Dashi
Nuk është aspak e vërtetë se atëherë kur ne vendosin që të mos bëjmë shumë zhurmë, do të biem në apati. Në ditët e ardhshme do të keni një demonstrim të qartë të kësaj, sidomos të mërkurën, atëherë kur Plutoni do të bëjë që t’ju ndizet një forcë dhe një pasion shumë i veçantë, diçka që do t’ju detyrojë të dilni hapur dhe të rrëfeni qëllimet dhe dëshirat karshi personit që doni. Ndoshta s’do të besoni shumë në këtë gjë, por në fund do të ndiheni të shpërblyer. Të enjten do të jetë momenti i përshtatshëm për të përjetuar emocionet dhe për të ndier ëmbëlsinë që jua zbut shqetësimin që ju bën konfuzë.
Demi
Kjo do të jetë një javë premtuese dhe bujare për të lindurit e shenjës së Demit, por armiku juaj i vërtetë është dembelizmi. Për shkak se Urani dhe Jupiteri do të ndikojnë në shenjën tuaj, do t’ju duhet të shfrytëzoni çdo mundësi që ju paraqitet. Lejojeni veten të josheni nga një partner shumë i pasionuar, por bëjani gjërat më të lehta duke e lënë të besojë se çdo gjë po ndodh rastësisht. Të enjte Mërkuri do t’ju bëjë të ndiheni të vëmendshëm, kurse Neptuni të hutuar, dhe ju duhet të përpiqeni për të gjetur një ekuilibër. Parashikohet që fundjava të jetë e qetë.
Binjakët
Do ta filloni javën absolutisht të ngarkuar, të gatshëm dhe të etur për emocione të forta, plot ide dhe stimuj që do ta bëjnë të ndryshojë këtë të tashme statike. Veçanërisht të mërkurën do të mbizotërojë te ju dëshira për të bërë diçka që do t’ua ndezë shpresat, por bëni kujdes nga Mërkuri, i cili do t’ju bëjë të ndiheni me fat vetëm nga e enjtja, atëherë kur do të gjeni sërish forcën që ju mungonte. Në fundjavë do të jeni të vetëdijshëm për realitetin tuaj. Jeni të gatshëm për të ndërtuar të ardhmen tuaj.
Gaforrja
Yjet duket se i kanë idetë mjaft të qarta për ju. Ju duhet t’i rezistoni thirrjes së planetëve ashtu siç i rezistoi Uliksi thirrjes së sirenave. Gjatë ditëve të para të javës së re, ata ju ftojnë të merrni masa, për të reaguar, për të bërë diçka të rëndësishme. Por më mirë do të ishte të prisni hënën e plotë të ditës së enjte, e cila do të shkëlqejë në shenjën e Gaforres, duke ju ndihmuar të bëni zgjedhjet më të mira për të tashmen dhe të ardhmen tuaj. Gjatë fundjavës përpiquni të gjeni të mesmen e artë mes dëshirës për të kuptuar dhe analizuar dhe nevojës për t’u ndier të çliruar nga emocionet si pasojë e ndikimit të Venusit.
Luani
Nxitimi është një këshilltar i keq, veçanërisht në qoftë se ju nuk e keni bindjen dhe optimizmin e nevojshëm për të bërë atë që dëshironi. Pra, nëse Urani ditën e martë do të përpiqet t’ju ngutë, të enjte Jupiteri nuk do t’ju ndihmojë të besoni vërtet në atë që ju jeni duke bërë. Pra, do të ishte më mirë t’i rishqyrtonit pretendimet dhe shpresat tuaja për shkak të një energjie të paqëndrueshme dhe të një gjendjeje emocionale jo fort të mirë. Shtyjeni për më vonë momentin për të përcaktuar objektivat tuaja, sepse tani ju keni nevojë për t’i bërë gjërat të qarta.
Virgjëresha
Nëse nuk ju mungojnë sfidat që ju bëjnë Marsi dhe Venusi, në ndihmën tuaj do të vijë Mërkuri, i cili do të jetë përsëri aktiv dhe i dobishëm. Mërkuri nga e enjtja do të jetë nën shenjën tuaj, duke ju lejuar të kaloni pjesën e fundit të kësaj jave të mbushur me gëzim e entuziazëm, madje do t’i kryeni me qejf edhe detyrat e diktuara nga qielli. Kështu, do të zgjidhni me zgjuarsi problemet në çift, duke e përmirësuar ndjeshëm marrëdhënien tuaj. Do të jeni mirënjohës për ndikimin e qiellit.
