Dashi
Keni marrë më shumë përgjegjësi kohët e fundit nga sa ju takon dhe kjo ju ka lodhur së tepërmi. U keni treguar të tjerëve se jeni i aftë të bëni më shumë nga sa ata kanë menduar. Në mbrëmje duhet të vendosni se nga se duhet të hiqni dorë.
Demi
Keni perspektiva të mëdha për këtë ditë, të cilat do të realizohen vetëm atëherë kur do të merrni guximin të veproni. Vetëm në këtë mënyrë do të merrni atë që dëshironi, duke guxuar e marrë rreziqe. Edhe nëse dështoni, keni për t’u ndjerë krenarë me veten. Mund ta provoni përsëri.
Binjakët
Keni harxhuar shumë nga koha juaj duke marrë masa serioze ndaj të tjerëve që vazhdimisht e kalojnë kufirin. Mbylleni këtë kapitull dhe kujdesuni për veten. Mos humbni më kohë me vogëlsira, projekte shumë të mëdha ju presin ju të lindurit në shenjën e binjakëve.
Gaforrja
Nëse nuk i keni të qarta qëllimet, atëherë nuk jeni mjaftueshëm të guximshëm për atë që jeni duke bërë dhe mbi të gjitha, nuk jeni të qartë se ku do të doni të dilni. Ndoshta është më mirë të sqaroheni, përpara se të bëni lëvizje të gabuara.
Luani
Ju keni shumë çështje që shqetësoheni, por ajo më e rëndësishmja është ajo më e vogla, e cila do u japë zgjidhjen problemeve të tjera. Detajet bëjnë dallimin. Në mbrëmje do të merreni me diçka interesante, të cilën do e ndani me miqtë tuaj.
Virgjëresha
Sot, çështja ekonomike mund t’ju shqetësojë pak, por mos kini frikë nga ajo që mund të ndodhë. Ju do të gjeni një zgjidhje si gjithmonë. Pavarësisht kësaj, duhet të filloni të reduktoni shpenzimet. Jo gjithmonë do e kaloni lehtë.
Peshorja
Edhe në qoftë se keni pasuar episode të pakëndshme në të shkuarën, kjo nuk do të thotë se i keni harruar. Ato do të ecin bashkë me të ardhmen për t’ju kujtuar që të mos gaboni më. Gëzoni momentet e qetësisë e të paqes, duke mos mbajtur gjithë kohës mendjen atje.
Akrepi
Çështjet që do të trajtohen këtë ditë mund t’ju venë në provë, por nuk do të jetë asgjë në krahasim me çështjet personale që ju shqetësojnë e që do ju mbajnë lidhur në mendime. Duket situatë e komplikuar e kërkon mjaft durim.
Shigjetari
Sot keni për t’u marrë me një nga ato çështjet burokratike, të cilat ju zënë ditën. Janë përfshirë edhe të tjerë së bashku me ju dhe keni për të ndarë mjaft diskutime së bashku. Për këtë arsye do të jetë mirë të parashtroni si duhet situatën.
Bricjapi
Dita do të nisë mjaft e gëzueshme dhe e mbushur me aktivitete sportive. Do provoni sporte të reja paksa të rrezikshme, por do keni mundësinë të provoni një adrenalinë të re. Shoqëria do të jetë pjesë e ditës në planet tuaja.
Ujori
Keni mjaft angazhime sot si nga ana e punës suaj, ashtu edhe në familje. Do e keni të vështirë të kujdeseni për të dyja, por duhet të balanconi forcat tuaja. Keni bërë premtime dhe e keni të vështirë të mos i mbani.
Peshqit
Nëse nuk e keni kuptuar ende se çfarë duhet të bëni gjatë kësaj dite për të rregulluar disi punët tuaja, atëherë kjo do të thotë se ju duhet një ndihmë e vogël. Zakonisht të tjerët kërkojnë ndihmë tek ju, por këtë radhë do të jeni ju që do kërkoni ndihmë.
