Dashi
Që prej muajit tetor po kërkoni të rigjeni qetësinë. Dhjetori do t’ju orientojë drejt një periudhe më premtuese. Nëse jeni diku i punësuar, keni nevojë të ndryshoni ambient. Gjithsesi merrni kohën që ju duhet dhe mos bëni hapa të shpejtuar. Mund të keni nënshkruar kontrata të cilat ju diktojnë të mos ndërmerrni asnjë veprim për momentin. Të paktën deri në pranverë duhet të rrini në pritje. Ndërkohë, nëse jeni sipërmarrës të një kompani mund të hasni probleme me punonjësit, të cilët do t’ju kërkojnë rimbursime. Për rreth tre muaj punonjësit tuaj po ndihen shumë të pakënaqur me politikat e kompanisë suaj. Këto “kryengritje” mund të jenë të rrezikshme dhe ju takon juve të ndryni për t’i sheshuar. Rreth datës 13 do të bëni bisedime të rëndësishme, të cilave do t’ua shikoni frytet më pas. Të ardhurat tuaja do të rriten përgjatë dhjetorit dhe do të jetë e vështirë që dikush t’jua ndërpres vrullin. Përpiquni të mos i hapni telashe vetes. Do të përjetoni stres.
Jeta juaj sentimentale është tronditur disi gjatë dy muajve që shkuan. Tashmë duket sikur e keni hedhur pas krahëve. Duke qenë se jeni marrë me probleme të përditshmërisë, e keni lënë pas dore marrëdhënien tuaj në çift. Keni përjetuar shumë pasiguri edhe sa i takon ekonomisë dhe kjo ka ndikuar gjithashtu në marrëdhënien tuaj. Nëse jeni beqar, dikush mund të bëhet i rëndësishëm për ju që prej datës 10. Shmangini mosmarrëveshjet, sidomos rreth datës 2 dhe 3. Festat e fundvitit do t’i kaloni pranë familjes. Të pakët do të jenë ata që do të udhëtojnë. Mund të kufizoheni edhe për çështje të ardhurash. Përpiquni të planifikoni gjërat paraprakisht, në të kundërt do të mbeteni deri në fund të paqartë se ku do të festoni.
Ndiheni në ankth dhe kjo ndikon në jetën tuaj. Fatmirësisht, jeni një person luftarak, por dy javët e fundit të dhjetorit duhet t’i shfrytëzoni për t’u tërhequr dhe për t’u qetësuar.
Në datën 9 hëna do të hyjë në shenjën tuaj dhe këtë duhet ta shfrytëzoni për të nisur terapitë që kishit në plan.
Demi
Kemi mbërritur në fund të vitit dhe shpresoj që tashmë të keni përfituar nga udhëzimet që ju kam dhënë përgjatë gjithë 2016. Nëse punoni në kompani private do të ndiheni shumë të kënaqur me mbarëvajtjen e punës. Nëse doni të hapni një aktivitet privat tuajin, kjo është një periudhe shumë e përshtatshme për të marrë vendime të tilla. Nëse keni ndërruar kompaninë ku punoni, bashkëpunëtorët apo ortakët do të mund të rigjeni një ekuilibër. Shfrytëzoni datën 2 të këtij muaji, pasi kontaktet që do të bëni gjatë kësaj dite do të jenë të rëndësishme. do t’i ngjisni shumë shpejt shkallët e karrierës suaj. Mund të merrni pjesë nëpër vente. Nëse keni kohë që punoni me kohë të pjesshme, tashmë do të merrni oferta më serioze për punë. Gjatë kësaj periudhe edhe ju do të mund të fitoni më tepër të ardhura. Lum si ju të shenjës së Demit që do të udhëtoni në këtë periudhë! Do të merrni një propozim të rëndësishëm nëpërmjet një telefonate, apo mesazhi.
