Dashi
Mërkuri dhe Hëna janë kthyer në pozicion të favorshëm për shenjën e Dashit. Të premten dhe të shtunën do të keni surpriza të bukura dhe takime interesante. Për sa i përket aspektit profesional, mund t’ju bëjnë ndonjë surprizë që e prisnit prej kohësh. Por situata nuk parashikohet kaq e mirë në sferën e ndjenjave, sepse Venusi është kthyer në pozicion të pafavorshëm dhe mund të keni mosmarrëveshje me partnerin, sidomos në fundjavë.
Demi
Gjithçka do të shkojë më së miri në aspektin e ndjenjave për të lindurit në shenjën e Demit. Venusi, që është kthyer në shenjën tuaj, ju dhuron pasion dhe harmoni në çift. Mbase mund të jesh ti i pari që ta thuash fjalën “të dua”… Dita më e mbarë e javës do të jetë e diela, sepse falë Hënës në shenjën tuaj do të përjetoni emocione të forta. Ditë me fat do të jenë edhe e marta dhe e mërkura.
Binjakët
Mërkuri do të kthehet në pozicion të favorshëm për shenjën e Binjakëve dhe ju do t’ia kaloni shumë mirë në shoqërinë e të tjerëve. Do të jeni mbretëresha e festës, më e dëshiruara, më e kërkuara. Njësoj do të ndiheni të vlerësuar edhe në ambientet e punës. E hëna, e enjtja dhe e premtja do të jenë ditë me shumë fat. Bëni kujdes me mënyrën si shpreheni ditën e martë dhe të mërkurë, sepse mund të thoni diçka për të cilën të pendoheni më vonë.
Gaforrja
Gjërat do të ecin mjaft mbarë në aspektin sentimental për të lindurit në shenjën e Gaforres. Venusi në shenjën tuaj ju fton të bëni zgjedhje që do ta forcojnë gjithnjë e më tepër lidhjen tuaj. Disa prej jush mund të mendojnë edhe për bashkëjetesë apo martesë. Do të përjetoni emocione të forta dhe lumturi të madhe gjatë ditës së martë, të mërkurë, të enjte dhe të diel, atëherë kur Hëna do të jetë kthyer nga shenja juaj.
Luani
Java nuk do të fillojë në mënyrën më të mirë të mundshme për të lindurit në shenjën e Luanit. Hëna e kthyer në pozicion të pafavorshëm ditën e hënë do t’ju bëjë të ndiheni nervozë. Mos veproni me instinkt, por vlerësoni me qetësi situatën në ditët në vazhdim. Mërkuri është kthyer në pozicion të favorshëm për këtë shenjë, duke ju dhuruar mundësi të shumta dhe duke pasur pranë njerëzit e duhur që mund t’ju ndihmojnë, edhe pse përpiqeni ta bëni vetë gjithçka.
Virgjëresha
Kjo mund të jetë një javë mjaft stresuese për të lindurit në shenjën e Virgjëreshës. Hëna dhe Mërkuri do të kthehen në pozicion të pafavorshëm dhe do të hasni pengesa në aspektin profesional dhe në çështjet personale. Do të ndiheni nervozë, për shkak se nuk do t’ju kuptojnë dhe ky është rasti që të flisni hapur me partnerin. Falë Venusit, që është në pozicion të favorshëm për shenjën tuaj, gjërat në aspektin e ndjenjave do t’ju ecin mbarë.
Peshorja
Për ju të lindurit në shenjën e Peshores këshillohet që këtë javë të mos i mbani shumë shpresat te dashuria. Venusi dhe Hëna janë kthyer në pozicion të pafavorshëm, për rrjedhojë edhe mosmarrëveshja më e vogël mund të kthehet në një zënkë të pafund. Bëni kujdes sidomos të premten dhe të shtunën. Falë Hënës në shenjën tuaj, duke filluar që nga dita e hënë, gjërat në aspektin profesional do të ecin mbarë dhe do të merrni kënaqësi të mëdha.
Akrepi
Këtë javë Venusi do t’ju dhurojë fat në dashuri. Çiftet që janë formuar rishtazi do të përjetojnë një marrëdhënie të fortë, ndërsa çiftet e vjetra do ta forcojnë edhe më shumë lidhjen e tyre. Për beqarët këshillohet t’i bëjnë sytë katër, sepse mund të kenë takime interesante, sidomos të martën, të mërkurën dhe të enjten. E diela do të jetë një ditë jo dhe aq pozitive, sepse Hëna do të jetë kthyer në pozicion të pafavorshëm për shenjën tuaj.
Shigjetari
Mërkuri do të jetë kthyer në pozicion të pafavorshëm për shenjën e Shigjetarit për këtë javë, prandaj do ta keni të vështirë t’i çoni para projektet tuaja. Mund të hasni më shumë pengesa nga ç’e kishit parashikuar dhe do të keni të bëni me njerëz që nuk janë të gatshëm për të bashkëpunuar. Ditët më me fat do të jenë e hëna, e premtja dhe e shtuna. Ndërsa të martën, të mërkurën dhe të enjten mund të ndiheni në humor të keq.
Bricjapi
Venusi është kthyer në pozicion të pafavorshëm për shenjën e Bricjapit, dhe, për fat të keq tensionet me partnerin do të shtohen. Gjërat mund të arrijnë deri aty sa të dyshoni për tradhti. Përpiquni të jeni më të hapur ndaj dialogut, sidomos gjatë ditëve kur Hëna do të jetë në pozicion të favorshëm për shenjën tuaj, pra të martën, të mërkurën dhe të enjten. E premtja dhe e shtuna do të jenë ditë stresuese, prandaj ju këshillohet të bëni kujdes.
Ujori
Java do të fillojë e mbarë për të lindurit në shenjën e Ujorit me Hënën të kthyer në pozicion të favorshëm. Një lajm i mirë, apo fakti që mund të keni sukses në punë, do të bëjë që t’ju rritet besimi në vetvete. Edhe e premtja dhe e shtuna do të jenë ditë me fat, gjatë së cilave nuk do të mungojnë argëtimet. Bëni kujdes ditën e diel, sepse falë pozicionimit të pafavorshëm të Hënës mund të ndiheni disi nervozë.
Peshqit
Gjatë kësaj jave gjërat do të ecin shumë mbarë në aspektin e ndjenjave për të lindurit në shenjën e Peshqve. Ditën e martë, të mërkurë dhe të enjte Venusi dhe Hëna do të jenë kthyer në pozicion të favorshëm, prandaj do të përjetoni emocione që kishit kohë pa i provuar. Në aspektin profesional mund të hasni ndonjë vështirësi, sepse Mërkuri nuk ju favorizon dhe mund të keni edhe mosmarrëveshje. Kujdes të mos u besoni njerëzve të gabuar!
