjatë gushtit, do të keni sukses. Më datë 17 gusht pritet të merrni një lajm të mirë. Nëse marrëdhëniet e punë nuk po ecin si duhet, kërkoni të transferoheni diku gjetkë, ose merrni ndonjë vendim konkret, gjithmonë duke u treguar të matur. Java 27-31 gusht paraqitet disi e tensionuar. Kini durim, nëse dikush ju vë shkopinj nën rrota, do të dini si të reagoni. Në aspektin e ndjenjave, i keni kapërcyer tashmë sprovat e korrikut. Çiftet që mbijetuan duhen shumë dhe mund të arrijnë ndonjë marrëveshje të rëndësishme, sidomos pas datës 6 gusht, kur Venusi nuk ndikon më negativisht. Dashuria do t’u falë kënaqësi të shumta edhe atyre që pëlqejnë flirtet rastësore. Ndërkohë që çiftet e martuara rishtas mund të hasin disa situata të tensionuara, kryesisht për ndarjen e përgjegjësive të secilit, po ashtu edhe çiftet që janë bërë me fëmijë. Ndjenjat marrin hov pas datës 17 dhe kulmojnë më datë 26, kur Hëna hyn në shenjën tuaj. Në aspektin fizik, pozicionimi i yjeve është më i favorshëm se në muajt pararendës. Megjithatë, jeni ende në një fazë të paqëndrueshme. Java 13-19 gusht do të jetë relativisht kaotike, me doza të larta nervozizmi. Më datë 27 mund të ndieni disa shqetësime të vogla fizike, si pasojë e ndikimit të Hënës së plotë.
