Dashi
Do të keni disa paqartësi në lidhje me situatën tuaj financiare dhe nuk jeni të sigurt se cilën rrugë duhet të ndiqni në lidhje me rritjen e të ardhurave. Po mendoni të ndryshoni drejtimin e karrierës tuaj, por sot nuk është dita e duhur për të marrë vendime. Prisni derisa ti keni mendimet e qarta dhe me pas vendosni.
Demi
Zakonisht jeni shumë të përqendruar në punë, por sot do të jetë e kundërta. Ndjeheni pak të lodhur dhe puna do ju duket më e vështirë se herët e tjera. Gjithashtu, disa kujtime zhgënjyese nga e kaluara, do ju prishin humorin dhe do e kaloni ditën duke menduar rreth tyre. Nesër do kthehen gjërat në normalitet.
Binjakët
Sot do të surprizoheni nga veprimet e nje kolegu pune, pasi do vini re anën e tij jo të mirë. Ky person ka vendosur të bëjë çdo gjë për të arritur aty ku do, duke shkelur dhe personat përreth. Duhet të filloni të tregoni kujdes dhe nëse është e nevojshme, të mbroni veten në të gjitha nivelet. Kini parasysh që prioritet duhet keni interesat tuaja.
Gaforrja
Dyshimet dhe pasiguritë që po përjetoni, do ndikojnë negativisht në marrëdhënien tuaj romantike. Nuk jeni të sigurt nëse partneri/ja juaj po tregohet i/e hapur me ju dhe nëse kjo lidhje ka të ardhme apo jo. E vetmja mënyrë për të kapërcyer këto probleme është ti analizoni mirë gjërat dhe ndoshta do të ishte më mirë sikur të kalonit pak kohë të vetëm, në mënyrë që të organizuar mendimet.
Luani
Sot e ndjeni të nevojshme të merreni me financat tuaja: pagesat e faturave, planifikimi i buxhetit për muajin e ardhëm, por do e keni të vështirë që të përqendroheni. Për momentin, e keni mendjen në disa projekte pune dhe pavarësisht dëshirës për të organizuar financat, nuk do arrini dot ta bëni. Mos u shqetësoni, pasi mund të prisni dhe disa ditë, derisa të liroheni pak nga puna.
Virgjëresha
Një pjesëtar i familjes tuaj është duke kaluar një periudhë të vështirë. Si rezultat, do bëhet shumë i varur pas mbështetjes tuaj morale dhe emocionale. Duhet të jeni të kujdesshëm me të, por mos harroni se ndonjëherë vlen shprehja: më mirë një e vërtetë e hidhur sesa një gënjeshtër e bukur. Me kalimin e kohës, gjërat do të rregullohen, thjesht kini besim.
Peshorja
Në përgjithësi, jeni persona që besoni shumë në ëndrrat dhe domethëniet e tyre. Sot do të ngriheni të shqetësuar nga diçka që keni parë gjatë natës dhe jeni të vendosur ti gjeni kuptimin. Mos u shqetësoni për gjëra të vogla, pasi ëndrrat ngelen joreale dhe ndonjëherë nuk kanë as kuptime të caktuara.
Akrepi
Sot do të dëgjoni disa thashetheme, të cilat fillimisht do i besoni, por pasi ta mendoni më thellë, do kuptoni që çdo gjë është jashtë logjike dhe nuk është reale. Personi që ka hapur këtë lajm, ka pasur një qëllim të caktuar. Mundohuni të largoni nga vetja, të gjithë personat negativë që ju rrethojnë.
Shigjetari
Po vëreni që në punën tuaj, po ndodhin disa situata të pakëndshme dhe të fshehta. Ndjeheni të ofenduar nga sjellje të tilla dhe po shqetësoheni për vendin e punës. Nga ana tjetër, këto situata po ju ndihmojnë të fokusoheni në realitet dhe të kuptoni më mirë atë që doni të bëni. Pasi ti organizoni mendimet, vendosni atë që është më e mira për ju.
Bricjapi
Sot nuk do të jeni në humor të mirë dhe përqendrimi do të jetë i ulët. Kjo do ja u heqë vëmendjen nga puna, por mos u shqetësoni pasi është një situatë kalimtare. Mundohuni të hiqni mendjen nga problemet e tjera dhe fokusohuni në atë që po bëni për momentin, pasi ndryshe nuk do të keni rezultat në fund të punës.
Ujori
Energjitë planetare do ndikojnë në ecurinë e ditës tuaj. Nëse keni planifikuar ndonjë udhëtim, ka shumë mundësi që të ketë disa vonesa në nisje. Mos u shqetësoni, pasi gjërat do rregullohen brenda një kohe të shkurtër. Mundohuni ta shijoni sa më shumë kohën gjatë udhëtimit.
Peshqit
Sot do ju shfaqen disa dyshime në lidhje me gjendjen tuaj shpirtërore, por mos lejoni që kjo tju shkaktojë mungesë vetëbesimi. Është një situatë kalimtare, që u ndodh të gjithë personave në rritje. Vini në provë perspektivat tuaja dhe do shihni që pavarësisht pjekurisë mendore, parimet dhe vlerat tuaja kanë mbetur të pandryshuara.