Ju të shenjës së Demit do të keni tendencën për t’i vënë gjërat në vijë në jetën tuaj. Kështu do të bashkëjetoni, martoheni, apo do të bëheni me fëmijë. Do të ndesheni me probleme në çift , vetëm nëse partneri juaj do t’ju bëjë të humbisni kohë më tepër. Nëse keni të bëni me në person që ju mërzit, duhet të mbani qëndrim si në muajt që shkuan. Ky që shkoi ishte vërtet një muaj i rëndësishëm. Nëse jeni ende beqar, nuk duhet të fajësoni yjësinë. Me siguri kjo ka të bëjë me pasiguritë tuaja sa i takon ndjenjave dhe kjo nuk mund të zgjidhet nëpërmjet astrologjisë. Do të bëni debate me partnerin sa i takon shpenzimeve të fundvitit. Shumë prej jush do të preferoni të festoni me personat e tuaj më të afërt, duke refuzuar festat e zhurmshme. Viti i Ri do të jetë një festë për t’u mbajtur mend, edhe pse jo të gjithë do të munden të rrinë zgjuar për të pritur orën 12. Vitin e ardhshëm do të shikoni drejt mundësive të reja.
Do t’ju duhet të punoni shumë në dhjetor. Kjo do të sjell tension në përditshmërinë tuaj. Përpiquni të shmangni lodhjen gjatë datave 17 dhe 18. Mos u stërmundoni për festën e fundvitit dhe përpiquni të kaloni një Krishtlindje të qetë.
Binjakët
Muaji i fundit i vitit do t’ju japë një shtysë drejt së ardhmes. Me fjalë të tjera, nëse po përjetoni një krizë në punë, apo nëse prisni nisjen e një projekti të ri, më në fund do të merrni lajme të rëndësishme. Nëse gjatë muajve të fundit ju ka humbur edhe durimi, tashmë çdo gjë do të kthehet në vendin e vet. Do të jetë një periudhë e mirë për të punuar part-time dhe do të fitoni më shumë falë kontakteve të reja që do të krijoni. Do të kaloni vështirësi sa i takon disa çështjeve ligjore. Rreth datës 13 yjësia do të jetë e shkëlqyer. Mos e mendoni më gjatë nëse ju është dashur të mbyllni një aktivitet. Do të ndesheni me probleme vetëm nëse ju kanë mbetur ende borxhe pa shlyer. Viti i Ri do të ketë një rëndësi të veçantë për ju. Do të merrni ftesa mjaft interesante. Do t’i lini pas krahëve problemet e së shkuarës, apo edhe ato që kanë lindur gjatë muajve të fundit.
Nuk ka qenë një periudhë shumë e mirë sa i takon dashurisë. Duke qenë se keni pasur probleme ekonomike, apo rreth fëmijëve , e keni lënë pas dorë jetën tuaj në çift. Marrja e përgjegjësive nuk është pika juaj e fortë. Mund të keni marrë kritika nga personi që dashuroni. Nëse jeni ndarë nga partneri juaj duhet të shkëputeni nga çdo gjë që ju lidhte më parë me të. Gjithsesi, dhjetori do të jetë një muaj i mbarë dhe do të mund të afrojë edhe çiftet që kanë hasur më shumë probleme. Prej datës 19, deri më datë 25 do të përjetoni një fazë shumë të bukur sa i takon dashurisë. Krishtlindjet do t’i kaloni në shtëpi edhe nëse tani për tani e keni me dy mendje. Për Vit të Ri bëni mirë të pranoni ftesa nëse jeni vetëm. Yjësia e dhjetorit ju fton ta lëshoni pak veten sa i takon njohjeve jo fort serioze. Shijoni momentin nëse keni dëshirë! Nëse keni përballuar të gjitha vështirësitë e këtij viti, atëherë marrëdhënia juaj është e konsoliduar, pasi më të keqen e keni hedhur pas krahëve. Gjatë tetorit dhe nëntorit janë vënë në provë historitë e dashurisë dhe tashmë është momenti të rigjeni ekuilibrin në çift. Njohjet që do të bëhen përgjatë dhjetorit do të jenë premtuese në të ardhmen.
Do të merrni një hov të fuqishëm, i cili do të kulmojë në datën 19. Data 13, 14 dhe 16 do të jenë më të mirat për të lënë takime me njerëz që do t’ju ndihmojnë të ndiheni më mirë. Do të jeni më energjik për të zgjidhur problemet tuaja, krahasuar me pjesën e parë të vitit.
