Dashi
Pas një të hëne energjike, si pasojë e eklipsit dhe ndikimit të Uranit, të martën, krejt papritur, të lindurit në shenjën e Dashit do të kalojnë në një stil jetese të qëndrueshëm dhe të përgjegjshëm, që shkon për shtat me stinën e re që po nis dhe me karakteristikat e saj. Të enjten, dikush do të mundohet t’ju bindë se ishit më mirë me stilin veror dhe të shpenguar, por të premten zgjedhja juaj do të konfirmohet plotësisht, pasi do të përballoni me vëmendje të veçantë disa angazhime të rëndësishme. Në fundjavë, ju presin kënaqësi të mëdha, pasi do të ndiheni të sigurt dhe optimistë në krah të njerëzve që ju pranojnë në çdo rrethanë.
Demi
Yjet dhe planetët orvaten ta largojnë vëmendjen tuaj nga çështjet e domeneve publike dhe ta kthejnë atë drejt situatave që ju prekin më nga afër dhe ju vënë përballë gjithçkaje që lidhet ngushtë me sferën tuaj personale. Për këtë arsye, duhet të vlerësoni personat pranë jush që do të shfaqin sjellje serioze dhe të ekuilibruara. Qëndroni larg tundimeve që do t’ju paraqesë Urani të enjten. Gjatë fundjavës, falë ndikimit të Saturnit, do të përcaktoni projekte dhe pikësynime të reja. Të shtunën, do të keni dëshirë të madhe ta vini në dukje këtë ndryshim tuajin dhe të flisni me të tjerët për të.
Binjakët
Yjet kanë gjithmonë një përgjigje të caktuar për gjithçka që ndodh dhe këshillat e tyre duhet të mësoni t’i deshifroni si duhet dhe t’i ndiqni. Nëse Mërkuri ju tensionon dhe ju bën konfuzë, do të thotë se planetët kërkojnë që të përqendroheni më tepër te cilësia e marrëdhënieve tuaja, te mendësia e vendosur dhe transparente, që do t’ju ndihmojë të përballeni me persona e situata të ndryshme dhe disi kontradiktore. Nga e premtja e tutje, Saturni, planeti që ju përndjek tashmë prej kohësh, do ta ulë disi dozën e ndikimit dhe ju nuk do ta ndieni domosdoshmërish nevojën për të ndjekur rregulla që s’i hyjnë në punë askujt. Me ndihmën e yjeve, fundjava do të jetë plot ngjyra dhe emocione.
Gaforrja
Të gjitha premisat ju shtyjnë të përparoni më tej, të përmirësoni aftësitë dhe dhuntitë tuaja dhe të mos mjaftoheni me ato që dini apo që mund të shprehni, duke iu referuar ende arritjeve të së shkuarës. Duhet të shihni përpara dhe të kuptoni se ka ende shumë gjëra për të mësuar dhe për të dëgjuar. Kështu, do të kuptoni më qartë shprehjen e Henri Fordit, i cili thotë se cilido që resht së mësuari është i moshuar, qoftë ai 20 apo 80 vjeç. Ndërkohë, kush vazhdon të mësojë mbetet i ri përgjithmonë, sepse s’ka gjë më rëndësishme në jetë sesa të ruash një mendje rinore. Ndaj, fillojeni këtë rinovim nga vetja, të tjerët do t’ju ndjekin dhe do të bëhen shumë shpejt aleatë me ju.
Luani
Yjet dhe planetët janë të gjithë të përqendruar në shenjën e Luanit. Të hënën do të prisni eklipsin në shenjën tuaj dhe do të jetë momenti i duhur për të ndryshuar rrënjësisht diçka personale që ju prek nga afër. E gjitha kjo do të ndodhë, teksa Urani do t’ju shtyjë të hidheni me guxim drejt gjërave të reja dhe të panjohura. Të martën, do të keni rastin të vini në zbatim vendimin që keni marrë, me ndihëm e Saturnit. Më pas, do të gëzoni bashkë me partnerin apo njerëzit tuaj të dashur, të cilët do ta mbështesin dhe pëlqejnë kthjelltësinë tuaj mendore, dëshirën për t’u angazhuar seriozisht dhe për të përparuar si person. Edhe ju vetë pajtoheni me mendimin e tyre.
Virgjëresha
Diellin dhe ardhjen e periudhës më të favorshme të vitit në shenjën tuaj do t’i prisni në mënyrë të pazakontë. Pse? Sepse, teksa Mërkuri do të vazhdojë të sprapset, duke i mëshuar dyshimeve dhe pasigurive brenda jush, disa energji të rëndësishme do të lëvizin thuajse fshehurazi, duke ju përcjellë ndjesinë sikur s’e keni kurrë në dorë situatën. Mundohuni t’i largoni dyshimet dhe pasiguritë deri të premten, kur Saturni do t’ju dhurojë një forcë të brendshme, falë së cilës do të gjeni përgjigjet që kërkoni dhe do të filloni të zgjidhni disa çështje familjare. Në fundjavë, do t’ju karakterizojë entuziazmi, por që mund të ndërpritet herë pas herë nga personat që ju qëndrojnë pranë.
