Dashi
Në disa momente yjet duket se duan t’ju kushtojnë një vëmendje të veçantë. Kjo do të ndodhë saktësisht në ditët në vazhdim dhe vështirë se do të mërziteni në shoqërinë e tyre. Pas ditës së hënë do të gjeni mënyrën që t’i lini dyshimet dhe t’i pranoni gjërat më lehtësisht. Dhe nëse Dielli do t’ju braktisë ditën e mërkurë, duke ju bërë që të ndiheni më pak energjikë, Mërkuri do t’ju ndihmojë që të shfrytëzoni zgjuarsinë tuaj dhe të jeni më praktikë e të logjikshëm. Të premten ndihmoni dikë që t’i marrë gjërat më lehtësisht.
Demi
Do të ndiheni mirë në ndikimin e planeteve këtë javë, sepse ky është sezoni i favorshëm për të lindurit e shenjës së Demit. Të hënën, falë bashkëveprimit të Venusit e Marsit do ta filloni javën mbarë. Më pas, të mërkurën, me kalimin e Diellit në shenjën tuaj, do të përjetoni një periudhë të mbushur me entuziazëm. Por ky është edhe momenti i përshtatshëm për të kuptuar diçka që e kishit të paqartë. Gjatë ditëve të fundit të javës bëni ç’është e mundur që të keni të qartë gjithçka që duhet të bëni. Përpiquni të shijoni në maksimum.
Binjakët
Të lindurit e kësaj shenje do të veprojnë nën ndikimin e Marsit për këtë javë duke qenë më të gjallë e aktivë. Kurse Mërkuri do të ndikojë që të veproni të nisur nga logjika dhe që të ndieni nevojën për t’u angazhuar në maksimum. Këtë fenomen do ta përjetoni sidomos të enjten dhe të premten kur këta dy planete do të bashkëveprojnë me njëri-tjetrin. Do të fillojë për ju kështu një sezon ku s’do t’ju mungojnë idetë dhe aftësia për të vepruar. Kështu nuk do të gjendeni të papërgatitur për atë që ju pret.
Gaforrja
Rrallëherë qëllon që qielli t’ju dhurojë një ekuilibër të tillë ku do të dini të bashkërendoni jetën publike me atë private dhe sidomos do të ndiheni të vlerësuar nga ata që ju vëzhgojnë, që ju qëndrojnë pranë dhe që pëlqejnë mënyrën tuaj të të vepruarit. Por, duke filluar nga dita e mërkurë do të vendosni t’i kushtoni më pak kohë gjërave praktike e do të përqendroheni te vetja, te miqtë dhe te projektet e vogla për të cilat po mendoni. Mos u mërzisni nëse Plutoni mund t’ju bëhet pengesë për të kuptuar personin tuaj të zemrës.
Luani
Jeni gati të përballoni një javë të mbushur me sfida e mundësi të mëdha? Me sa duket po, sepse në ditët në vazhdim yjet do t’ju dhurojnë entuziazmin dhe vullnetin e duhur për të qenë fitues. Të hënën dhe të martën është momenti i përshtatshëm për t’iu përkushtuar dashurisë dhe miqësisë, sepse do ta keni të lehtë të kuptoheni me të tjerët. Falë kalimit të Diellit në shenjën tuaj ju pret një periudhë e rëndësishme në aspektin profesional dhe praktik. Ndërkohë Mërkurin do ta keni aleat të shenjës tuaj, sepse do të mbrojë interesat tuaja.
Virgjëresha
Pikërisht atëherë kur dukej se yjet kishin bërë paqe me gjithçka, Mërkuri nuk ju ndihmon më duke bërë që të jeni dyshues e të heshtur. Duket se ju mungon besimi në vetvete dhe në të tashmen, prandaj do të vendosni të bëni një pauzë pavarësisht energjisë dhe entuziazmit që ju dhuron Dielli, që për momentin është mik i të lindurve të kësaj shenje. Nuk do t’ju mungojnë idetë ditën e enjte, kur diçka do të tërheqë vëmendjen tuaj. Më pas do të fillojë një periudhë qetësie, por gjatë të cilës do të merreni dhe me angazhime të ndryshme.
