or
Dashi
Falë pranisë së Marsit në shenjën tuaj, edhe për këtë javë do të jeni të vendosur, do të punoni me pasion dhe ndoshta do të tregoheni dhe pak të ashpër. Shpesh do ta gjeni veten në shoqërinë e njerëzve optimistë që besojnë në gjërat e bukura të së tashmes. Do të jeni të hapur ndaj dialogut dhe më pak të prirur për të treguar forcën. Bëni kujdes në fundjavë kur si pasojë e një ndryshimi mund të mos reagoni dhe aq mirë.
Demi
Venusi, Jupiteri dhe Dielli nuk do të jenë në shenjën tuaj gjatë kësaj jave. Do t’ju duhet t’i merrni gjërat me optimizëm, ndoshta edhe për t’i bërë qejfin dikujt që po kalon një fazë delikate në jetën e vet. Do të veproni me altruizëm dhe do të tregoni mirëkuptim, duke mos u kushtuar vëmendje gjërave që nuk ju pëlqejnë dhe aq shumë. Do të jeni ju iniciatori kryesor për të bërë ndryshime në çift. Të dielën mos u përfshini në situata që ju bëjnë të jeni dyshues.
Binjakët
Dihet që të lindurit e kësaj shenje nuk ndihen shumë rehat në një botë magjike të mbushur me optimizëm. Mendja juaj tepër aktive arrin të depërtojë në thellësi të situatave në dukje të bukura. Kjo ndjesi do t’ju shoqërojë të paktën deri të enjten, kur s’do të mungojnë rastet për t’u argëtuar. Por ju sërish do të shfaqni mosbesim. Të premten, falë pranisë së Marsit në shenjën tuaj, do të keni forcën e nevojshme për të thënë “jo” për gjërat që i konsideroni sipërfaqësore. Koha do ta tregojë që keni të drejtë.
Gaforrja
Si mund të kaloni një javë sa më të qetë? Thjesht mos mendoni shumë për punën dhe detyrimet që keni. Marsi nuk do të ndikojë për mirë në shenjën tuaj këtë javë, duke ju bërë të ndiheni të stresuar dhe në faj se nuk po bëni mjaftueshëm, si dhe do të keni ndjesinë se jeni në vendin e gabuar. Por falë ndikimit pozitiv të planetëve të tjerë do t’ju kthehet buzëqeshja. Në fundjavë do t’i keni idetë të qarta dhe do të merrni iniciativën për të konkretizuar mendimet tuaja.
Luani
Në këtë periudhë të vështirë për shenjën tuaj ju do të zgjidhni të reagoni me humor. Mërkuri është planeti që do t’ju favorizojë për këtë javë. Edhe pse gjendja mund të jetë e vështirë, ju do ta merrni me lehtësi çdo gjë. Falë këtij qëndrimi optimist do të keni energjinë e nevojshme për të përballuar problemet e javës. Kurse të shtunën, Hëna e re në shenjën tuaj do të ndikojë që situata të ndryshojë për mirë.
Virgjëresha
Java do të fillojë disi kaotike dhe ju nuk do të jeni shumë objektivë dhe të kthjellët. Megjithatë të tjerët do t’i vlerësojnë përpjekjet tuaja, idetë që do të jepni dhe iniciativat që do të merrni. Vetëm ju do të jeni të pakënaqur e do të mbani qëndrim kritik. Megjithatë kjo s’do të zgjatë shumë dhe ju do të tregoheni të vendosur. Në fundjavë do t’u përkushtoheni raporteve tuaja. Gjithashtu do të keni bashkëpunime të frytshme.
Peshorja
Venusi dhe Jupiteri do të kalojnë në shenjën tuaj gjatë kësaj jave. Kjo do t’ju ndihmojë që të jeni optimistë dhe të keni besim në forcat tuaja. Mos bëni punë me nxitim, sepse mund të jetë sfilitëse për ju. Falë mbështetjes së Marsit përpjekjet tuaja s’do të shkojnë dëm. Kurse prania e Neptunit në shenjën tuaj do t’ju ndihmojë që t’i merrni gjërat me qetësi. Të shtunën do të përpiqeni të përmirësoni raportet me të gjithë. Të dielën bëni mirë të ruheni prej atyre që tregohen shumë dyshues.
Akrepi
Ndonjëherë nuk arrijmë t’i dallojmë të mirat që kemi dhe ta kuptojmë realitetin tonë. Nga njëra anë keni mbështetjen e Diellit, Jupiterit dhe Venusit, që për këtë javë do të kalojnë në shenjën e akrepit duke ju dhënë energji pozitive, por nga ana tjetër është natyra juaj e ndrojtur dhe dëshira juaj për të mos rënë në sy dhe për të mos u sjellë si protagonistë. Me pak fjalë, do ta keni të vështirë ta vlerësoni mbështetjen e planetëve, por ia vlen ta provosh. Të shtunën do të merrni iniciativa të reja falë pranisë së Hënës në shenjën tuaj, kurse të dielën mundohuni të mos e humbisni durimin.
Shigjetari
Si ndiheni për faktin që Mërkuri është vendosur në shenjën tuaj? Ndoshta ju krijohet ndjesia se e keni gjithçka në kontroll, por kjo është një përshtypje e gabuar. Do t’i keni disi të paqarta idetë gjatë fillimit të kësaj jave, por në fund kjo ka për t’ju pëlqyer. Pas ditës së enjte do të rigjeni pasionin dhe do të keni energji të reja. Mos harroni se duhet të merreni dhe me gjërat që ju sjellin kënaqësi, sepse ndonjëherë mbajtja e angazhimeve mund të rezultojë e vështirë.
Bricjapi
Marsi dhe Plutoni do të krijojnë një klimë tensionesh në shenjën tuaj gjatë ditëve në vazhdim. Marsi ju shtyn që të angazhoheni në maksimum, duke bërë që ndonjëherë të lodheni më kot. Por falë mbështetjes së planetëve të tjerë ju do të keni luksin që t’i merrni gjërat me qetësi. Mundohuni që të mos lodheni shumë gjatë kësaj jave, duke ju kushtuar dhe kënaqësisë tuaj. Të shtunën pranoni propozimin e një personi të afërt për ju.
Ujori
Ky është një moment mjaft i rëndësishëm për të lindurit e kësaj shenje, sidomos në aspektin profesional. Megjithatë jeni të ndërgjegjshëm se duhet të ndërmerrni disa rreziqe. Do të vendosni që të mos merreni hë për hë me çështjet tuaja personale për t’ju kushtuar vëmendje atyre gjërave që s’mund t’i injoroni. Momenti më i përshtatshëm për të marrë vendime do të jetë në fundjavë, atëherë kur edhe ju do të ndiheni më të sigurt.
Peshqit
Do të jenë të shumtë planetët që do t’ju përkrahin gjatë kësaj jave. Ditën e hënë do të ndiheni optimistë dhe nuk do të trembeni prej kaosit që mbizotëron. Pastaj, andej nga e enjtja, të njëjtët persona që ndienin pasiguri do të marrin iniciativa. Por kjo sjellje e tyre nuk do t’ju shqetësojë, sepse do të vazhdoni të ndiheni të mbrojtur nga kozmosi. Tregohuni të vëmendshëm ditën e shtunë kur Hëna do të ndriçojë në shenjën tuaj dhe do të ndikojë që t’ju ndizen pasionet.
