Dashi
Ju të lindurit nën shenjën e Dashit të hënën do të ndiheni jo tolerantë dhe të panënshtruar. Do ta keni të vështirë t’u bindeni rregullave dhe të merrni përsipër angazhime. Diku nga mesi i javës do të ndieni dëshirën për të ndryshuar shumë gjëra. Për këtë mund të merrni shembull nga dikush, që, ashtu si ju, do të ketë dëshirë të përjetojë emocione të reja, por që ndërkohë dinë të tregohen të duruar dhe të qetë. Të dielën, nën ndikimin e Marsit, do t’u përkushtoheni më shumë familjarëve.
Demi
Këtë javë, nën ndikimin e Mërkurit, do ta keni të vështirë që t’i kapni gjërat me intuitë, por mbase është më mirë kështu. Gjatë ditëve të para të javës do të përballeni me njerëz që e marrin gjithçka me qetësi dhe s’u pëlqejnë shumë ndryshimet. Ju do të zgjidhni të silleni në mënyrë të logjikshme, por pa hequr dorë nga gjërat e bukura. E enjtja mund të jetë një ditë e favorshme në aspektin profesional. Të shtunën do t’u përkushtoheni miqësive, kurse të dielën do ta keni më të thjeshtë të gjeni kompromisin me dikë për një çështje parimore.
Binjakët
Gjatë fillimit të javës që vjen falë ndikimit të Marsit dhe Diellit nuk do t’i toleroni mirë gjërat që ju bëhen pengesë. Do t’ju duhet me pak fjalë të ushtroni artin e durimit dhe të diplomacisë që të mos reagoni në mënyrë të ekzagjeruar. Por kjo s’do të mjaftojë, sepse falë ndikimit që do të ushtrojë Plutoni në shenjën tuaj, do të jeni në kërkim të ekuilibrit, duke u munduar që të mos e teproni për asgjë. Për fat të mirë, në fundjavë situata do të jetë më e qetë dhe do të jetë një mundësi e shkëlqyer që të provoni të çlodheni.
Gaforrja
Mundohuni që gjatë kësaj jave të tregoheni të qetë e të kujdesshëm, sepse më pas, Marsi do të ndikojë në shenjën tuaj dhe për pasojë do t’ju duhet të angazhoheni më shumë. Ndërkohë, personat pranë jush do të ndihen të dobët dhe s’do të kenë forcën e nevojshme për të vazhduar përpara, sidomos të hënën. Të enjten do t’ju përfshijë ëmbëlsia dhe do të ndieni nevojën për ta zbukuruar çdo gjë. Në fundjavë, nën ndikimin e Marsit, do të ndiheni mjaft energjikë. Përgatituni për një periudhë ku puna dhe gjërat praktike do të jenë në vend të parë.
Luani
Ndonjëherë ndodh që edhe një shenje brilante si juaja t’i duhet të pranojë rolin e spektatorit përpara se të mund të veprojë. Pranoni pra që gjatë ditëve të para të javës të qëndroni disi në hije, sepse do të dëgjohet më shumë zëri i të tjerëve dhe ju s’keni çfarë të bëni më shumë në një situate ku ngjarjet duket se rrokullisen me shpejtësi. Në fundjavë do të jeni në qendër të vëmendjes dhe falë ndikimit të Jupiterit do të përjetoni një optimizëm të veçantë. Të dielën do të jetë momenti i kaosit dhe i iluzioneve.
Virgjëresha
Gjatë kësaj jave Mërkuri do të ndikojë në shenjën tuaj dhe mundohuni të përfitoni në maksimum nga situata e tanishme. Marsi do t’ju transmetojë atë ndjesinë e të ndjerit të paaftë për të përjetuar gjërat që dëshironi. Ndoshta do të frenoheni nga dikush pranë jush. Nga mesi i javës do të keni forcën e nevojshme për të bërë diçka të rëndësishme, që ia vlen. Të enjten është momenti i përshtatshëm për të bërë diçka që kërkon gjakftohtësi, kurse fundjava premton të jetë argëtuese.
Peshorja
Gjatë kësaj jave, të lindurit nën shenjën e Peshores do të kenë mbështetjen e shumë planetëve, duke ju dhënë kështu shumë kënaqësi. Do të jeni në gjendje të ndihmoni personat që ndiejnë nevojën për të bërë ndryshime dhe kjo ka për t’ju pëlqyer. Të enjten duket se do të përjetoni një dashuri të kushtëzuar nga rregullat, kurse në fundjavë do t’i përjetoni gjërat në mënyrë origjinale. Shijojeni pushimin ditën e diel dhe mos mendoni për problemet e punës.
Akrepi
Gjatë fillimit të javës tjetër do të ndiheni në siklet falë ndikimit të Saturnit dhe për këtë arsye do të ndieni nevojën për t’u shkëputur nga realiteti juaj. Të mërkurën do të ndiheni nevojën për të bërë diçka të re, në mënyrë që të mos ju përfshijë rutina. Do të jeni të vetëm në këtë iniciativë, sepse personit tuaj të zemrës i pëlqejnë gjërat e sigurta. Fundjava do të jetë pozitive dhe do të gëzoni simpatinë e të tjerëve, sepse do ta keni gjithçka nën kontroll.
Shigjetari
Gjatë kësaj jave, falë ndikimit të Marsit, do të përjetoni probleme e tensione në çift. Të hënën, për shembull, do të ndieni nevojën për të vepruar të lirshëm, sepse nuk ndani të njëjtat ide me personat pranë jush. Kurse të mërkurën do të ndani pasione të njëjta me ta për gjërat e reja, origjinale. Kështu do të keni ndjesinë se po shpëtoni nga diçka që dukej sikur jua kishte bërë jetën burg. Në fundjavë, nën ndikimin pozitiv të Marsit, do të përjetoni entuziazmin, gjallërinë dhe ëmbëlsinë që ju dhuron dashuria.
Bricjapi
Të hënën Marsi do të largohet nga shenja juaj dhe ju do t’ju duhet të shfaqni një forcë dhe pasion të veçantë për personin tuaj të zemrës. Megjithëse s’do të jeni krejtësisht të qetë, do të mund të përftoni rezultate të mira në aspektin profesional, sidomos ditën e enjte. Megjithatë, do t’ju duhet t’i mbani të ndara jetën private nga ajo profesionale. Ndihuni të lirë në fundjavë për të bërë gjithçka që keni dëshirë.
Ujori
Gjatë fillimit të javës që vjen do të kuptoni rëndësinë e gjërave të lehta e argëtuese. Angazhimet e shumta që ju presin do t’ju bëjnë të ndiheni nostalgjikë për periudhën e argëtimit. Sa keq! Por do ta ndreqni këtë diku nga e mërkura dhe e enjtja, duke i lejuar vetes diçka të çuditshme dhe intriguese, por pa e shkëputur vëmendjen nga puna dhe gjërat vërtet të rëndësishme. Do të ndieni në fundjavë optimizmin e partnerit, por bëni kujdes që të mos bëni gabime të kota.
Peshqit
Të lindurit e shenjës së Peshqve do të përjetojnë gjatë kësaj jave një periudhë rebelimi. Bëni kujdes sidomos të hënën dhe të mërkurën ku do t’ju duhet të duroni pasiguritë që vijnë si pasojë e ndikimit të yjeve. Situata do të përmirësohet ditën e enjte, ku do të mbizotërojë ëmbëlsia. Do ta mbyllni bukur javën nën ndikimin e Diellit dhe të Marsit, sepse më në fund ka ardhur momenti që të përjetoni diçka pozitive dhe të bukur.