Gaforrja
Muaji i fundit i vitit do të jetë më frytdhënës sa i takon çështjeve të punës, por ende nuk do të arrini t’i jepni zgjidhje përfundimtare gjërave. Është e rëndësishme që ta ktheni kokën edhe pas. Nëse keni ndërruar punën, apo bashkëpunëtorët këto dy vitet e fundit, mund të jeni penduar që keni bërë ndryshime kaq drastike. Tashmë po kërkoni të rigjeni ekuilibrin sa i takon jetës tuaj profesionale. Situata juaj ekonomike duket e qëndrueshme, por nuk mund të themi se është në lulëzim. Mund të mos jeni paguar ende për ndonjë punë që e keni kryer prej disa kohësh. Në të kundërt, ata që nuk kanë bërë ndryshime rrënjësore sa i takon punës, ndihen më të qetë në këtë aspekt. Nën një yjësi tepër të favorshme dhe me Jupiterin në krah, do të mund t’i jepni zgjidhje problemeve që kishit lënë pezull në të shkuarën. Ky muaj do të jetë më i mbarë krahasuar me ata që shkuan. Rreth datës 31 do të merrni një lajm shumë të mirë. Nëse keni filluar një punë të re do të ndiheni të favorizuar. Janë rritur shpenzimet në shtëpinë tuaj, pasi keni pasur më shumë detyrime.
Gjatë javës së parë të muajit do të ndesheni me probleme sa i takon fushës së ndjenjave. Gjërat do të përmirësohen duke filluar nga mesi i muajit. Mund të lindin histori të reja plot pasion, ndoshta edhe paralelisht me lidhjen aktuale që keni. Për shumë prej jush, festat e fundvitit do të jenë shumë herë më emocionuese dhe domethënëse se vitin e kaluar. Mos e lini veten t’ju kaplojë ankthi. Nëse sapo jeni ndarë nga partneri, mos kërkoni të gjeni menjëherë dashurinë e jetës suaj, por kapuni pas lidhjeve pa shumë impenjime. Gjatë dhjetë ditëve të fundit të muajit do të udhëtoni dhe do të zbaviteni pa masë me dikë që e keni për zemër. Çiftet që po kalojnë një krizë ekonomike duhet të rigjejnë qetësinë dhe ekuilibrin. Për Krishtlindje do të mbizotërojë një atmosferë pozitive dhe dashuria do të ndihet në ajër.
Edhe pse do të fillojë disi me probleme, ky muaj do të mbyllet në mënyrën më të mirë. Yjësia do të jetë e favorshme pikërisht gjatë festës së Krishtlindjes. Fundviti do t’ju gjeje më mirë fizikisht. Kujdes nga i ftohti, sidomos nëse keni një lëkurë delikate.
Luani
Shpresoj që t’i keni shfrytëzuar risitë që solli ky vit dhe mos t’i keni çuar dëm duke i parë negativisht, apo me njerëz që ua vështirësojnë jetën. Dëshira për të ndryshuar është më se e natyrshme. Nëse e frenoni veten gjithmonë do të jetoni përherë me pendime. Fundi i 2016 do t’ju gjejë të rrethuar nga miqtë më të mirë. Do të ndiheni tepër të kënaqur edhe me punën tuaj. Nëse keni bërë ndryshime në këtë aspekt, kini parasysh që lumturia juaj nuk varet vetëm nga arritjet dhe përgjegjësitë që merrni nga puna. Duhet të shkëputeni nga situatat që ju bëjnë të ndiheni keq. Kjo do t’ju bëjë të rigjallëroheni. Nxirrini në pah aftësitë tuaja, pasi dhjetori do të sjellë mundësi të shkëlqyera. Saturni, Urani dhe Jupiteri janë kombinuar mes tyre duke e bërë situatën tuaj shumë të favorshme. Ndërkohë, gjërat mund t’ua ndërlikojë vetëm vendosja jo e përshtatshme e Marsit, e cila ju ka sjellë shqetësime që prej muajit që shkoi. Nëse po prisni që të zgjidhet një çështje rreth pasurive të patundshme, duhet të prisni janarin. Mos bëni hapa të nxituar, sidomos rreth datave 12 dhe 23. Përpiquni të tregoheni diplomatikë.
