Dashi
Jepini kurajë vetes, sepse më në fund Venusi do të kalojë në shenjën tuaj dhe ju do të gjeni sërish qetësinë e munguar. Ditët më me fat të javës do të jenë e hëna, e marta, e premtja dhe e shtuna. Për të mërkurën dhe të enjten parashikohet ndonjë telash i vogël në aspektin profesional, prandaj këshillohet të bëni kujdes.
Demi
Prej kohësh ndieni nevojën që të diskutoni për diçka me partnerin tuaj, por për ndonjë arsye vazhdoni ta shtyni atë bisedë. Ju leverdis më mirë që t’i gjeni zgjidhje këtij problemi brenda ditës së diel. Andej nga java tjetër Venusi do të largohet nga shenja juaj dhe do ta keni të vështirë të gjeni gjuhën e përbashkët. Ditën e mërkurë planeti Mërkur do të kthehet nga shenja juaj dhe do të përjetoni kënaqësi në aspektin profesional.
Binjakët
Java tjetër do të fillojë në mënyrën më të mirë për të lindurit në shenjën e Binjakëve, sepse Hëna do të kthehet nga shenja juaj. Do të jenë ditë të mbushura me kënaqësi në aspektin sentimental, falë edhe pranisë së Venusit. Mërkuri do të largohet nga shenja juaj dhe mund të hasni ndonjë pengesë në aspektin profesional. Të dielën gjendja mund të jetë disi e tendosur, prandaj përpiquni të qetësoheni.
Gaforrja
Mjafton të bëni edhe disa ditë durim dhe më në fund Venusi do të kthehet nga shenja juaj. Duke filluar nga dita e diel situata sentimentale do të ndryshojë për mirë. Duket se gjithçka ecën mbarë në aspektin profesional. E mërkura dhe e enjtja do të jenë ditë me shumë fat me Hënën në shenjë. Do t’ju njihen meritat në punë dhe në përgjithësi do të jetë një javë pozitive.
Luani
Për fat të keq, planeti Mërkur do ta braktisë shenjën tuaj këtë javë, pas një muaji të mbushur me kënaqësi. Mos u shqetësoni, sepse gjithsesi nuk do të mungojnë lajmet e mira dhe do t’ju ofrohen mundësi të shumta që duhet t’i kapni fluturimthi. Ditë me fat do të jenë e premtja dhe e shtuna. Gjithçka duket se ecën mirë në aspektin sentimental, të paktën deri ditën e diel…
Virgjëresha
Muaji shtator do të jetë shumë i mbarë për të lindurit në shenjën e Virgjëreshës. Planeti Mërkur do të kthehet nga shenja juaj dhe do të keni mundësi të shumta për të pasur sukses. Ditën e diel, falë favorizimit të Venusit, do të përjetoni emocione të forta. E hëna parashikohet të jetë një ditë e vështirë, por mos u druani sepse deri në fund të javës gjithçka do të rregullohet.
Peshorja
Planeti Venus do të kthehet nga shenja juaj dhe gjithçka do të shkojë më së miri në aspektin sentimental. Kushtojini vëmendje partnerit dhe mos e merrni gjithçka për të mirëqenë, sepse javën tjetër pasioni mund të zbehet. Tregoni kujdes për ndonjë të papritur që mund të hasni në aspektin profesional gjatë ditës së mërkurë dhe të enjte.
Akrepi
Duke filluar nga dita e diel do të fillojë për ju një periudhë mjaft e veçantë, edhe për faktin se Venusi do të kthehet nga shenja juaj dhe do të luajë një rol kyç. Do të ndiheni mirë dhe do të përjetoni emocione të forta. Edhe në aspektin profesional do të merrni lajme pozitive, pasi edhe Mërkuri të kthehet nga shenja juaj dhe do t’ju ofrohen mundësi të shumta.
Shigjetari
Kjo javë parashikohet të jetë problematike, sepse Hëna do të ndikojë negativisht në shenjën tuaj. Do t’ju dalin pengesa të papritura dhe do të jeni disi të acaruar. Ditën e mërkurë planeti Mërkur do të largohet nga shenja juaj. Situata do të ndërlikohet dhe do të keni mosmarrëveshje me kolegët. Duket se gjërat do të shkojnë mbarë në aspektin sentimental, falë pranisë së Venusit në shenjë.
Bricjapi
Edhe për këtë javë do t’ju duhet të duroni ndikimin negativ të Venusit, por duke filluar nga dita e diel situata do të ndryshojë për mirë. Bëni durim nëse tensionet dhe zënkat me partnerin do t’ju bëjnë të ndiheni disi të lodhur dhe të stresuar. E mërkura dhe e enjtja do të jenë ditë të vështira, por më pas gjithçka do të rregullohet. Fatmirësisht, Mërkuri do të ndikojë pozitivisht në aspektin profesional.
Ujori
Kjo do të jetë një javë e mbushur me emocione negative dhe pozitive. Ditën e mërkurë, planeti Mërkur do të kthehet nga shenja juaj dhe të gjitha problemet në aspektin profesional do të gjejnë zgjidhje. Duke filluar nga dita e diel Venusi nuk do ta favorizojë më shenjën tuaj dhe lidhja me partnerin për javët në vazhdim do të jetë e tensionuar…
Peshqit
Gjatë ditëve në vazhdim planeti Mërkur do të ndikojë negativisht në shenjën tuaj dhe situata në aspektin profesional do të vështirësohet së tepërmi. Do të hasni pengesa dhe do të keni mosmarrëveshje me eprorët dhe kolegët. Për fat, Venusi do të kthehet nga shenja juaj dhe do të gjeni qetësinë e munguar pranë personit të zemrës.
