Dashi
Sot një ndjenjë e theksuar xhelozie do t’ju bëjë tepër nervozë. Xhelozia mund të mos jetë vetëm në aspektin sentimental, por edhe në përgjithësi. Jini kryelartë, por jo me negativitet. Secili ka të mirat dhe të këqijat e veta.
Demi
Hëna në shenjën tuaj do t’ju japë një dorë të mirë për të sistemuar disa çështje familjare të cilat i keni lënë pa përgjigje deri më sot. Përpara se të bëni biseda të rëndësishme, konsultohuni me një mik të ngushtë për të mos u shprehur në mënyrën e gabuar.
Binjakët
Me Mërkurin në pozicion të zhdrejtë me shenjën tuaj do të jeni shumë të mërzitur për disa çështje të së kaluarës. Ato nuk zhbëhen dot, kështu që mos e lodhni më tepër trurin. Dita do të mbyllet mjaft këndshëm, me një festë të organizuar, ama deri në darkë bëni durim.
Gaforrja
Jeta e përditshme e çdo individi mund të ketë të papritura, ama sot, për ju Gaforre të dashura, do të ketë shume te tilla . Do të jetë një ndër ato ditët ku çdo plan që keni bërë për angazhimet e ditës do t’ju prishet. Ruani qetësinë, pasi vetëm kështu do i përballoni me sukses. Një ditë është, do kalojë shpejt!
Luani
Në fokus për ju sot dhe në ditën në vazhdim do të jenë dashuria dhe partneriteti. Një periudhë mjaft romantike po hap dyert për ju dhe do garantojë vetëm kënaqësi shpirtërore. Nëse jeni single, netët e qeta në shoqërinë e njerëzve të zgjedhur do t’ju sjellin të papritura mjaft të këndshme. Shfrytëzojini!
Virgjëresha
Me Hënën te lokalizuar në Virgjëreshë, nuk do të jeni shumë në gjendje të neutralizoni gjendjen tuaj emocionale. Do të keni mjaft ulje-ngritje dhe kjo mund të shkaktojë zënka me personat me të cilët shoqëroheni, por kjo nuk do të thotë që gjërat janë madhore. Përpiquni të ruani balancat, pasi nuk ka asgjë për t’u shqetësuar.
Peshorja
Sot do të mbizotërojë një personalitet shumë i paparashikueshëm dhe i pakuptueshëm në disa raste. Duke qenë se keni dëshirë të merrni konfirmim për çdo gjë që bëni, kjo do t’ju bëjë nervozë. Kini kujdes, pasi mund të përfshiheni në një debat të ashpër.
Akrepi
Pavarësisht delikatesës së dukshme dhe pavendosmërisë së vazhdueshme, ju keni një karakter të fortë që ju ndihmon të mos frikësoheni nga asgjë. Zëre se keni kapërcyer çdo pengesë, kështu që edhe ndonjë gjë e vogël gjatë ditës do kalojë qetë. Ju e dini më mirë se kushdo se si të argëtoni e të kënaqni veten.
Shigjetari
Venusi, i cili do të bashkohet me Saturnin, do t’ju prishë balancat me ndjenjat tuaja. Mos e bëni çështjen më të madhe seç duhet e mos t’ju zërë paniku. Është thjesht një ndjesi e momentit dhe nuk do të thotë diçka përfundimtare mesh jush dhe partnerit tuaj. Një bisedë rreth shqetësimeve tuaja do ndihmonte pa fund.
Bricjapi
Me Marsin në shenjën tuaj ju do të bëheni më të ndërgjegjshëm dhe të matur në çdo gjë që do bëni. Do të viheni mes një debati të ashpër, ku do t’ju duket vetja mes dy zjarresh. Përpiquni ta mbani situatën të balancuar, pa mbajtur asnjë anë, pasi mund të digjeni vetë.
Ujori
Harta juaj planetare do të jetë mjaft e favorshme për çdo gjë. Si në jetën sentimentale, ashtu edhe në atë profesionale do të keni sukses të garantuar. Qëndroni i qetë dhe i kuruar dhe lëreni fatin të bëjë më të mirën për ju. Angazhohuni edhe me aktivitete fizike, pasi është periudha më e favorshme për një nismë të re.
Peshqit
Dita e sotme do ju rezervojë emocione të veçanta. Preokupimet e ditës do të bëjnë pushim, dhe me to po ashtu edhe ju. Relaksohuni dhe kushtojini kohën e munguar vetes. Dilni për pazar, bëni një ndryshim në pamjen tuaj etj. Shijojeni, pasi ditë të tilla nuk i shijoni çdo ditë.