Gjatë muajit dhjetor do të mund të çoni përpara marrëdhënien qe keni nisur tashmë. Por, për disa prej jush mund të provokojë edhe një ndjesi zbrazëtie, siç mund të ndodhë gjatë të dielave. Edhe nëse keni në krah njeriun më të mrekullueshëm, do të keni një prirje për ta vënë në provë gjatë gjithë kohës. Ju e bëni shpesh këtë me njerëzit që dashuroni. I shtyni ata t’ua shfaqin dashurinë gjatë gjithë kohës. Mund të kaloni një situatë të trazuar gjatë ditëve që do të vijnë. Do të jeni shumë të zënë me punë dhe nuk do t’ju mbetet kohë për gjë tjetër. Situata mund të ndërlikohet edhe si shkas i lidhjeve tuaja paralele. Është momenti i duhur për t’u shkëputur nga një lidhje e hershme, e cila nuk ju ngjall më emocione. Duke qenë se yjësia duket tepër e favorshme, nuk duhet të humbni më kohë me personat që nuk e meritojnë më vëmendjen tuaj. Është e rëndësishme të ruani marrëdhënie të mira edhe me familjarët tuaj. Nëse po shoqëroheni me ndonjë të shenjës së Akrepit, Demit, apo Ujorit, duhet të keni dyfish kujdes. Për festa duhet të qëndroni pranë njerëzve më të dashur. Mos kaloni shumë orë pa gjumë gjatë festave!
Gjatë këtij viti keni bërë shumë ndryshime pozitive. Në dhjetor do të bie disi ritmi, pasi do të ndiheni të lodhur. Fundjavave do ta ndjeni veten paska të hutuar, sidomos të shtunën e datës 24. Në janar do ta merrni veten mjaft mirë.
Virgjëresha
Viti 2016 do të mbyllet mjaft bukur. Vendosja e Mërkurit dhe Venusit do të jetë e favorshme. Që prej datës 21 edhe Dielli do të pozicionohet në favorin tuaj. 2015 ishte një vit mjaft frytdhënës, edhe pse kjo pati koston e vet. Kjo gjë u reflektua edhe në fizikun tuaj. Ju ka mbetur ende punë për të bërë. Problemet që keni pasur në të shkuarën nuk kanë ardhur si rezultat i ngarkesës në punë. Më së shumti keni pasur të bëni me probleme familjare, apo me shqetësime personale. Ndër tre shenjat e tokës, ju jeni më e kujdesshmja me paratë. Ka ardhur momenti të bëni disa llogari në shpenzimet familjare. Duke qenë nën këtë yjësi të shkëlqyer, të rinjtë mund të përfitojnë për të bërë eksperiencat e para në punë, të cilat do të jenë thelbësore në të ardhmen. Ju kujtoj se gjithçka që do të marrë udhë nga ky moment, do të jetë një investim i mirë. Do të mund t’ia shikoni frytet brenda pak muajve. Do të shikoni që gjërat do të fillojnë të lëvizin dhe ndryshimi do të jetë i dukshëm.
Situata duket e mirë edhe për ju që kërkoni një lidhje jo fort serioze. Kërkoni më tepër nga vetja dhe mos i mbani shpresat vetëm tek yjësia. Qëndroni vigjilentë në ditët më të vështira, sidomos në mes dhe në fund të muajit. Mund të keni fërkime me prindërit, apo me miqtë për arsye banale. Nëse duhet të vendosni për çështje pasurie, apo investimesh, duhet të bini të gjithë në një mëndje. Mund të keni nxjerrë në shitje shtëpinë, por nuk do të jeni fort të kënaqur nga ofertat që do t’ju vijnë. Mos merrni vendime të nxituara për sa kohë Saturni nuk është në favorin tuaj. Mund të diskutoni me partnerin për çështje ku keni mendime krejtësisht të ndryshme. Gjithashtu mund të debatoni për probleme pune, apo vendime në lidhje me zhvendosje banimi.
Rreth datës 19 do ta merrni veten fizikisht. Nëse vuani nga probleme të zorrëve, apo nga sëmundje të tjera abdominale, tashmë do të ndiheni më mirë. Viti i Ri do të kalojë gëzueshëm, pasi do të argëtoheni pa masë. Mos u mbyllni në shtëpi. Problemet më të shpeshta të të lindurve nën shenjën e Virgjëreshës, lidhen me gjendjen tuaj të ankthit. Kjo gjendje reflektohet edhe në fizikun tuaj, pasi ju shkakton shumë pasiguri dhe ju mbyll në vetvete.
