Dashi
Nëse i mbani angazhimet dhe keni qëllime të mira, do të jeni të shpërblyer prej yjeve. Ka të ngjarë që falë zellit që do të shfaqë dikush do të përfitoni edhe ju. Kështu, do të ndiheni më afër të tjerëve dhe do të jeni të ndjeshëm ndaj problemeve dhe dëshirave të tyre. Gjithashtu, do të ndieni nevojën të ndryshoni diçka te vetja (hëna do të ndriçojë në shenjën tuaj), por jo pa e pasur fillimisht të qartë ç’drejtim do të merrni. Këshillohet që në fundjavë t’i qëndroni pranë personit tuaj të zemrës duke i dhënë kurajë.
Demi
Sa herë që dëgjojmë të përmendet Plutoni ndiejmë njëfarë shqetësimi, por ai jo gjithmonë e meriton famën e keqe që i paraprin. Gjatë ditëve në vazhdim, për shembull, planeti i errësirës do t’ju ndihmojë të tregoheni më të pjekur dhe të përjetoni me pasion gjithçka. Kështu, energjikë dhe plot pasion do t’ju afroheni të tjerëve duke ua ngjitur edhe atyre entuziazmin tuaj dhe duke bërë ndjekës në radhët e tyre. Do të jeni mjaft simpatikë dhe bindës e do ta kenë të pamundur t’ju kundërshtojnë. Të dielën kërkoni ndihmën e dikujt në mënyrë që të rigjeni kurajën dhe dëshirën për t’ia dalë mbanë.
Binjakët
Marsi dhe Venusi do t’ju ndihmojnë që të bëni një analizë më të thellë të vetes. Të martën, për shembull, s’do të ndieni frikë apo hezitim për të parë thellë brenda vetes dhe për të bërë përmirësime. Të enjten do të jetë dita e përshtatshme për të kombinuar angazhimet publike dhe ato private, duke gjetur kohën e nevojshme për të bërë gjithçka. Të dielën, falë bashkëveprimit të Diellit dhe Mërkurit, do t’ju përfshijë një valë entuziazmi dhe gjallërie.
Gaforrja
Gjatë kësaj jave theksi me siguri do të vihet te veprimtaritë praktike, duke ndërtuar të ardhmen tuaj ditë pas dite, një të ardhme që duket se do të jetë pikërisht ashtu siç e doni ju. Të martën do të keni marrëdhënie të mira me këdo, ndërsa të enjten do të reflektoni mbi gjendjen tuaj aktuale dhe për mënyrën e mundshme për të bërë ndryshime. Gjatë fundjavës duhet të provoni t’u përshtateni më shumë situatave apo personave pranë jush.
Luani
Do të vendosni ta përballoni javën me pasion dhe entuziazëm dhe plot dëshirë për të treguar se jeni të aftë të bëni gjëra të mëdha. S’do të dorëzoheni për asnjë moment përballë sfidave dhe vështirësive. Veçanërisht të enjten do të përpiqeni më shumë për ta përmirësuar situatën tuaj, duke u dhënë përparësi gjërave të rëndësishme dhe do të keni ndjesinë se po luftoni për diçka që ia vlen. Në fundjavë Mërkuri do të ndikojë pozitivisht në shenjën tuaj.
Virgjëresha
Marsi dhe Venusi janë planetët që do të zaptojnë më shumë gjatë kësaj jave hapësirën e shenjës tuaj. Shpesh do të përballeni me të tjerët dhe me raste mund të dilni të humbur. Me siguri do t’i bëni gjërat me pasion dhe do të ndieni dëshirën për të fituar, sidomos të martën kur do të keni nxitjen e Plutonit për të pasur kurajën e nevojshme. Në fundjavë situata mund të ndryshojë dhe mund të jetë i nevojshëm një pushim. Ndërkohë, me Diellin në shenjën tuaj, do të mund të ndërmerrni iniciativa të ndryshme. Gjatë kësaj jave do të ecni me hapa të pandalshëm.
