Dashi
Marsi dhe Venusi do të largohen nga shenja juaj këtë javë dhe kjo do të ndikojë dhe në aspektin e ndjenjave. Për këtë arsye mund të hasni shpesh probleme dhe do të keni përballje me personat pranë jush. Me raste mund të jeni në pozicion të pafavorshëm, por nuk ka për të qenë gjithmonë kështu. Të shtunën do të keni vështirësi në komunikimin me një person ndaj të cilit keni shfaqur interes, prandaj këshillohet që sqarimet t’i lini për më vonë.
Demi
Dielli, Jupiteri dhe Mërkuri nuk do ta favorizojnë shenjën tuaj gjatë kësaj jave. Përpiquni të përfitoni me zgjuarsi ndaj mundësive që do t’ju ofrohen nga forcat yjore. Mos u druani, sepse do ta keni gjithsesi mbështetjen e qiellit dhe do të jeni në pozicion të favorshëm ndaj të tjerëve. Tregohuni optimistë për atë që ju pret dhe mos e humbisni asnjëherë besimin. Përpiquni që në fundjavë t’i kufizoni shpenzimet dhe pjesëmarrjen në veprimtaritë praktike, sepse nuk do ta keni mbështetjen e Mërkurit.
Binjakët
Gjatë ditëve në vijim mund të ndiheni disi të pështjelluar falë ndikimit të Mërkurit në shenjën tuaj. Të martën Neptuni do të kalojë në shenjën tuaj, duke ju bërë disi të mendueshëm. Shumë më ndryshe do të jetë situata të shtunën, kur nën ndikimin e Plutonit do të ndiheni më të fortë e të vendosur. Tregohuni të hapur ndaj të gjitha mundësive që ju çojnë drejt të vërtetës, sepse asgjë s’ka për të mbetur mister.
Gaforrja
Pozicionimi i yjeve gjatë kësaj jave për shenjën tuaj është mjaft i favorshëm. Nga njëra anë është Venusi dhe Marsi që premtojnë për një moment të veçantë, duke ju dhuruar forcë të brendshme në mënyrë që ta përballoni mirë të tashmen, nga ana tjetër janë planetët e shumtë të vendosur në pozicion të favorshëm, duke ju bërë të ndiheni mirë. Prandaj, përpiquni që ta shijoni sa më shumë këtë situatë. Në fundjavë, falë ndikimit të Hënës, do t’ju prijë e mbara në aspektin e ndjenjave.
Luani
Megjithëse Dielli do të largohet nga shenja juaj për këtë javë, ju nuk do të përjetoni rënie të energjive, sepse kjo është thjesht një dukuri sezonale. Në fakt, ju të lindurit e shenjës së Luanit duhet të provoni të përballeni me çështjet personale dhe do të duhet t’u përkushtoheni problemeve familjare. Ky është momenti i përshtatshëm për ta bërë këtë, sepse do të keni dhe mbështetjen e Jupiterit. Mos ia mohoni vetes mundësinë për të pasur një sezon më të mirë.
Virgjëresha
Marsi, nga një energji lodhëse që ishte më parë, do të kthehet në një burim të çmuar për ju. Tani do të jeni në gjendje të përballoni gjithçka. Falë ndikimit të Neptunit mund të mos jeni shumë të kthjellët, por në fund pasionet do të mbizotërojnë. Jo gjithmonë personat pranë jush do të kenë dëshirë apo mundësi që të bien në sy dhe që të tregojnë atë që kanë në mendje. Yjet ju këshillojnë që të shtunën t’i lini mënjanë angazhimet tuaja në mënyrë që të përjetoni një fundjavë të këndshme.
Peshorja
Duket se ju të lindurit e kësaj shenje do të përjetoni një moment kaosi këtë periudhë, por është normale. Marsi do të kalojë në shenjën e Peshores, kurse Dielli me largimin e tij do të bëjë që të ndieni rënie të energjive. Do t’ju duhet të sforcoheni dhe të angazhoheni shumë për çështjet tuaja si dhe të mbroni veten nga stresi i panevojshëm. Përpiquni që ta shqyrtoni me kthjelltësi situatën tuaj pa pranuar ndërhyrje nga jashtë. Në fundjavë, nën ndikimin e Plutonit, do të ndiheni entuziastë.
Akrepi
Dielli, Jupiteri dhe Mërkuri do të ndikojnë në shenjën e Akrepit gjatë kësaj jave, duke bërë që entuziazmi të jetë i lartë. Pavarësisht se ndikimi i Marsit nuk do të jetë dhe aq pozitiv gjatë kësaj jave, përpiquni që ta shfrytëzoni këtë moment, gjatë të cilit keni mbështetjen e shumë planetëve, në favorin tuaj. Mos harroni se fati ndihmon ata që mbajnë qëndrime pozitive.
Shigjetari
Ndikimi i planetëve gjatë kësaj jave nuk do të ndihet shumë dhe duket se ju të lindurit e kësaj shenje do të përjetoni një moment qetësie. Por ndërkohë që ju qetësoheni përreth jush gëlon jeta. Mos u ndieni inferiorë për faktin se dikush, ndryshe nga ju, zgjedh të punojë me vrull në këto momente. Të enjten, Dielli do të ndriçojë në shenjën tuaj dhe ky mund të jetë momenti i përshtatshëm për të vendosur që të bëni një udhëtim që mbase do t’ju ndezë shpirtin.
Bricjapi
Është e këshillueshme që ju të lindurit e shenjës së Bricjapit të përqendroheni në problemet tuaja, në veprimtaritë ekonomike dhe në çështjet personale. Përpiquni që për një moment të martën të lini mënjanë logjikën dhe t’i besoni intuitës tuaj, sepse do të jetë më mirë. Të shtunën përqendrohuni sërish te vetja dhe përpiquni t’i jepni zgjidhje gjithçkaje që ka të bëjë me të tashmen tuaj.
Ujori
Askujt nuk i shkon mendja se ju po përpiqeni të kanalizoni energjitë tuaja për t’u dhënë zgjidhje çështjeve të së tashmes. Marsi dhe Venusi do t’ju dhurojnë energjinë e nevojshme për të reaguar, në mënyrë që të mos bëheni objekt i pyetjeve apo kureshtjes së të tjerëve. Jupiteri, Dielli e Mërkuri do të përbëjnë sfidë për ju gjatë kësaj jave, prandaj këshillohet që t’i merrni gjërat me radhë dhe të jeni optimistë.
Peshqit
Po të mos ishte për largimin e Saturnit nga shenja juaj, që do të ndodhë pas rreth një muaji, mund të thoshim se ky është një qiell i përsosur për ata që u përkasin shenjës së Peshqve. Të hënën Dielli do të kalojë në shenjën tuaj dhe për rrjedhojë do të ndiheni më mirë dhe fizikisht. Gjatë kësaj jave do të ndiheni entuziastë dhe falë pranisë së Diellit e Jupiterit do të reagoni shumë mirë ndaj gjërave që ju presin.