Peshorja
Kohët fundit keni përjetuar një gjendje apatie, por tashmë do ta merrni veten. Miqtë do t’ju ndihmojnë duke ju parashtruar alternativa të reja. Kolegët, apo ortakët do t’ju bëjnë propozime të volitshme. Kështu, do të keni ndjesinë se po rrethoheni nga një ambient që ju vlerëson dhe ju jep kurajë. Gjithçka varet nga mënyra se si e menaxhoni jetën tuaj. Por, nëse jeni gjithashtu në krye të një detyre, apo një aktiviteti, do të ndihet më në fund një rilindje, e cila po ngre krye që prej shtatorit. Tashmë çdo gjë është më e dukshme dhe konkrete. Po e ndieni veten më të ekuilibruar. Mos hezitoni nëse keni ndër mend të bëni një kërkesë për punë. Vini në dukje aftësitë tuaja dhe do të përftoni gjëra pozitive rreth datës 13. Viti do të mbyllet në mënyrë interesante. Do të ndihen serish protagonist në 2017. Jupiteri do të vendoset në shenjën tuaj, kështu që përpiquni t’i shfrytëzoni mundësitë që do t’ju ofrohen.
Keni bërë një rrugëtim të vështirë që prej krizës që kaluat dy vite më parë. Nëse nuk shkëputeni dot prej disa njerëzve, do të thotë se ankoheni më kot, pasi kështu ju pëlqen. Mos vallë jeni duke përjetuar një krizë ekzistenciale? Lajme të mira për ju që sapo jeni martuar. Mund të bëheni me fëmijë, apo me një shtëpi të re. Për të tjerë të lindur nën shenjën e Peshores ka ardhur momenti që të vendosni për t’u martuar . edhe takime të rastësishme që mund të bëni gjatë këtyre javëve, mund të kthehen në lidhje të rëndësishme. do t’ju lindin ide të reja sa i takon çështjeve të pasurisë, apo të trashëgimisë. Do t’i jepni zgjidhje edhe disa çështjeve ligjore. Mos i lini as dore takimet në ditët më të favorshme, si për shembull në datat 17, 18 dhe 22. Krishtlindja do të jetë më domethënëse se Viti i Ri për ju. Në fundvit do të keni dëshirë të qëndroni në intimitet. Keni lënë disa gjëra pezull, gjithsesi do ta mbyllni vitin gëzueshëm.
Do të përjetoni shumë emocione gjatë festës së Krishtlindjes. Mund të ndodhë që të ndryshoni mendje dhe mos të dini deri në momentin e fundit se ku do ta kaloni Vitin e Ri. Viti 2017 do të jetë mjaft interesant dhe do ta ndieni veten shumë mirë edhe fizikisht.
Akrepi
Viti do të mbyllet në favorin tuaj. Jupiteri do t’ju ndihmojë në rimëkëmbjen tuaj psiko-fizike. Pavarësisht gjendjes suaj të trazuar shpirtërore , përpiquni të jetoni me më pak frikë në të ardhmen. Nëse keni hapur një aktivitetet kohët e fundit, keni bërë shumë shpenzime. Në këtë pikë duhet të bëni kujdes. Viti 2016 ishte i lodhshëm për ju dhe tashmë është momenti për të bërë përpara. Nëse keni ndër mend plane afatgjata, mund t’i kultivoni idetë tuaja deri më 2019. Nëse keni mundësinë të rriteni në detyrë, vendosni nëse do t’i merrni përgjegjësitë, ose refuzoni në mënyrë të prerë. Kështu, dy javët e para të muajit do të jenë më të tensionuara. Mund të diskutoni për çështje parash, apo për mbyllje hesapesh të vjetra. Është momenti i duhur për të bërë plane për të ardhmen. 2017 do të jetë një vit më interesant se ky që shkoi. Rreth datës 15 do t’ju bëhet një propozim i rëndësishëm, i cili mund të rezultojë i frytshëm.
Dashuria do të rilindë mes shumë pikëpyetjesh. Yjësia e dhjetorit do t’ju bëjë tepër kokëfortë. Nëse nuk po shkëputeni dot nga një ish i dashur, apo e kundërta, bëni kujdes në datat 10 dhe 11, pasi mund të nxirrni fjalë që nuk duhet nga goja. Nëse jeni në kërkim të dashurisë, fundi i muajit do të jetë më i favorshmi. Mos u trembni nga yjësia e dhjetorit. Nëse marrëdhënia juaj është me baza të forta do të dijë t’i bëjë ballë. Ehe nëse do të ndesheni me konflikte në familje, fundi i muajit do të mbyllet pa dëme serioze. Ndonjëherë ju duhet të nxeheni edhe pa arsye. Ndjeni nevojën të provokoni partnerin për të parë se deri ku mund të shkojë durimi i tij. Sipas jush ai duhet të kundër veprojë, pasi kjo do të thotë se ju ka për zemër. Në të kundërt ju do të trembeshit. Situata interesante do të zhvillohen edhe jashtë ambientit tuaj të zakonshëm, apo jashtë qytetit ku jetoni. Ditët rreth Krishtlindjes do të jenë më të bukurat. Do t’i përjetoni me pasion dhe do të ri zbuloni ngrohtësinë familjare.
