Dashi
Ka raste kur është e nevojshme të përballemi drejtpërsëdrejti me personat që kemi pranë dhe ky është momenti i përshtatshëm për ta bërë këtë. Hëna dhe Marsi do të largohen nga shenja juaj, prandaj do t’ju duhet të ndërgjegjësoheni për një raport dhe për situatën në të cilën ndodheni. Do ta keni të lehtë të nisni biseda me të afërmit gjatë kësaj jave dhe do të jeni më të ndjeshëm ndaj atyre që ju rrethojnë.
Demi
Ngjarjet e rëndësishme duhen përjetuar me qetësinë e nevojshme. Ju të lindurit e shenjës së Demit pëlqeni t’i bëni punët me radhë dhe yjet do t’jua favorizojnë këtë gjatë kësaj jave. Jupiteri do të largohet nga shenja juaj, por gjithçka do të ndodhë pa zhurmë. Situata mund të ndërlikohet paksa vetëm prej ndikimit të Mërkurit, prandaj bëni kujdes me mënyrën si shpreheni. Ju në këto momente keni nevojë për qetësi.
Binjakët
Ju pëlqeni veprimin, zhurmat, dhe qetësia e qiellit në këtë periudhë nuk ju ndihmon aspak. Megjithatë, yjet do të ndikojnë për mirë në shenjën tuaj gjatë kësaj jave. Të hënën, do të dini të përballoni me optimizëm edhe situatat disi më stresuese. Të mërkurën, afrimi mes Jupiterit e Mërkurit do t’ju ndihmojë të përjetoni ndjesi pozitive në aspektin e ndjenjave. Të dielën Marsi do të kalojë në shenjën tuaj dhe argëtimi do të jetë i sigurt.
Gaforrja
A do të mundeni që të dilni disi nga natyra juaj dhe të jeni më të shkujdesur? Patjetër që po. Është më mirë kështu, sepse gjatë ditëve në vazhdim, falë ndikimit të Jupiterit e Mërkurit, do të dalë në pah cilësia juaj më e këndshme, që të argëtoheni pa e vrarë shumë mendjen. Do të ishte për të ardhur keq po të hiqnit dorë për shkak të ndikimit të Hënës së re, që ju bën ta ktheni vëmendjen drejt çështjeve familjare. Do t’ju duhet të zgjidhni mes lirisë tuaj dhe problemeve të familjes. Provoni të ndiheni paksa të lirë.
Luani
Fillimi i mbarë është gjysma e punës. Ky proverb i përshtatet më së miri gjatë kësaj jave të lindurve të shenjës së Luanit. Dielli dhe Saturni do të ndikojnë pozitivisht duke i ndihmuar ata në gjithçka: në angazhime, në raportet personale, në detyrimet dhe kënaqësitë. Gjithashtu, falë ndikimit të Jupiterit dhe të Mërkurit do të jenë në gjendje të përballojnë me lehtësi dhe kurajë çdo problem të vogël. Të enjten mos u përpiqeni të ndryshoni sjellje të shtyrë prej një personi këmbëngulës.
Virgjëresha
Marsi do të largohet nga shenja juaj gjatë kësaj jave, por nuk do t’ia ndieni shumë mungesën për shkak se ju bënte të përjetonit lodhje, tension dhe një nevojë për të qenë të angazhuar gjatë gjithë kohës. Dhe ndërsa ju shijoni qetësinë e gjetur rishtazi, Mërkuri aty nga mesi i javës do të kalojë në shenjën tuaj dhe do t’ju ndihmojë ta përjetoni dashurinë dhe çdolloj raporti tjetër në maksimum. Ju të lindurit e kësaj shenje shpeshherë brishtësinë tuaj e kamufloni duke vepruar në mënyrë logjike.
Peshorja
Ky vazhdon të jetë një sezon i favorshëm për të lidhurit e shenjës së Peshores. Nëse të hënën do të dini të bashkërendoni kënaqësinë me përgjegjësinë, gjë që ka për t’ju pëlqyer së tepërmi, të martën Mërkuri, që ju nxiste në analiza të hollësishme, do të largohet nga shenja juaj. Të enjten Hëna do të kalojë në shenjën tuaj dhe do të ndikojë që të merrni iniciativa pa u nxituar. Këshillohet të bëni kujdes ditën e diel, kur Marsi do të hyjë në shenjën tuaj dhe do t’ju duhet të merrni vendime të nxituara.
Akrepi
Pas kalimit të Jupiterit në shenjën e Akrepit, ju të lindurve të kësaj shenje do t’ju jepen mundësi të shumta dhe do të jeni të favorizuar prej këtij planeti. Duke filluar nga dita e martë, Mërkuri do të hyjë në këtë shenjë, duke ju ndihmuar të tregoheni më të logjikshëm, të vëmendshëm dhe të gjeni forcën e nevojshme për të kuptuar mesazhet e tij. Bëni kujdes ditën e enjte, sepse falë ndikimit të Hënës mund të merrni një iniciativë që mund të mos ju sjellë shumë fat.
Shigjetari
Ndonjëherë jemi vetë ne që duke u treguar optimistë bëjmë që edhe gjërat më pak të mundura të realizohen. Të hënën do të dini t’u dilni mjaft mirë për zot detyrimeve tuaja. Për këtë shumë shpejt do të ndiheni të shpërblyer. Të enjten bashkëveprimi i Jupiterit e Mërkurit do të ndikojë që të keni fat në aspektin e ndjenjave dhe në atë profesional. Në fundjavë, pas largimit të Marsit nga kjo shenjë, do të ndiheni më në fund të lirë nga frikërat dhe ndjenjat e fajit.
Bricjapi
Gjatë kësaj periudhe Dielli me ndikimin e tij mund të bëjë që të ndiheni pesimistë dhe të pakënaqur. Kësisoj do të doni të bëni diçka ndryshe dhe të merreni me gjëra interesante. Do të përballeni me këtë realitet gjatë fillimit të javës, por më pas do të bindeni që jo gjithçka është e gabuar. Të enjten Hëna e re do të ndriçojë në shenjën tuaj, duke përmirësuar raportet tuaja. Në fundjavë, falë ndikimit të Marsit, do të ndieni nevojën që të gjeni zgjidhje urgjente.
Ujori
Bëni durim nëse gjatë kësaj jave do të ndiheni disi të rënduar dhe pesimistë falë ndikimit të Jupiterit dhe Mërkurit, sepse planetët e tjerë do ta zbutin këtë ndikim, duke jua ngritur humorin. Të hënën Dielli dhe Saturni do të ndikojnë pozitivisht në aspektin e ndjenjave. Edhe Hëna e re e ditës së enjte do të ndikojë pozitivisht në shenjën tuaj. Dhe në fund, por jo për nga rëndësia, kalimi i Marsit në shenjën tuaj do të ndikojë të keni sukses në aspektin profesional.
Peshqit
Kjo do të jetë një javë e shkëlqyer për të lindurit e shenjës së Peshqve. Zhvendosja e planetëve do të bëjë që ju të lindurit e kësaj shenje të ndiheni mjaft mirë dhe më optimistë se zakonisht. Mërkuri do të ndikojë pozitivisht në aspektin e ndjenjave. Dashuria do të jetë në kulmin e saj gjatë kësaj jave dhe do të përjetoni emocione mjaft pozitive. Në fundjavë Marsi do të ndikojë pozitivisht në raportet sentimentale që në fillim të muajit po i përjetonit me njëfarë ngërçi.
