Dashi
Do të jetë një javë e shkëlqyer, një moment gjatë të cilit do të ndjeheni mirë në shoqërinë e yjeve. Gjithçka do të fillojë të hënën kur Mërkuri do t’ju ndihmojë të kuptoni qartë cilat janë limitet tuaja dhe sa liri keni për të vepruar. Më pas, Venusi të martën dhe Mërkuri të enjten do t’ju bëjnë të ndiheni fatlumë dhe plot ide. Mbylleni bukur javën kur falë pasionit të personave që ju gjenden pranë, do të mund të ndieni një forcë të veçantë dhe entuziazëm. Kjo do të jetë stina e favorshme për të lindurit e shenjës së Dashit.
Demi
Vera bën që të mos ndihet shumë forca e yjeve duke ndodhur ajo që astrologët e quajnë “pozicioni sezonal”. Do të ndodhë që përveç Marsit që është në pozicion të kundërt me shenjën tuaj edhe Venusi, dhe Mërkuri t’jua ndërlikojnë jetën duke kërkuar prej jush më shumë vëmendje dhe kujdes. Me pak fjalë, mos e neglizhoni Venusin, i cili të martën do t’ju bëjë të ndiheni konfuzë. Mos e injoroni as Mërkurin, i cili duke filluar nga e enjtja do t’ju bëjë më pak praktikë. Qetësohuni të shtunën, një moment ky gjatë të cilit do të mund të kuptoni si të përmirësoni situatën.
Binjakët
Do të jeni ju ata që do të ndërmarrin iniciativat këtë javë dhe do të jeni protagonistët e momentit. Të hënën, për shembull, do të dini të bëni dallimin kur duhet të tregoheni entuziastë dhe kur t’i bëni gjërat e nevojshme. Të enjten, Mërkuri do të kalojë në pozicion të favorshëm në shenjën tuaj dhe do të dini të silleni në mënyrën e duhur në momentin e duhur. Por mos hiqni dorë as nga gjërat e bukura dhe mos e bëni sidomos në fundjavë kur bashkimi mes Venusit dhe Mërkurit do t’ju bëjë më të ndjeshëm ndaj realitetit.
Gaforrja
Në njëfarë mënyre yjet do t’ju ndihmojnë të shkoni mirë me personat që keni për zemër. Që ta themi më thjesht, do të dini ta gjeni mënyrën për t’u argëtuar. Kjo do të ndodhë edhe të martën, kur Venusi do të largohet nga shenja e Gaforres dhe duke ju bërë të ndiheni më emotiv. Më pas, të enjten, do të jetë Mërkuri ai që do të ndikojë në shenjën tuaj, por këtë herë me ide më pak brilante. Ju do të përgjigjeni duke buzëqeshur dhe duke u përpjekur të jeni në humor. Të dielën, bashkëveprimi mes diellit dhe Marsit do t’ju bëjë të ndiheni energjikë dhe të fortë për të përballuar një javë aktive.
Luani
Të hënën do të kuptoni se duhet t’i futeni punës, t’i provoni vetes se ndieni nevojën të aktivizoheni, por ama yjet nuk ju tregojnë ende se kur mund ta bëni këtë. Bëni durim, sepse duke filluar nga dita e martë, do t’i keni të qarta projektet e planetëve. Venusi do të ndikojë në shenjën e Luanit duke e ndihmuar të përballojë angazhimet. Gjithashtu do t’ju ndihmojë edhe Mërkuri, i cili do të kalojë në shenjën tuaj të enjten duke ju bërë më të aftë për të zgjidhur çështjet praktike. Bëjeni pushim të shtunën dhe mos ndërmerrni iniciativa të guximshme. Të dielën është koha e reagimeve të mëdha.
Virgjëresha
Ashtu si zakonisht, do të jetë Mërkuri ai që do të diktojë fatin e ditëve në vazhdim. Prandaj, duke filluar që nga dita e mërkurë, ai do t’ju ndihmojë të përjetoni në maksimum nga forca dhe energjia fizike dhe materiale. Të enjten, ai do të fshihet prej jush duke ju lejuar të çlodheni dhe të përqendroheni në diçka interesante që po ndodh rreth jush. Në fundjavë do të tregoheni praktikë dhe do të mund ta shfrytëzoni këtë për të përfunduar disa gjëra që i kishit lënë pezull. Është koha që t’i futeni punës.
