Dashi
Ju njeri njerëz impulsivë dhe kur e ndani mendjen për diçka është e vështirë t’ju ndalësh. Gjatë kësaj jave, megjithatë, do të bëni mirë të dëgjoni instinktin tuaj, sepse mund të ndodheni përpara një të papriture, kjo falë dhe Mërkurit në shenjë. Ditët më me fat për këtë javë do të jenë e mërkura, e enjtja dhe e premtja. Bëni kujdes të shtunën dhe të dielën, sepse mund të lindin tensione në çift.
Demi
Java do të jetë e mbarë si në aspektin sentimental edhe në atë profesional. Venusi në shenjën tuaj do t’ju dhurojë emocione dhe do t’ju favorizojë që të keni takime të rëndësishme. Tashmë jeni gati që të nisni një lidhje të gjatë ku nuk do të mungojë pasioni. E hëna dhe e marta do të jenë ditë me shumë fat, falë Hënës në shenjën tuaj. Fundjava do të jetë pa dyshim romantike.
Binjakët
Kjo do të jetë një javë me fat për të lindurit e shenjës së binjakëve. Mërkuri dhe Hëna do të ndikojnë pozitivisht, sidomos ditën e mërkurë, të enjten dhe të premten. Mos kini frikë të guxoni. Në këtë periudhë ndiheni shumë të fortë e joshës dhe mund të korrni suksese si në aspektin sentimental edhe në atë profesional. Fundjava do të jetë e qetë dhe nuk do të mungojnë takimet interesante.
Gaforrja
Kjo do të jetë një javë e favorshme për të lindurit e shenjës së Gaforres në aspektin sentimental. Falë Venusit në shenjë do të mund të sqaroni çdolloj çështjeje të mbetur pezull. Për fat të keq, në aspektin profesional gjërat nuk po ecin dhe aq mirë dhe kjo situatë do të vazhdojë dhe për disa javë. Fundjava do të jetë e mbarë dhe do të mund t’i hidhni pas krahëve problemet.
Luani
Kjo nuk do të jetë një javë jo fort e mbarë për të lindurit e shenjës së Luanit në aspektin sentimental, sepse Venusi do të largohet nga shenja juaj. Bëni kujdes që të mos nervozoheni së tepërmi, sidomos ditën e hënë dhe të martë, atëherë kur do ta keni më të vështirë të merreni vesh me të tjerët. Për sa i takon aspektit profesional do të vlerësoheni sipas meritave dhe do të jeni të favorizuar prej Mërkurit.
Virgjëresha
Tendenca juaj për të reflektuar për çdo gjë, mund t’ju pengojë që të shijoni qetësinë e këtyre ditëve. Yjet dhe Venusi në shenjë ju premtojnë lumturi dhe pasion. Ky është momenti i përshtatshëm për të shijuar gjithçka pa u bërë paranojakë. Bëni kujdes të mos nervozoheni të mërkurën, të enjten dhe të premten. Situata do të përmirësohet në fundjavë me Hënën në shenjën tuaj.
Peshorja
Kjo do të jetë një javë më e qetë për të lindurit e shenjës së Peshores. Megjithatë, ndikimi negativ i Mërkurit vazhdon t’ju trazojë dhe herë pas here do t’ju brejë dyshimi. Do të keni disa vështirësi në aspektin profesional dhe për sa i takon marrëdhënieve me të tjerët. Vazhdoni me këmbëngulje në rrugën tuaj dhe shumë shpejt do të ndiheni të shpërblyer. Situata parashikohet pozitive në aspektin sentimental dhe do të përjetoni emocione të bukura, sidomos gjatë mesit të javës.
Akrepi
Edhe për këtë javë Venusi do të ndikojë negativisht në shenjën e Akrepit. Planeti i dashurisë do t’ju nxjerrë pengesa në aspektin sentimental. Do të keni përshtypjen se ju dhe partneri flisni dy gjuhë të ndryshme. Do të ndiheni veçanërisht nervozë ditën e hënë dhe të martë, kur edhe Hëna do të largohet nga shenja juaj. Përfitoni nga qetësia e fundjavës për t’u çlodhur së bashku me partnerin.
Shigjetari
Mërkuri do të ndikojë pozitivisht në shenjën e Shigjetarit gjatë kësaj jave, duke ju dhuruar takime dhe surpriza të bukura. Bëni kujdes, megjithatë, të mos nervozoheni gjatë ditëve të mërkurë, të enjte dhe të premte, periudhë gjatë së cilës Hëna do të largohet nga shenja juaj dhe qëndroni larg njerëzve që ju shterojnë energjitë. Fundjava do të jetë e qetë.
Bricjapi
Tashmë periudha më e vështirë kaloi, sidomos për sa i takon aspektit sentimental. Venusi në shenjën tuaj do të bëjë që më në fund t’ju kthehet buzëqeshja dhe të jeni në shoqërinë e personit që ju kupton më mirë. Fundjava do të jetë disi e trazuar, për shkak të largimit të Hënës. Këshillohet që t’u shmangeni debateve, sidomos atyre që kanë lidhje me punën, edhe pse kjo nuk është e lehtë për të lindurit e kësaj shenje.
Ujori
Kjo nuk do të jetë një javë e lehtë në aspektin sentimental për të lindurit e shenjës së Ujorit. Nuk do të jeni të kënaqur nga marrëdhënia me partnerin dhe do të ndjeni nevojën që të rrini vetëm, sidomos gjatë ditëve kur tensioni do të jetë më i madh, të hënën dhe të martën. Situata do të përmirësohet aty nga mesi i javës, kur Hëna do të jetë në shenjën tuaj. Priten të reja pozitive në aspektin profesional.
Peshqit
Këtë herë mund të themi me plot gojën: “Rroftë dashuria!” Për natyrat sentimentale, siç janë të lindurit e shenjës së Peshqve, është shumë e rëndësishme që ta kenë Venusin në shenjë. Më në fund do të ndjeni se ju dashurojnë ashtu siç e meritoni. Mos u druani nëse do të lindë ndonjë konflikt aty nga mesi i javës, sepse janë thjesht tensione kalimtare. Edhe fundjava parashikohet të jetë e mbarë.