Javët e para të muajit do t’i kalon i me stres. Për festa do të rrezatoni energji pozitive. Pas datës 2 do të rimëkëmbeni plotësisht fizikisht. Vazhdoni kështu! Nuk keni asnjë planet kundër. 2017 do të jetë plotësisht në favorin tuaj.
Shigjetari
Viti do të mbyllet në një mënyrë mjaft interesante. Marsi do të hyjë në shenjën tuaj dhe Venusi do ta pasojë. Dielli do t’ju karikojë me energji deri më datë 21. Gjithashtu, Jupiteri miqësor karshi jush, do të pozicionohet favorshëm bashkë me Saturnin dhe Uranin. Tashmë ju jeni vetë zot i veprimeve tuaja. Nëse keni grumbulluar mjaftueshëm përvojë në një sektor të caktuar, tashmë ka ardhur momenti për ta vënë në dukje dhe për të marrë frenat në dorë. Do të ndiheni krijues në punë dhe do të hidhni themelet edhe nëse sapo i jeni futur diçkaje. Pikërisht në këtë moment do të bini në sytë e atij që do t’ju japë mundësinë për të bërë gjëra të mëdha. Do të krijoni kontakte të rëndësishme, të cilat do t’i shfrytëzoni edhe në 2017. Bëni kujdes të mos shpenzoni më shumë seç duhet rreth datave 13 dhe 14 dhjetor. Mund t’ju duhet edhe të udhëtoni me punët e reja që do të ndërmerrni. Një i lindur nën shenjën e Ujorit, apo Peshores, mund t’ju ndihmojë të zgjidhni një problem. Listoni prioritetet tuaja. Dhjetori do të jetë një muaj interesant edhe sa i takon dashurisë. Edhe tre muajt që shkuan mund t’ju kenë dhuruar emocione të forta. Nëse jeni ndarë nga partneri do të gjeni një dashuri të re, pasi ky horoskop premton shumë. Edhe pse tashmë çdo gjë shkon më mirë se më parë, do ta keni të vështirë të merrni disa vendime. Do t’ju rrahë fort zemra në periudhën e festave. Ju këshilloj t’i kaloni më njerëzit që keni më për zemër. Nëse jeni beqar, pikërisht natën e Vitit të Ri do të takoni dikë shumë të veçantë dhe do të përjetoni një natë shumë emocionuese. Çiftet e martuara do të mund ta rigjejnë vetveten. Është momenti i duhur edhe për të mbyllur një lidhje që nuk shkon më. Do të gjeni menjëherë dikë tjetër. Në dhjetor do të hidhni hapat drejt një të ardhmeje mjaft interesante. Nëse keni dëshirë të bëheni me fëmijë, përpiquni vitin e ardhshëm.
Do ta merrni veten plotësisht sa i takon shëndetit. Energjia nuk do t’ju mungojë, kështu që mos e çoni dëm. Edhe pse dhjetori do të jetë një muaj i rëndësishëm për ju, mund të ketë momente dobësie, si për shembull në datat 13, 20 dhe 27. Përpiquni të shmangni stresin dhe shpërqendrimet. Nëse po kuroheni nga ndonjë sëmundje, kura do të rezultojë e suksesshme. Bëni kujdes nga i ftohti 10 ditët e fundit të dhjetorit. Në të kundërt nuk do të festoni siç duhet natën e ndërrimit të viteve.