Peshorja
Forcat qiellore të kësaj jave do t’ju nxisin që ta ktheni vëmendjen tuaj drejt së ardhmes dhe drejt lëvizjeve të radhës që duhen ndërmarrë. Kjo nuk do të thotë se duhet t’i ndërprisni pushimet për këtë shkak, por thjesht duhet të bëheni të vetëdijshëm se ka ardhur koha të mendoni për të nesërmen, sigurisht, pa ankth dhe pa ngut. Miqtë do të luajnë një rol të rëndësishëm, edhe kur ju mund të shfaqni disa dilema të vogla apo të rebeloheni ndaj së tashmes. Të dielën, komunikimi mes Jupiterit dhe Saturnit, do t’ju ndihmojë të konkretizoni ëndrrat dhe shpresat e deritanishme dhe të mos e shikoni më realizimin e tyre si një utopi. Kini besim!
Akrepi
Gjatë kësaj jave do të parashtroni shumë pikëpyetje për vendosjen e yjeve dhe planetëve, sepse ata do të bëhen mjaft të zhurmshëm në ditët në vijim. Mos u shqetësoni! Sido që të jetë pozicionimi qiellor, rezultati do të jetë në favorin tuaj dhe do t’ju vijë në ndihmë. Të hënën, do t’i bashkoheni jehonës së eklipsit që ju fton të ndryshoni rrjedhën e fatit tuaj dhe të mos injoroni mundësitë dhe rastet për ndryshime profesionale. Kini besim te Saturni, planet i cili, pas ditës së martë, do t’ju sugjerojë si dhe kur të veproni në mënyrë që të mos gaboni dhe të mos humbisni mundësitë që ju jepen. Në fundjavë, do t’i kushtoni më tepër rëndësi partnerit. Mundohuni të stimuloni bashkëbisedimin dhe ndërveprimin mes jush.
Shigjetari
Yjet dhe planetët do të ndjekin një logjikë kontradiktore në shenjën tuaj. Sepse, në fillim të javës, që të hënën, do t’ju dhurojnë diçka unike dhe të rëndësishme, por më pas do ta kthejnë vëmendjen tuaj drejt së ardhmes dhe gjërave që pritet të ndodhin më tej. Po ashtu, do të jetë një periudhë pozitive për të përqafuar energjitë pozitive të Saturnit, të cilin nuk do ta shihni më si një barrë, por si një aleat mjaft të dobishëm dhe konkret. Ndiqini këshillat e tij sidomos gjatë fundjavës, kur stili i tij i të vepruarit do të jetë mjaft i vyer. Ndërkohë, Afërdita do t’ju dhurojë edhe disa raste interesante verore për të dashuruar.
Bricjapi
Ndonjëherë, gjërat përmirësohen pa qenë nevoja që ne të ndërhyjmë në mënyrë të drejtpërdrejtë, pa një logjikë të mirëfilltë që të mund t’i shpjegojë ato. Saturni, që prej kësaj jave, do të rikthehet aktiv në shenjën tuaj dhe do t’ju falë forcë e siguri. Do të keni shumë më tepër besim te vetja juaj dhe te personat e afërt. Po ashtu, do të ndërmerrni me ngut ndryshime të mëdha. Mos u nxitoni dhe shijojeni këtë javë pa ankth, duke qenë të vetëdijshëm se periudhat e përmirësimit dhe përparimit duhen përballuar me qetësi dhe pa tensionim. Vendimi i një personi tjetër, që mbase lidhet drejtpërdrejt me ju, gjatë fundjavës, do t’ju bëjë të kuptoni se jeni në rrugën e duhur.
Ujori
Ta harroni që kjo javë do të jetë e qetë! Do ta kuptoni këtë që të hënën, kur eklipsi do t’ju vërë përballë një historie të rëndësishme dashurie apo marrëdhëniesh ndërpersonale. Fill më pas, të martën, Marsi do t’ju japë energji dhe kurajë që të mos i druheni askujt, të imagjinoni me krenari diçka që e dëshironi dhe të ndërmerrni një trajektore që orvateni ta përshkoni prej kohësh. Të premten, Saturni do t’i japë fund kësaj periudhe plot pasiguri, dyshime dhe ndryshime të papritura. Ndaj, në fundjavë, mbase për herë të parë pas muajsh të tërë, do të mund të përjetoni një optimizëm të pastër. Afërdita do t’ju sfidojë që të silleni më me butësi ndaj personave që keni pranë.
Peshqit
Duhet të mësoheni me këtë stinë jo të favorshme në shenjën tuaj, një stinë gjatë së cilës planetët ju sprovojnë vazhdimisht që t’ju shtyjnë të ecni përpara. Pas ditës së hënë, kur eklipsi do t’ju nxisë të përmirësoni mirëqenien tuaj të brendshme, të martën, ku Dielli do të kalojë në pozicion jo të favorshëm, duke ulur entuziazmin te të lindurit në shenjën e Peshqve. Ndaj, gjatë kësaj jave do të mjaftoheni me role dytësore, teksa prisni të fitoni më tepër siguri në vetvete dhe të merrni energji të reja. Të premten, Saturni, me shumë zgjuarsi, do t’ju japë një dorë dhe do t’ju bëjë të shpresoni e besoni sërish tek e ardhmja. E diela do të jetë një ditë kushtuar meditimit dhe ndërgjegjësimit.
