Dashi
Do të shfaqni shenja padurimi gjatë kësaj jave, sidomos të martën, si pasojë e ndikimit të Uranit, sepse ndjeni nevojën për të përmirësuar situatën. Më pas, duke filluar nga dita e enjte, me zhvendosjen e Marsit, ditë të bukura do të vijnë për shenjën tuaj. Mjafton të tregoheni pak të duruar. Të dielën, falë ndikimit të Hënës së re, do të mund të ktheni faqe vërtet dhe të shkëputeni prej një të shkuare që s’ju ka bindur kurrë plotësisht.
Demi
Si mund të kalohet brenda pak orësh nga një gjendje kaotike në një atmosferë optimizmi? Pyesni veten për këtë, sepse pas ditës së hënë do të dini t’i merrni gjërat më me qetësi dhe do t’ju ngjallen shpresa të reja. Por bëni kujdes, sepse falë ndikimit të Marsit të lindurit e shenjës së Demit rekomandohen të mos harxhojnë shumë energji dhe të mos bëjnë premtime boshe. Me pak fjalë, mos shpresoni për gjëra të pamundura. Në fundjavë partneri do të veprojë në mënyrë të pavarur.
Binjakët
Pas ditës së hënë kur keni mësuar të dalloni gjërat e realizueshme nga ato që janë thjesht iluzione, të martën do të përjetoni një ditë të këndshme në praninë e personit të zemrës. Më pas, të mërkurën do të ndryshoni sjellje, sepse do të jeni të përqendruar te detyrimet dhe çështjet e momentit. Më pas, falë afrimit të planetit Mars me Mërkurin, ju do të ndiheni më energjikë dhe më të pasionuar. Në fundjavë do të shkëputeni nga gjërat e lodhshme.
Gaforrja
Gjatë fillimit të javës do të ndieni pak tension. Më pas, Marsi do të largohet nga shenja juaj, duke bërë që ritmet të ngadalësohen. Për pasojë dhe presioni do të jetë më i paktë dhe nuk do të ndieni lodhje. Kjo sepse gjithçka do t’ju duket më e thjeshtë. Të shtunën Dielli do të largohet nga shenja juaj dhe do të mund t’i merrni gjërat me qetësi. E diela mund të jetë dita e përshtatshme për t’u marrë me veprimtari praktike.
Luani
Java do të fillojë e qetë dhe deri diku do të duket e parëndësishme, por bëhet fjalë vetëm për dukjen. Më pas, duke filluar nga dita e enjte, situata do të ndryshojë. Të enjten, Marsi do të kalojë në shenjën tuaj, duke bërë që t’ju ndizen pasione që mbase i kishit harruar. Pastaj, pas një të premteje të paparashikueshme, Dielli do të kalojë në shenjën tuaj, duke shënuar fillimin e sezonit. Të dielën Hëna do të kalojë në shenjën tuaj dhe ju do të mund të ndërmerrni iniciativa të ndryshme.
Virgjëresha
Java do të fillojë me mbarësi, do të përjetoni situata të këndshme dhe gjithçka do të shkojë siç ju pëlqen ju. Të mërkurën, falë pozicionimit të Saturnit dhe të Mërkurit, të lindurit e shenjës së Virgjëreshës do të përjetojnë një moment pozitiv. Ata nuk do të harrojnë gjithashtu t’u përkushtohen gjërave të bukura dhe argëtuese. E diela do të jetë dita e përshtatshme për të lënë mënjanë një çështje që mund t’ju dëmtojë disi.
Peshorja
Gjatë këtyre ditëve situata juaj do të përmirësohet ndjeshëm. Do ta keni më të qartë këtë gjë ditën e martë, kur ju të lindurit e shenjës së Peshores do të mund të shihni të ardhmen me optimizëm dhe do të reagoni me humor përballë njerëzve me karakter të vështirë. Të enjten do t’ju duken më të lehta çështjet që kanë të bëjnë me aspektin profesional. Do të keni ndjesinë se keni arritur aty ku duhet dhe mund të shijoni frytet e një angazhimi të gjatë.
Akrepi
Pas një jave të qetë si ajo që sapo lamë pas, të lindurit e shenjës së Akrepit do të presin me padurim risitë që do t’ju servirë qielli. Urani do të ndikojë që të jeni disi të paduruar ditën e martë, por ju këshillohet të bëni durim. Do t’ju duhet të shfaqni aftësitë tuaja në aspektin profesional dhe në veprimtaritë e ndryshme praktike. Kështu, do të jeni të detyruar të përqendroheni te puna dhe ndoshta do t’ju duhet të merrni vendime të rëndësishme.
Shigjetari
Merrni gjithë kohën e nevojshme që duhet për të kuptuar si të silleni, që të gjeni fjalët e duhura për t’u shprehur në publik. Do të keni të bëni shpesh me njerëz kërkues, por që dinë dhe t’i pranojnë kufizimet që në këto momente duket se ju ngadalësojnë. Falë bashkëveprimit të Marsit dhe Diellit do të ndiheni më të fortë, më të vendosur dhe do t’ju duken argëtuese dhe gjërat më të parëndësishme. Të dielën, falë ndikimit të Hënës së re, do të përjetoni diçka të veçantë. Për ata që janë prindër, fundjava do të jetë e rëndësishme në raportin me fëmijët.
Bricjapi
Duhet të tregoheni të duruar edhe për disa ditë. Të paktën sa të zhvendosen nga shenja juaj Dielli dhe Marsi, në mënyrë që të mos krijojnë më probleme. Përpiquni t’i përjetoni me qetësi ditët në vazhdim. Duke filluar nga e enjtja, sjellja juaj do të jetë më e mirë. Në fundjavë, bashkëjetesa me të tjerët nuk do t’ju rëndojë më, përkundrazi do t’ju duket e këndshme. Do të tregoheni altruistë dhe do të dini të kujdeseni për gjërat e dikujt që ju e keni për zemër.
Ujori
Së shpejti gjendja do të bëhet serioze. Java do të fillojë në dukje e qetë, aq sa andej nga e mërkura do të mendoni për një periudhë pushimi, për diçka të këndshme. Por bëni kujdes, sepse më pas, duke filluar nga dita e enjte do t’ju duhet të tregoheni mjaft energjikë, sidomos në raport me të tjerët dhe veçanërisht për sa i takon lidhjes në çift. Falë ndikimit të Marsit do të përballeni me situata gjatë të cilave do ta keni të vështirë të ruani kontrollin. Të dielën do të përballeni me ndryshime dhe risi të cilave s’do të mund t’u thoni gjithmonë “jo”.
Peshqit
Gjatë ditëve të para të javës, të lindurve të shenjës së Peshqve do t’ju duhet të koordinojnë emocionet, qëllimet dhe dyshimet që ndiejnë. Ditën e mërkurë disave prej jush do t’ju duhet të vëzhgojnë situatën përreth vetes në mënyrë që të mos gjendeni të papërgatitur. Të enjten Dielli dhe Marsi do të largohen nga shenja juaj, duke ju detyruar kështu të ulni ritmet. Fundjava është momenti më i përshtatshëm për t’u kujdesur për fizikun tuaj, në mënyrë që të ndiheni më mirë.