Bricjapi
Mërkuri do të hyjë në shenjën tuaj zodiakale dhe bashkë me Diellin do të kenë një ndikim mjaft pozitiv te ju. Viti që po lëmë pas ka qenë i mbushur me ngjarje të rëndësishme, sidomos gjatë pjesës së parë të tij. Prej disa muajsh po mundoheni të jeni më të kujdesshëm me shpenzimet, pasi ju kanë dalë detyrime të papritura, apo probleme familjare për të zgjidhur. Që prej mesit të këtij muaji do të merrni lajme shumë të mira nëse po mendoni ta zgjeroni aktivitetin tuaj privat. Edhe vendosja e favorshme e Marsit do t’ju japë një dorë të mirë për bashkëpunime pune edhe jashtë qytetit. Do të merrni përgjigje pozitive nëse po prisni për një punë me kohë të pjesshme. Nuk është mirë t’ia lini gjithçka fatit në dorë, por Mërkuri do t’ju përkrah në iniciativat tuaja të reja. Data 22 do të jetë e shkëlqyer për të bërë të qartë pikësynimet tuaja. Duhet të bëni ende kujdes me shpenzimet dhe investimet e pa menduara mirë, pasi që prej shtatorit situata ekonomike nuk ka qenë shumë e favorshme për ju. Keni shpesh diskutime në familjen tuaj, pasi duket se askush nuk ju dëgjon kur e ngrini zërin. Mos u përpiq më kot të kesh kontroll mbi çdo gjë, pasi është e lodhshme edhe për ju.
Që prej shtatorit keni përjetuar shumë shqetësime në fushën e ndjenjave, të cilat kanë lënë ende gjurmë tek ju. Dhjetori do të jetë një muaj më i thjeshtë për t’u menaxhuar. Nëse marrëdhënia juaj po bëhet e lodhshme dhe mëzi po e shtyni që prej viti që shkoi, është momenti që të ndaheni, që të mos ndiheni më kaq të pakënaqur. Mërkuri do t’ju vijë në ndihmë atyre që nuk kanë probleme thelbësore, por që ndihen të lodhur prej problemeve familjare, apo prej fëmijëve. 2016 ishte një vit i rëndësishëm për ju, por gjithashtu edhe i lodhshëm. Disa prej jush do ta mbyllin muajin me bindjen se kanë ndërtuar gjëra që do t’u vlejnë në të ardhmen. Datat 29 dhe 31 do të jenë më fatsjellëset për beqarët. Yjësia do të jetë fantastike për festa. Do t’i përjetoni gjërat me pasion.
Mërkurin është vendosur në shenjën tuaj. Dhjetori do t’ju mbushë plot energji. Mund të merrni një ftesë, apo mund të udhëtoni për festa. Që prej datës 21 deri më 30 mund të bëni takime të rëndësishme. përpiquni të mos e mbani mendjen vetëm tek paratë, por të kujdeseni edhe për shëndetin. Që prej shtatorit gjërat nuk janë si më parë për ju dhe shpenzimet janë rritur. Qetësohuni pak dhe shmangni debatet që mund t’ju trazojnë. E keni zakon të mendoni vetëm për gjërat që ju shqetësojnë, deri sa t’i jepni një zgjidhje problemit.
Ujori
Viti do të mbyllet bukur edhe për ju. Venusi dhe Marsi do të vendosen në shenjën tuaj për një pjesë të mirë të vitit. Keni një prezantim mjaft të mirë dhe dëshira që të jeni protagonist është shumë e madhe. Kjo është një periudhë shumë e rëndësishme për t’i shfrytëzuar njohjet që keni dhe për të korrur sukses. Gjithçka do të varet nga aftësia juaj për të rënë në sy. Nëse disa gjëra nuk ju kanë shkuar mirë dy vite më parë dhe ju kanë mbetur disa gjëra pezull, tashmë është momenti që t’i kaloni me sukses. Do të zgjidhni disa çështje të pasurive të patundshme, pasi yjësia do të jetë më se e favorshme. Mos i nënvlerësoni miqtë tuaj, pikërisht tani që keni nevojë për njerëz të besueshëm dhe të sinqertë rreth vetes. Do të keni nevojë për të bërë ortakë, apo bashkëpunëtorë të rinj. Kujdes me kufijtë që keni për të kryer pagesa. Data 13 do të jetë mjaft interesante. Ndërkohë, që prej datës 12 deri më 18 do t’ju bëhen disa oferta mjaft interesante. Marsi në shenjën tuaj, ju fton të tregoni kujdes në raportet me njerëzit. Rreth datës 5 mund të konfliktoheni me ndonjë shef, apo koleg.