Peshorja
Ju e adhuroni përsosurinë, simetrinë dhe gjithçka që funksionon, që shpreh një kuptim e forcë. Nuk ka sesi të mos ju pëlqejnë ditët e para të javës që vjen, sepse do të ndiheni në ekuilibër, do të keni mbarëvajtje të mirë me gjithçka dhe do t’i shfrytëzoni energjitë më të mira për diçka në të cilën besoni dhe që ju bind. Bëni kujdes vetëm prej ideve tepër gjeniale. Përpiquni të bëheni më shumë përzgjedhës edhe për sa i takon asaj që duhet të thoni. Të premten mund të hasni pengesa në raport me një partner tepër të zjarrtë.
Akrepi
Ndryshon pozicioni i yjeve dhe bashkë me to edhe sfidat e shumta të momentit dhe energjia që ju karakterizon. Dita e hënë do të fillojë në mënyrë të lehtë dhe spontane falë bashkëveprimit mes Marsit dhe Venusit, që do t’ju garantojë raport më të mirë me të tjerët. Të mërkurën Dielli do të largohet nga shenja juaj duke bërë që t’ju bjerë disi gjallëria, që më pas do ta fitoni falë ndikimit të Mërkurit. Kështu, do t’ju lindë dëshira për t’u marrë me gjërat praktike, materiale dhe ekonomike. Të premten, nën ndikimin e Marsit do të rifitoni forcën dhe kurajën.
Shigjetari
Përpiquni ta bindni veten se kjo do të jetë një javë që do t’i kushtoheni ndjenjave dhe dobësive të zemrës. Bëjeni këtë duke filluar që nga dita e hënë, kur Dielli do të ndikojë për t’jua bërë më të lehtë fillimin e javës. Më pas, duke filluar nga dita e enjte, Mërkuri do t’ju bëjë të ndiheni të shpërblyer edhe përsa i përket dashurisë. Të premten, Marsi do të largohet nga shenja juaj, duke bërë që të ndiheni më pak energjikë, më të stresuar e të acaruar. Gjithashtu do të ndieni dëshirën për të sfiduar dhe për të ndier pasionin që ju mungonte prej kohësh.
Bricjapi
Gjatë ditëve në vazhdim yjet do të kujdesen për ju nga larg, por me gjithë distancën kozmike ju do t’i shijoni ato. Të hënën do të ndiheni të ekuilibruar për sa i takon jetës private po ashtu dhe aspektit profesional. Çdo gjë do ta bëni me pasion. Më pas, kalimi i Diellit në shenjën tuaj ditën e mërkurë do t’i bëjë të lindurit e shenjës së Bricjapit më të gjallë dhe më pak indiferentë e formalë se zakonisht. Të premten punët nuk do të shkojnë dhe aq mirë në aspektin praktik dhe profesional.
Ujori
Ndonjëherë yjet ndikojnë që të na bëjnë të ndihemi më të qetë dhe mund t’u besojmë atyre. Kjo do të ndodhë sidomos gjatë ditëve të para të javës, ku përveç raporteve me të tjerët, të lindurit e shenjës së Ujorit do të merren edhe me zgjidhjen e problemeve të së tashmes. Kurse të premten do të përjetoni në mënyrë më intensive emocionet . Marsi do t’ju ndihmojë shumë në aspektin profesional dhe për gjërat praktike me të cilat do të merreni në fundjavë. Ditët e fundit të javës do t’i kaloni në qetësi.
Peshqit
Ndoshta nuk jeni ju protagonistët e vërtetë në ditët në vazhdim, por mbase është më mirë kështu, sepse kjo do të thotë se yjet do t’ju lejojnë të veproni në liri. Do të vendosni ju se kur do t’i merrni në konsideratë idetë e ndryshme që do t’ju vijnë si pasojë e ndikimit të yjeve. Java do të fillojë mbarë ditën e hënë dhe do të ndiheni entuziastë për gjërat që bëni. Të mërkurën do të jetë dita e përshtatshme për të përballuar sfidat në raportet tuaja, sepse falë ndikimit të Diellit do të ndiheni më mirë. Mundohuni që në fundjavë të mos sforcoheni shumë.