Peshorja
Ndonjëherë duhet të bëjmë llogaritë me aftësinë tonë për t’i përjetuar gjërat, për të besuar në ëndrrat dhe shpresat, duke u siguruar që të jemi mjaftueshëm të kënaqur dhe optimistë për sa i takon të ardhmes. Sigurisht Jupiteri ju bën të ndiheni plot besim, por diku nga e marta dhe e enjtja do të vendosni ta vini në provë këtë energji, duke kuptuar se deri në ç’pikë mund të shpresoni. Pastaj ju do të bëni një pauzë të shkurtër, gjatë së cilës do të bëni bilancin për punën tuaj dhe do të merrni në konsideratë projektet më të rëndësishme. Me pak fjalë, ky është momenti i përshtatshëm për të sqaruar idetë.
Akrepi
Gjatë kësaj jave të lindurit e shenjës së akrepit do të ndihen plot energji, të fortë e entuziastë si edhe do ta kalojnë kohën me argëtime. Sepse në qoftë se Urani do t’ju bëjë të ndiheni kërkues, Marsi do të ndikojë aty nga mesi i javës që të ndieni pasionin. S’ju mbetet veçse t’i futeni punës, falë edhe ndikimit të Neptunit gjatë pjesës së dytë të javës, i cili do t’ju ndihmojë të bëni zgjedhje edhe për të tjerët. Edhe këtë herë topi është në fushën tuaj.
Shigjetari
Kjo javë do të jetë e karakterizuar nga dembelizmi për të lindurit e shenjës së Shigjetarit. Gjërat do të jenë të parashikueshme dhe nuk do të keni ide të qarta dhe as nuk do të ndiheni entuziastë. Pra, duke ndjekur këshillën e yjeve duhet të përpiqeni të gjeni te vetja elementet që ju stimulojnë, sepse stimujt e jashtëm s’do të bëjnë punë. Bëjeni këtë veçanërisht nga mesi i javës, atëherë kur dielli mund t’ua zbehë të tashmen tuaj dhe ju do të bënit mirë ta hiqnit mërzinë. Fundjava do të jetë e bukur, por jo shumë e gjallëruar. Mendojeni ju si ta bëni pak më interesante.
Bricjapi
Do të jeni shpesh peng i këtij dielli, i cili tani është i pranishëm në shenjën tuaj. Ai në bashkëpunim me Plutonin ju bën të ndiheni disi kërkues dhe me vullnet të fortë. Kjo është arsyeja pse nesër do të shfaqni shenja padurimi dhe rrezikoni të mos pajtoheni shumë me të tashmen. Të enjte do të ndieni dyshime për ëndrrat dhe shpresat tuaja si rezultat i ndikimit të Jupiterit. Ndërkohë, megjithatë, nën ndikimin e Hënës së plotë mendoni edhe për dëshirat dhe nevojat e personit tuaj të zemrës. Mos u përpiqni të ndërmerrni iniciativa të reja, por merrini gjërat me qetësi dhe përpiquni të tregohuni të logjikshëm.
Ujori
Ndërkohë që ju do të shijoni një javë të qetë, njerëzit më të afërt dhe të rëndësishëm për ju do të kenë shumë punë për të bërë. Në fakt, do t’ju duhet të qetësoni dikë, i cili të martën do të sillet në mënyrë të paparashikueshme dhe do të jetë nervoz duke ju penguar që t’i përjetoni gjërat sipas ritmit që do të dëshironit. Kurse të enjte do t’ju duhet të ngushëlloni dikë që do të ndihet pesimist dhe do t’i mungojë vetëbesimi. Sa e lodhshme! Për fat të mirë, ju nuk do të ndiheni të përfshirë nga ky realitet i rëndë dhe do të ndiheni të çliruar shpirtërisht.
Peshqit
Përgatituni të përjetoni një javë shumë interesante, gjatë së cilës do t’ju ofrohen shumë mundësi. Në ç’mënyrë do të ndodhë kjo? Falë Marsit, i cili është gjithmonë i pranishëm në shenjën tuaj dhe që gjatë mesit të javës do të ndikojë pozitivisht edhe falë takimit me Plutonin. Ose falë Venusit, i cili ditën e enjte do t’ju bëjë të përjetoni butësinë dhe fantazinë. Për të mos folur për Mërkurin, planetin që do t’ju ndihmojë të gjeni sërish dialogun me njerëzit tuaj të zemrës. Përjetojini gjërat në maksimum dhe nëse do t’ju duhet të ndërmerrni ndonjë iniciativë, bëjeni atëherë kur Hëna e plotë do të ndikojë në shenjën tuaj.