Edhe nëse keni pasur ndonjë krizë në çift mund ta kaloni. Edhe dhjetori do të shkojë mirë për ju, sikurse ka shkuar mbarë gjithë pjesa e dytë e vitit. Nëse keni njohur ndonjë person që ja vlen, është momenti të bëni plane të mëdha. Periudha që prej 12 dhjetorit, deri më 28, do të jetë më fatsjellësja për beqarët. Nuk do të jeni të vendosur se ku do ta festoni Viti e Ri deri në moment të fundit. Gjithsesi, atmosfera festive do të jetë mjaft e favorshme për ju. Fakti që ju të shenjës së Ujorit i lini gjërat në moment të fundit është tipike. Ditët që vijnë do të jenë të lodhshme për ju që punoni në botën e spektaklit, pasi do të merreni gjithë kohës me organizimet festive. Data 31 do të fillojë gëzueshëm. Kjo periudhë do të jetë e rëndësishme edhe për njohjet e reja, pasi dashuria mund të trokasë krejt papritur. Do të zhvillohen ngjarje interesante gjatë datës 26.
Duket se ndiheni shumë mirë fizikisht. Mos e lodhni shumë veten gjatë javës së parë të muajit. Kujdes nga i ftohti në prag të Vitit te Ri. Mos abuzoni me energjitë tuaja edhe pse do ta ndieni veten në formë. Bëni kujdes të mos i shkarkoni tensionet në ambientin familjar. Gjatë festave do të ngarkoheni më energji pozitive.
Peshqit
Pas shumë debatesh dhe diskutimesh viti do të mbyllet në mënyrën më të mirë të mundshme. Keni luftuar shumë për të mbajtur një pozicion tuajin. Gjithsesi, gjërat nuk kanë ndryshuar shumë. Prej disa muajsh mund t’ju jenë hapur rrugë të reja. Gjatë gjysmës së dytë të muajit jeni përballur me kriza dhe probleme në vendin ku punoni. Edhe studentët mund të kenë hasur vështirësi në dhënien e provimeve, por tani gjërat janë qetësuar dhe ndiheni më të sigurt. Fatmirësisht situata nuk është më e trazuar si më parë. Tensionet dhe fërkimet i keni lënë pas krahëve. Dy javët e para të dhjetorit do të jenë të rëndësishme për të bërë njohje dhe kontakte të reja. Nëse keni bërë një kërkesë, e cila justifikohet nga aftësitë tuaja, do të merrni një përgjigje pozitive. Bëjini mirë llogaritë tuaja. Jeni ndeshur edhe me vështirësi ekonomike. Nuk mund të pretendojmë se të gjitha do të zgjidhen këtë dhjetor, por të paktën e ardhmja duket se ju tremb më pak se më parë. Do ta merrni veten gjatë vitit të ardhshëm dhe të rejat do të jenë në favorin tuaj. Që prej datës, 19 situata do të përmirësohet.
Tashmë nuk ka më vend për diskutime. Nëse jeni ndarë nga partneri duhet ta hidhni çdo gjë pas krahëve. Nëse i keni bërë ballë tundimeve do të ndiheni edhe më të fortë. Lidhja vihet në provë pikërisht në momente të tilla të vështira. Prilli, maji dhe qershori kanë qenë muaj të lodhshëm sa i takon lidhjeve, pasi keni vuajtur largësinë. Tashmë gjërat do të normalizohen. Për festa do të dëshironi që të kaloni bukur dhe të argëtoheni larg njerëzve të mërzitshëm. Do të dini ta vlerësoni më mirë familjen tuaj dhe do të gjeni qetësinë edhe nëse jeni ndarë nga partneri. Ndoshta mund të njihni edhe dikë tjetër shumë shpejt. Gjatë festave do të mund ta hapni sadopak zemrën dhe kështu ndoshta gjeni dikë që ju pëlqen. Prej disa muajsh ka ndryshuar diçka brenda jush dhe buzëqeshja juaj do të jetë më spontane dhe e vërtetë. Me Marsin në shenjë do të ndiheni më tepër kurajoz dhe do të zyrtarizoni marrëdhënien tuaj.
Ditët e fundit të dhjetorit situata juaj astrologjie do të jetë më e mirë. Do të ndiheni më të fortë. Data 29 do të jetë e favorshme për të nisur ndonjë kurë të re që viti që vjen t’ju gjejë më në formë. Ju këshilloj që t’i lini punët mënjanë dhe të udhëtoni, të argëtoheni. Organizoni një moment relaksi, pasi gjatë javës së fundit të muajit do të jetë mjaft efikase.