Peshorja
Kjo do të jetë java e fundit që do të ndieni praninë e Jupiterit në shenjën tuaj. Dhe megjithëse po afron periudha e largimit të tij ju nuk po shfaqni ende shenja qetësie apo trishtimi, por përkundrazi do të mblidhni forcat që të shijoni deri në fund ndikimin pozitiv që ka ky planet për shenjën tuaj. Të enjten do të jetë një ditë e rëndësishme për situatën sentimentale dhe do të provoni të reagoni dhe t’u jepni zgjidhje problemeve. Bëni pak kujdes ditën e diel, kur nën ndikimin e Saturnit do ta keni të vështirë të veproni dhe ku gjithçka përreth jush duket se ndryshon shumë shpejt.
Akrepi
Si mendoni ta prisni ardhjen e Jupiterit në shenjën tuaj, gjë që është parashikuar të ndodhë javën tjetër në datë 10? Mjafton të mos u frenoni pasionin atyre që do të kenë dëshirë dhe kohë për t’ju joshur. Parashikohet që së shpejti të shijoni një moment të këndshëm, por për këtë duhet të angazhoheni dhe vetë. Aty nga mesi i javës do të ndiheni më të afërt me personin e zemrës, kurse në fundjavë situata sentimentale do të jetë disi më e nderë. Gjithsesi, mos u shqetësoni, por shikoni drejt të ardhmes.
Shigjetari
Ndërkohë që përgatiteni për kalimin e Jupiterit në shenjën tuaj, i cili do t’ju sjellë paqe e qetësi, do të vazhdoni të ndjeni praninë e Marsit dhe të Venusit që do të ndikojnë në mirëqenien tuaj. Kjo ndjesi do të vihet akoma më në dukje nga kalimi në shenjë i Hënës së plotë, sidomos ditën e enjte që do t’ju dhurojë energji për të shijuar sa më shumë të tashmen. Të dielën personat pranë jush dhe partneri do të jenë më të hapur ndaj dialogut. Përshtatuni rrethanave.
Bricjapi
Plutoni është planeti që ju ndez dhe ju elektrizon. Duhet ta pranoni se ky është momenti më i përshtatshëm për ju për të qenë ëndërrimtarë dhe plot ide. E ardhmja e afërt premton të jetë e veçantë. Falë ndikimit pozitiv të Jupiterit dhe Plutonit do të arrini rezultate të rëndësishme në aspektin profesional. Të enjten përpiquni të kuptoni nëse do të mund të koordinoni jetën sentimentale me atë profesionale. Në fundjavë, falë bashkëveprimit të Venusit e Saturnit, përpiquni që të mos mendoni për një moment për ëndrrat dhe ambiciet tuaja.
Ujori
Gjatë kësaj periudhe, falë ndikimit të Venusit, do të ndieni një lloj varësie nga të tjerët dhe mendimi i personave që i keni për zemër do të jetë mjaft i rëndësishëm për ju. Për këtë arsye, gjatë ditëve në vazhdim, të lindurit e shenjës së Ujorit do të kenë nevojë të dëgjojnë mendimin e të tjerëve në mënyrë që ta kenë ndërgjegjen të qetë. Kjo do të ndikojë dhe në sjelljen tuaj në publik, por, si të gjitha gjërat e tepruara, në fund s’ka për t’ju pëlqyer. Për rrjedhojë, mund të mos jeni në formë as ditën e diel, ndërkohë që partneri do të ndiejë dëshirën për të biseduar me ju.
Peshqit
Do të vazhdoni t’i përshtateni të tashmes në mënyrë që ta shijoni sa më shumë në çdo moment. Marsi dhe Venusi do të jenë të pranishëm në shenjën tuaj, duke ndikuar që të plotësoni angazhimet e marra. Do të jetë ky momenti i duhur për bashkëpunime dhe për të realizuar synimet tuaja. Në fundjavë do të jetë momenti i përshtatshëm për t’iu kushtuar ambicieve tuaja, edhe pse ato mund të mos jenë në përputhje me dëshirat e të tjerëve. Zgjidhja për gjithçka është dialogu.
