Dashi
Fokusi i vazhduar në sektorin tuaj të krijimtarisë e bën këtë një nga kohët më të mirë të vitit që të zhyteni në dhe eksploroni talentet tuaja. Megjithatë, në fillim të javës ju mund të vendosni për të zgjidhni sigurinë ndaj rrezikut, që mund të thotë se do të humbisni një mundësi për të shkuar edhe më tej me një plan apo projekt. Me Uranin nga e premtja, ju mund edhe të zbuloni se doni të bëni atë që ju dëshironi. Mund të jeni aq të zgjuar sa të merrni pjesë në përgjegjësitë kyçe.
Demi
Marsi dhe Mërkuri janë dy planetë që në këto momente ju detyrojnë të bëni llogaritë me shumë gjëra, situata dhe realitete jo gjithmonë të këndshme. Do të ndieni nevojën të kuptoni më mirë situatën mes ditës së mërkurë dhe të premte, ku njerëzit pranë jush do të bëjnë gjithçka për t’jua ndërlikuar gjërat. Bëni durim deri të shtunën kur Mërkuri, mik me shenjën e Demit, do t’ju ndihmojë të kuptoni plotësisht gjithçka dhe ky do të jetë momenti i përshtatshëm për të vendosur në mënyrë objektive.
Binjakët
Si gjithmonë do të jetë Mërkuri ai që do të vendosë për ju. Prandaj ditën e mërkurë do të ndieni dëshirën për të bërë ndryshime dhe për të zgjeruar horizontet tuaja. Kjo ndjesi do t’ju bëjë të përjetoni ndryshime ditën e premte dhe të ndiheni të tensionuar. Ndryshimi i humorit do t’ju bëjë që të hasni vështirësi gjatë fundjavës dhe do të risillni ndërmend çfarë keni provuar dhe përjetuar në ditët e mëparshme. Bëjini gjërat pa u acaruar.
Gaforrja
Pavarësisht sezonit veror, në ditët në vazhdim Mërkuri do të bëjë që të keni një të tashme shumë të ngarkuar. Me pak fjalë, harrojeni për momentin dëshirën për t’u çlodhur dhe angazhohuni gjatë këtyre ditëve gjatë të cilave keni shumë për të përfituar. Tregohuni origjinalë dhe gjenialë ditën e mërkurë kur mund t’ju duhet të përballeni me diçka. Mos u dorëzoni përpara presionit dhe stresit që mund të ndieni ditën e premte për shkak të një programi që duket sikur do të bllokohet. Do të ndiheni më të lehtësuar ditën e shtunë me kalimin e Mërkurit në shenjën tuaj. Ndërkohë, durimi do të jetë aleati juaj më i mirë.
Luani
Dielli dhe Venusi, të cilët ndikojnë fort në shenjën tuaj, ju kishin përgatitur për një javë të mbushur me ëmbëlsi, gjëra që arrihen lehtë dhe plot energji, që janë tipike të stilit festiv. Por nuk do të ndodhë ashtu, Mërkuri do të bëjë gjithçka për t’jua bërë më intensive ditët e fundit të korrikut. Ky planet do t’ju japë dëshirën për sfida, sidomos nga mesi i javës. Së shpejti do të kuptoni se e gjithë kjo është e tepërt dhe se nuk e keni ende forcën e nevojshme për ta përballuar. Prandaj do të vendosni t’i ulni ritmet në bashkëpunim edhe me Uranin. Më në fund në fundjavë do të gjeni paqen dhe qetësinë.
Virgjëresha
Mërkuri duket i paduruar për të kaluar në shenjën tuaj dhe do të bëjë që situata mes yjeve të jetë e trazuar. Ditën e mërkurë do t’ju bëjë të ndiheni të paqëndrueshëm dhe të acaruar, që pastaj të kuptoni që nuk është rasti për t’u treguar tekanjozë dhe të qetësoheni e të mendoni për rëndësinë e energjisë që zhvendos gjithçka. Të shtunën, planeti i ideve do të bëjë daljen e tij triumfale në shenjën e Virgjëreshës. Kështu do ta përballoni verën duke pasur qëllimet më të mira. Jeni absolutisht në gjendje të luani rolin e protagonistit.
