Dashi
Këtë javë do të ketë lajme të mira për të lindurit në shenjën e Dashit. Duke filluar që nga dita e martë, planeti Mërkur do t’ju buzëqeshë dhe rastet për sukses do të shumëfishohen. Do të keni kërkesa të shumta dhe do ta luani më së miri rolin e liderit. Të mërkurën mund të merrni një lajm të mirë në punë. Bëni kujdes në pjesën e dytë të javës, sepse mund të keni probleme sentimentale.
Demi
Të lindurit në shenjën e Demit do ta fillojnë javën disi nervozë për shkak se Hëna është kthyer në pozicion të pafavorshëm. Por mos u mërzitni, planetët e tjerë ju garantojnë sukses në çdo sipërmarrje tuajën. Do të merrni kënaqësi sidomos në sferën emocionale, do t’ju pushtojnë ndjenja që kishit kohë pa i provuar. Ditët me fat do të jenë e enjtja, e premtja dhe e shtuna. Bëni kujdes të dielën, sepse mund të keni ndonjë mosmarrëveshje.
Binjakët
Shpresojmë që të lindurit në shenjën e Binjakëve të ndihen gati, sepse duke filluar nga dita e martë çfarë nuk do të ndodhë. Planeti Mërkur do të pozicionohet në këtë shenjë, duke ju dhuruar raste pafund për sukses. Përfitoni nga kjo mundësi që ju ofrohet, por bëni kujdes ditën e martë dhe të mërkurë, sepse Hëna do të kthehet në pozicion të pafavorshëm për shenjën tuaj dhe kjo gjë mund t’ju krijojë një lloj sikleti.
Gaforrja
Venusi vazhdon të jetë në pozicion të favorshëm për shenjën e Gaforres, duke ju dhuruar ditë të mbushura me dashuri. Do të ndiheni e përkëdhelur në praninë e partnerit dhe do të keni mbështetjen e yjeve. E hëna do të jetë një ditë pozitive në aspektin profesional, falë pozicionimit të favorshëm të Hënës dhe të Mërkurit. Ndërsa të enjten, të premten dhe të shtunën, falë pozicionimit të ri të Hënës, mund të ndiheni në humor të keq.
Luani
Pritet që këtë javë të lindurit në shenjën e Luanit ta marrin veten plotësisht. Duke filluar nga dita e martë, Mërkuri do të kthehet në pozicion të favorshëm për këtë shenjë dhe ju do të korrni sukses. Do të jeni të favorizuar në aspektin profesional. Ditët më me fat do të jenë e marta dhe e mërkura më Hënën në pozicion të favorshëm për këtë shenjë. Të dielën, falë pozicionimit të ri të Hënës, mund të keni ndonjë mosmarrëveshje në familje.
Virgjëresha
Planeti i dashurisë do të vazhdojë të jetë në pozicion të favorshëm për shenjën e Virgjëreshës, duke ju dhuruar edhe një javë tjetër të mbushur me emocione dhe gjatë së cilës do të keni një marrëdhënie të mirë me partnerin. Për fat të keq do të hasni pengesa në aspektin profesional, sidomos gjatë ditës së martë e të mërkurë, atëherë kur do t’ju mungojë mbështetja e Mërkurit dhe e Hënës. Vazhdoni merruni me projektet tuaja, sepse situata do të përmirësohet në ditët në vazhdim.
Peshorja
Mërkuri më në fund do të kthehet në pozicion të favorshëm për shenjën e Peshores dhe të gjitha problemet që keni pasur në këtë periudhë do të gjejnë më në fund zgjidhje. E marta dhe e mërkura do të jenë ditë të mbara, për sa i përket aspektit profesional. Ndryshe parashikohet situata në aspektin sentimental, sepse me Venusin në pozicion të pafavorshëm do të krijohen tensione. Bëni kujdes sidomos ditën e premte dhe të shtunë.
Akrepi
Venusi është kthyer në pozicion shumë të favorshëm për shenjën e Akrepit, prandaj ekziston mundësia që të gjeni, në mos e keni gjetur, partnerin e duhur për ju. Nëse është ky rasti, mos e lini t’ju ikë nga duart. Java do të fillojë e mbarë me Hënën në shenjën tuaj dhe më në fund edhe Mërkuri do të kthehet nga kjo shenjë. Kështu, gjërat në aspektin profesional do të marrin për mirë. Do t’ju ofrohen mundësi të shumta dhe do të keni projekte të reja.
Shigjetari
Për fat të keq nuk do të ketë lajme të mira për shenjën e Shigjetarit për këtë javë. Duke filluar nga dita e martë, planeti Mërkur do të kthehet në pozicion të pafavorshëm dhe do të krijojë pengesa e vështirësi, sidomos në aspektin profesional. Për fat do të keni mbështetjen e Hënës gjatë ditës së martë dhe të mërkurë. Ju këshillohet që në fundjavë t’i harroni angazhimet në punë dhe t’i lejoni vetes pak qetësi.
Bricjapi
Venusi do të vazhdojë të jetë në pozicion të pafavorshëm për shenjën e Bricjapit edhe për këtë javë dhe situata juaj sentimentale do të jetë e vështirë. Nëse gjërat në aspektin profesional po ju ecin mbarë, në sferën e dashurisë do të mbizotërojnë zënkat e dyshimet. Por mos bëni panik, sepse në ditët në vazhdim, më saktë: të enjten, të premten dhe të shtunën, do të arrini ta merrni veten dhe të rifitoni qetësinë e humbur.
Ujori
Të lindurit në shenjën e Ujorit këtë javë mund të marrin më në fund frymë të lehtësuar. Mërkuri do të kthehet në pozicion të favorshëm për këtë shenjë dhe duke filluar nga dita e martë, problemet që keni pasur në këtë periudhë do të gjejnë zgjidhje. Të martën dhe të mërkurën situata në aspektin profesional do të jetë pozitive. Gjërat do të ecin mbarë dhe në sferën emocionale dhe java do të mbyllet bukur ditën e diel.
Peshqit
Për të lindurit në shenjën e Peshqve kjo është një periudhë gjatë së cilës do të vazhdojnë të marrin veten, për sa i përket aspektit sentimental. Venusi në pozicion të favorshëm ju dhuron mundësinë për takime interesante, ndërsa për ata që janë çift lidhja do të forcohet. Në aspektin profesional do të hasni disa vështirësi, sidomos ditën e martë dhe të mërkurë, atëherë kur Mërkuri dhe Hëna do të jenë në pozicion të pafavorshëm për këtë shenjë.
