Dashi
Mërkuri do të largohet nga shenja juaj ditën e martë dhe për rrjedhojë ju do t’i përkushtoheni më shumë dashurisë e do të ndiheni më ëndërrimtarë. Venusi do të kalojë në shenjën tuaj duke ndikuar drejtpërsëdrejti në dashurinë dhe raportet tuaja. Të premten do të jeni në gjendje të zgjidhni në mënyrë brilante një problem apo një çështje që ju kishte mbetur pezull, edhe atëherë kur të tjerët nuk do të dinë të shfaqin optimizëm dhe besim. Të dielën, kalimi i Diellit në shenjën e Binjakëve do të favorizojë të lindurit nën shenjën e Dashit.
Demi
Edhe për pak kohë ky do të jetë sezoni i favorshëm për të lindurit nën shenjën e Demit. Planetët ndikojnë duke luajtur me fatin e tyre. Të martën, Mërkuri do t’i ndihmojë të lindurit e kësaj shenje të kenë një raport më të mirë me paratë dhe për t’u treguar mendjehapur për sa i takon të tashmes. Të premten do të mbani qëndrim pesimist, kurse të shtunën Dielli do të largohet nga shenja juaj dhe për pasojë do të ndiheni më pak energjikë.
Binjakët
Si po e prisni fillimin e këtij sezoni? Bëjani shpesh këtë pyetje vetes nëse doni ta kuptoni më mirë realitetin që ju rrethon. Marsi ndikon negativisht në shenjën tuaj, kurse duke filluar nga dita e mërkurë planeti Mërkur do të largohet nga kjo shenjë, duke ju dhënë mundësinë që t’u përkushtoheni gjërave të rëndësishme. Të premten provoni t’i shikoni me sy tjetër çështjet në çift, sepse Urani do t’ju ndihmojë që të bëni figurë të mirë në sytë e personit tuaj të zemrës. Nuk do t’ju mungojnë të shtunën energjia dhe entuziazmi.
Gaforrja
Në fillim të javës tjetër do të ndiheni mjaft emotivë, sepse Hëna do të ndikojë në raportet tuaja, duke ju detyruar të përballeni shpesh me gjithçka dhe me këdo. Duke filluar që nga dita e martë, falë ndikimit të Mërkurit do të vini rregull në mendimet tuaja dhe do të ndiheni më ëndërrimtarë dhe plot shpresa. Dhe nëse të premten, personi juaj i zemrës do të jetë disi i paqëndrueshëm, ju do ta keni paksa të vështirë të ruani qetësinë. Është më mirë që për pak kohë të shkëputeni nga gjithçka.
Luani
Pavarësisht angazhimit tuaj në maksimum në aspektin profesional gjatë javëve të fundit, pozicionimi i Mërkurit mund të ndikojë që rezultatet të mos jenë të kënaqshme. Kjo është për të ardhur keq, por megjithatë nuk jeni ju fajtorë për këtë. Duke qenë se gjatë kësaj periudhe nuk do të ndiheni të shpërblyer nga fati, do të vendosni t’i ulni ritmet në punë dhe t’u kushtoni më shumë gjithçkaje që i përket sferës private. Bëni durim nëse dikush zhgënjehet dhe nuk e pret shumë mirë këtë, sepse ky është vendimi juaj.
Virgjëresha
Më në fund Mërkuri po ndikon pozitivisht në shenjën tuaj dhe ju po ndiheni më të fortë se zakonisht. Do ta filloni në humor këtë javë nën ndikimin pozitiv të yjeve. Kurse dita e premte do të jetë disi më e ndërlikuar, atëherë kur jo të gjithë do të dinë t’ju ndihmojnë t’i kuptoni më mirë gjërat që në fakt nuk i keni përvetësuar ende. Dielli do të kalojë në shenjën tuaj duke ju ndihmuar në këtë mënyrë të përqendroheni në çështjet praktike dhe të shikoni drejt së ardhmes.
Peshorja
Keni ndier shpesh nevojën të përqendroheni te të tjerët, por pa i pasur idetë tepër të qarta, pa e kuptuar nëse kjo që po bënit ju interesonte ose jo. Duke filluar nga dita e martë, planeti Mërkur nuk do të ndikojë më për t’jua vështirësuar dialogun me të tjerët dhe do të duket se po flisni një gjuhë të kuptueshme. Por pavarësisht gjithë kësaj qartësie, të premten do t’ju duhet të përballeni me kundërshtitë që do të hasni si pasojë e ndikimit të Jupiterit, i cili nuk ju ndihmon të keni besim te vetja dhe tek e ardhmja. Të shtunën Dielli do të sjellë entuziazëm në shenjën tuaj.
Akrepi
Do të jenë yjet ata që do të vendosin për fatin tuaj dhe për hapat që do të hidhni më tej. Mërkuri do të largohet nga shenja juaj ditën e martë, pikërisht atëherë kur nuk do të jeni në gjendje t’i kuptoni të tjerët dhe nuk do të rrini duke analizuar gjithçka. Por pavarësisht gjithçkaje, Dielli do t’ju ndihmojë të besoni në dimensionin e së ardhmes dhe në mundësitë që do t’ju ofrohen dhe kjo nuk është pak. Bëni kujdes ditën e premte, sepse mënyra juaj e të vepruarit mund të mos pranohet nga të tjerët.
Shigjetari
Gjatë kësaj jave nuk pritet të ndodhin zhvillime të mëdha. Ndërkohë, teksa prisni që yjet t’ju sjellin diçka interesante, do ta gjeni shpesh veten duke u shfaqur të paduruar dhe jotolerantë ndaj ndikimit të Saturnit, sidomos gjatë pjesës së dytë të javës. Kushtojini vëmendje formës tuaj fizike. Ndërsa të shtunën ju këshillohet të bëni kujdes për sa u përket udhëtimeve dhe fushës së studimeve.
Bricjapi
Duke filluar që nga dita e martë, planeti Mërkur do të ndikojë pozitivisht në shenjën tuaj duke ju kthyer buzëqeshjen dhe duke jua bërë më të lehta sfidat e të tashmes. Do të keni ide brilante dhe do të ndiheni në humor të mirë, por më pas të premten do të mendoni për pakënaqësitë që keni dhe do të ndieni një tension të brendshëm. Prandaj në fundjavë është i këshillueshëm pushimi.
Ujori
Gjatë kësaj jave do ta keni të vështirë të gjeni diçka që t’ju pëlqejë vërtet. Është e vërtetë se ju nuk jeni njerëz që kënaqeni lehtë dhe yjet e kësaj jave nuk do të jenë shumë të mbara për ju. Falë ndikimit të Mërkurit do ta keni të vështirë të bashkëveproni me personat pranë jush. Kurse Jupiteri ditën e premte do të ndikojë që ta humbisni dëshirën për të ndjekur një ëndërr, për të zbatuar një projekt apo për të kënaqur ambiciet. Dielli ditën e diel do të ndikojë pozitivisht në aspektin e ndjenjave. Në çift parashikohen marrëdhënie të mira.
Peshqit
Gjatë kësaj jave, planeti Mërkur do t’ju ndihmojë në aspektin sentimental. Duke filluar nga dita e martë, planeti i lidhjeve do t’ju ndihmojë të bashkëveproni më mirë me të gjithë. Por kjo nuk do t’ju mjaftojë, sepse të premte mund të mos ndiheni në humor dhe do të jeni kritikë ndaj vetes. Duke filluar nga dita e shtunë, Dielli do të ndihmojë që të ndieni një energji të re brenda jush dhe një forcë mendore që do t’ju bëjë t’ju duket gjithçka më e lehtë.