Peshorja
Sindroma e ditës së hënë mund të bëjë që të ndiheni të rënduar në fillim të javës dhe t’ju bëjë që t’ju duken këto ditë të fundit të korrikut më të këqija nga ç’janë në të vërtetë. Me pak fjalë, mos u ndikoni prej hënës, e cila në ditët e para të javës do të provojë t’ju prishë humorin dhe të bëjë që t’ju bjerë entuziazmi. Shijoni energjinë dhe shoqërinë e këndshme të miqve tuaj që do t’ju shoqërojnë në mbrëmjet në vazhdim. Mos u kërkoni shumë shpjegime të tjerëve ditën e premte, atëherë kur Urani dhe Mërkuri do t’i bëjnë ata të ndihen të pasigurt dhe jotolerantë. Këtë herë situata s’ka lidhje me ju.
Akrepi
Duket se gjatë këtyre ditëve të fundit të korrikut do të jeni në lëvizje, por kjo s’do të përbëjë problem. Marsi ju bën që të ndieni nevojën të reagoni dhe të angazhoheni, por duhet edhe të kuptoni si ta bëni këtë. Mërkuri do t’ju imponojë që të sforcoheni të mbyllni gjithçka përpara pushimeve të merituara. Nga mesi i javës duhet t’u përshtateni situatave të paparashikuara në mënyrë që më pas ta mbyllni bukur ditën e premte me një gjest të fundit heroik. Më pas, të shtunën, do të ndjeni paqe dhe do të mund të shkoni me pushime. Marsi do të dalë nga shenja juaj në gusht, gjatë të cilit do të ndiheni mjaft energjikë.
Shigjetari
Shijoni ditët e fundit të qetësisë kozmike përpara se Marsi të ndikojë sërish në shenjën tuaj duke jua bërë të tashmen më intensive, edhe atëherë kur të tjerët do të bëjnë të pamundurën për të gjallëruar javën e fundit të korrikut dhe duke vënë në provë durimin tuaj. Silluni me gjakftohtësi me personat, të cilët do të tregohen të paduruar ditën e mërkurë dhe të premte. Mos u druani të shijoni gjërat e bukura dhe të këndshme në fundjavë, sepse Urani s’do të ndikojë me të gjithë forcën e tij dhe do t’ju garantojë argëtim. Papritur, gjithçka do të shkojë në vendin e vet në fundjavë duke bërë që më në fund të vijë momenti i pushimeve.
Bricjapi
Do të ndiheni të dobët emocionalisht të hënën dhe të martën, por kjo ndjesi do të transformohet në diçka më të bukur nga mesi i javës. Korriku do të mbyllet duke dhuruar qetësi në shenjën tuaj, sepse Mërkuri, planeti që do të aktivizohet më shumë në ditët në vazhdim, s’do të ndikojë shumë në shenjën tuaj deri në fundjavë. Bëni kujdes vetëm ditën e premte, kur Urani do të provojë të ndryshojë diçka që në fakt duhet lënë ashtu siç është. Të shtunën, nën ndikimin pozitiv të Mërkurit, do të përjetoni më mirë gjithçka që ka lidhje me udhëtimet dhe shëndetin.
Ujori
Jo gjithmonë është momenti i duhur për të shprehur dhe komunikuar atë që mendojmë dhe atë në të cilën besojmë. Megjithatë, nganjëherë mund ta bëjmë, për shembull të mërkurën kur nën ndikimin e Uranit do të mund të shpreheni ashtu si dëshironi duke i argëtuar ata që ju dëgjojnë falë edhe origjinalitetit tuaj. Por nganjëherë edhe nuk mund ta bëjmë këtë gjë, sepse nën ndikimin e Marsit ajo që keni për të thënë mund të mos tingëllojë bukur. S’ju mbetet veçse t’i ngadalësoni ritmet në fundjavë duke qenë se energjitë kozmike s’janë më ato të dikurshmet dhe nuk është mëkat të silleni në mënyrë logjike dhe normale.
Peshqit
Ndërkohë që ju, falë bashkëveprimit të Jupiterit dhe Marsit, duket se ecni qetësisht në rrugën tuaj, të tjerët përreth jush do të angazhohen shumë në ditët në vazhdim. Bashkëveproni nga mesi i javës me njerëz origjinalë, atëherë kur do të ndjeni edhe ndikimin e Mërkurit. Do të përballeni të premten me subjekte të tensionuar ku nën ndikimin e Marsit do të ndihet një dozë nervozizmi. S’ju mbetet veçse të ushtroni artin e lashtë dhe të vështirë të durimit, që është zgjidhja e vetme që mund t’ju mbrojë nga tensionet e panevojshme. Provoni ta bëni.
