Dashi
Jupiteri do të kalojë në shenjën tuaj gjatë kësaj jave dhe ju do të krijoni bindjen se do të mund t’ia dilni mbanë për gjithçka. Tregohuni sa më seriozë gjatë fillimit të javës, kurse në fundjavë mundohuni që të jeni më të lirshëm dhe t’i merrni lehtë gjërat. Falë ndikimit të Mërkurit në fundjavë do të jeni më elokuentë dhe komunikues, aq sa ndokush s’do t’u besojë syve. Në fakt, ju po kërkoni mirëkuptim dhe solidaritet nga të tjerët.
Demi
Gjatë ditëve në vazhdim, Venusi do të ndikojë fort në shenjën e Demit. Si pasojë e kësaj, në fillim të javës do të mbani një qëndrim serioz ndaj punës dhe detyrave, që është një mënyrë e shkëlqyer për të përballuar ngarkesën, kurse në fundjavë sjellja juaj do të bëhet më e shkujdesur. Mbase shkak për këtë ndryshim do të bëhet një rënie e lehtë e energjive, që do t’ju detyrojë të ulni ritmet. Të shtunën do të përballeni me njerëz që kërkojnë vëmendjen e të tjerëve.
Binjakët
Bëni durim nëse Marsi dhe Mërkuri ndikojnë në gjendjen tuaj shpirtërore, duke ju bërë të ndiheni disi të shqetësuar. Sepse nga ana tjetër falë ndikimit të Jupiterit dhe pranisë së ndonjë të njohuri do të keni besim te vetja për atë që po bëni dhe s’do t’u kushtoni shumë rëndësi frikërave që ndieni. Me pak fjalë, mos u merrni me shqetësime të kota, por kini besim se herët ose vonë do të gjendet një zgjidhje. Bëni kujdes nga tensionet e pashmangshme të së shtunës.
Gaforrja
Falë Venusit do të përjetoni emocione të shumta gjatë kësaj jave, kurse Marsi dhe Mërkuri do të ndikojnë që të ndiheni më shumë energjikë. Planeti i kuq në fakt do të ndikojë që t’jua lehtësojë bashkëpunimin me personat e afërt dhe do t’ju nxitë që t’i bëni gjërat me pasion. Për sa i përket aspektit të ndjenjave veprimet do të jenë më të rëndësishme se fjalët. Megjithatë, dikush mund të mos shfaqë shumë interes dhe entuziazëm.
Luani
Mund të jetë e këndshme të mirëprisni në të njëjtën kohë në shenjën tuaj planetët Mars dhe Mërkur, duke ju bërë të ndiheni më të fortë dhe inteligjentë. Shpesh do të viheni përballë zgjedhjes nëse duhet të reagoni me gjallëri apo me finokëri në varësi të situatës. Bëni kujdes ditën e mërkurë kur kalimi i Diellit dhe i Saturnit në shenjën tuaj mund t’jua vështirësojë bashkëpunimin me personat e afërt. Nuk do t’ju mungojnë idetë në fundjavë.
Virgjëresha
Nga njëra anë është dielli që ndikon në shenjën tuaj, duke ju bërë të ndiheni më të guximshëm se zakonisht. Kurse nga ana tjetër është Saturni, një forcë konservatore që do t’ju bindë për të kundërtën, që domethënë do t’ju bindë të mos shkëlqeni vërtet ose të mos ndiheni në lartësinë e duhur për të kryer një detyrë. Do të jenë të shumta mundësitë për të bashkëpunuar me të tjerët ditën e premte. Kurse në fundjavë, falë ndikimit të Marsit, do të ndiheni shumë pasionantë.
Peshorja
Gjatë kësaj jave do të ndiheni optimistë më shumë se zakonisht, dhe kjo për arsyen se Jupiteri do të ndikojë në shenjën tuaj duke ju bërë t’ju krijohet ideja se jeni të mbrojtur nga çdo e papritur. Të mërkurën gjendja juaj emocionale do të jetë mjaft e mirë. Të shtunën dikush do të ketë shumë dëshirë për të folur me ju dhe për t’ju përfshirë në situata dhe iniciativa që mbase nuk i keni shumë të qarta. Duke qenë se keni mbështetjen e yjeve, ju lejohet gjithçka.
Akrepi
Gjatë kësaj periudhe, do të jetë Venusi ai që do të ndikojë fuqishëm në shenjën tuaj. Ju do të tregoheni të vëmendshëm ndaj detajeve dhe do të vëreni se mund t’i besoni dikujt pranë jush. Edhe njerëzit përreth jush do të ndihen optimistë ditën e premte dhe fundjava në përgjithësi do të jetë e mbarë. Do të jeni ju sërish protagonistë të së tashmes tuaj, por vetëm të shtunën, kur nën ndikimin e Mërkurit do të tregoheni më të kujdesshëm për mënyrën si shpreheni.
Shigjetari
Yjet do t’i favorizojnë gjatë kësaj jave të lindurit në shenjën e Shigjetarit, duke i bërë ata të ndihen më optimistë dhe në humor të mirë. Falë ndikimit të Venusit do të mund t’i kushtoheni diçkaje të bukur, por pa harruar angazhimet dhe përgjegjësitë prej të cilave nuk do të shpëtoni ndonjëherë. Të premten do të ndieni energji pozitive dhe raportet tuaja do të përmirësohen shumë. Të shtunën mund të ndiheni të përfshirë nga idetë dhe iniciativat e dikujt.
Bricjapi
Ju të lindurit në shenjën e Bricjapit do të ndiheni të qetë e optimistë gjatë kësaj jave, por kjo do të zgjasë deri ditën e mërkurë. Më pas do të jeni disi më mosbesues ndaj të tjerëve. Bëni kujdes edhe ditën e enjte, kur do të ndieni rënie të energjisë dhe do të hasni vështirësi në kryerjen e punëve, por në të vërtetë nuk do të ndaleni asnjëherë. Situata do të përmirësohet në fundjavë, duke jua lehtësuar gjendjen shpirtërore.
Ujori
Herë pas here, falë ndikimit të Venusit, ju arrini t’i shfaqni hapur entuziazmin, emocionet dhe ndjenjat tuaja. Kështu do të ndiheni të lirë për të vepruar, duke e bërë më të bukur të tashmen tuaj. Të enjten mund të hasni pengesa në aspektin emocional, por çdo gjë do të rregullohet shumë shpejt dhe, duke filluar që nga dita e premte, gjithçka do të jetë sërish e mundur. Tregohuni të ndjeshëm ditën e diel dhe kushtojini vëmendje dikujt që dëshiron të flasë me ju për problemet e tij.
Peshqit
Gjatë ditëve në vazhdim do të ndiheni të tunduar që t’i lejoni vetes gjithçka. Do të përpiqeni të thoni hapur gjithçka që ju shkon nëpër mend pa u menduar, gjë që në fakt është e nevojshme ta bëni. Në vazhdën e këtij qëndrimi të shkujdesur do të veproni mjaft spontanisht, sidomos ditën e premte. Megjithatë, përpiquni që të mos e ekzagjeroni me sjelljen tuaj. Të shtunën do të përballeni me situata që kërkojnë vëmendjen tuaj. Gjatë kësaj jave nuk do të mungojnë argëtimet.