Peshorja
Më në fund qielli do të tregohet më i butë me shenjën tuaj. Duroni vetëm ditën e hënë, një moment gjatë të cilit do të ndodheni mes personave dhe situatave të pakontrollueshme dhe gjithçka do t’ju duket e tepruar. Më pas, të martën, Venusi s’do të ndikojë më në shenjën tuaj dhe ky do të jetë një moment gjatë të cilit do të mund të relaksoheni dhe të buzëqeshni më shumë. Të enjten, do të jetë Mërkuri ai që do t’ju ndihmojë të përjetoni më mirë çdo lloj shkëmbimi apo komunikimi. Të shtunën do të jetë dita e përshtatshme për t’u marrë me çështjet praktike. Fundjava do të jetë e zhurmshme.
Akrepi
Kur të lindurit e shenjës së Akrepit kuptojnë se janë në rrezik japin më të mirën e vetes dhe përgatiten për përballjen. Ja pse ditën e hënë mund të jetë intensive, një moment gjatë të cilit do të jepni më të mirën nga vetja, por bëni kujdes mos ta ekzagjeroni. Pastaj, prisni që Venusi të martën dhe Mërkuri të enjten të ndikojnë për keq në çështjet tuaja praktike. Ju do të argëtoheni duke i shmangur problemet dhe do të kapërceni pengesat e para. Kjo do të zgjatë deri në fundjavë kur do t’i ulni ritmet. Keni fituar ju.
Shigjetari
Kohët e fundit, situata juaj kozmike ka qenë e pandryshueshme dhe asnjëherë interesante. Mbase edhe në ditët në vazhdim duhet të kënaqeni më shumë me rolin e spektatorit se të protagonistit. Të hënën do të keni të bëni me njerëz aktivë dhe duhet t’u përshtateni ritmit të tyre të shfrenuar. Në ditët në vazhdim, Venusi dhe Mërkuri do të bëhen miqtë tuaj për kokë dhe kjo gjë do t’ju sjellë shumë fat në dashuri dhe në raportet tuaja. Përjetoni një të shtunë të ëmbël dhe romantike.
Bricjapi
Nuk ka më keq sesa të dorëzoheni përpara tensioneve pikërisht atëherë kur ato do të ndërpriten. Yjet do të përpiqen t’ju detyrojnë ta bëni këtë gjë ditën e hënë, atëherë kur Urani do t’ju bëjë të reagoni instinktivisht ndaj personave apo gjërave që ju provokojnë. Por mos e bëni. Tregohuni të duruar dhe prisni ditët në vazhdim, atëherë kur Venusi dhe Mërkuri s’do të ndikojnë më negativisht në shenjën tuaj duke ju lejuar të qetësoheni. Të paktën deri të shtunën kur do të ndihet bashkëveprimi i diellit dhe Uranit, të cilët ju bëjnë të ndiheni jotolerantë. Edhe këtë herë do të bëni gjithçka që të mos tundoheni të reagoni ashpër.
Ujori
Pas ditës së hënë, për shkak të tensioneve që ndieni mund të silleni në mënyrë jodiplomatike dhe shumë shpejt do ta gjeni veten duke bërë llogaritë me planetët që do t’ju ftojnë të lini mënjanë padurimin për t’iu përkushtuar të tashmes dhe për ta përmirësuar atë. Të martën, Venusi do të veprojë kundër shenjës tuaj duke bërë që të keni luhatje humori ose duke jua ndërlikuar raportet për sa u përket studimeve apo gjërave që i keni me pasion. Të enjten do të jetë Mërkuri ai që do t’jua ndërlikojë gjërat dhe do t’ua bëjë më të vështirë buzëqeshjen. Në fundjavë partneri do t’ju bëjë të ndiheni më mirë.
Peshqit
Planetët ju lejojnë që të keni gjithçka nën kontroll përreth jush, por të hënën mund t’ju duhet të ndërhyni për të qetësuar ata që do të sillen në mënyrë agresive. Bëjeni edhe sepse në ditët në vazhdim Venusi dhe Mërkuri s’do të jenë më miq të shenjës tuaj duke ju bërë të ndiheni më pak të fortë. Qetësohuni dhe provoni t’i merrni gjërat më lehtë. Do të kuptoni në fundjavë se njerëzit e rëndësishëm për ju duan të përjetojnë një moment qetësie mes yjeve të flaktë të verës.
