Dashi
Dita e sotme do t’ju bëjë shumë të ndjeshëm ndaj disa gjërave që keni lënë pas në të shkuarën. Do dini të qëndroni vetëm, edhe pse do ta keni të pamundur, sepse puna nuk do ju japë shumë kohë të lirë. Sot është një ditë kujtimesh dhe nuk ju ndihmon aspak.
Demi
Keni vendosur të bëheni romantikë për ditën e sotme ju të lindurit në shenjën e Demit. Nuk ju ndodh shpesh kjo gjendje, ndaj do krijoni shumë habi te personat më të afërt që keni. Natyra juaj disi e “ftohtë” ka shumë anë pozitive nëse bëheni romantikë.
Binjakët
Do gjendeni mes shumë ideve ditën e sotme, edhe pse e dini shumë mirë që nuk janë shumë reale. Keni disa kërkesa që ambientet tuaja të punës nuk ua mundësojnë dot dhe ju mbetet juve të gjeni një zgjidhje. Ajo që ju këshillojmë është të mos kërkoni zgjidhje me shumë shpenzime, sepse financat nuk janë mirë.
Gaforrja
Hëna është aleatja më e mirë ditën e sotme, sepse është e pozicionuar mirë në shenjën tuaj. Në marrëdhënien me partnerin do ketë disa xhelozi, që do ju ndikojnë në gjendjen emocionale, por do ta kaloni shumë shpejt. Qëndroni të qetë, asgjë nuk duhet ta prishë ditën tuaj.
Luani
Prioritet sot keni vetëm familjen dhe të gjithë vëmendjen do ia kushtoni familjes . Ndoshta lodhja e tepërt e kohëve të fundit ju ka bërë të reflektoni dhe kjo është dita më e mirë që të qëndroni pranë familjes. Në mbrëmje do kuptoni sesa shumë keni nevojë për ditë kaq të veçanta.
Virgjëresha
Zhgënjimi sot ju vjen nga një mik i afërt dhe nuk do e prisni mirë këtë gjë. Disa të vërteta duhen thënë në sy, por këtë herë ju i keni zbukuruar vetëm, ndaj qëndrimin e keni shumë të ftohtë. Mos e lejoni veten të mërziteni, çdo gjë ka një kosto dhe miku juaj do ta kuptojë sot këtë gjë.
Peshorja
Duhet të gjeni më shumë kohë për veten ju Peshore sot. Ditët e fundit e keni ndjerë shumë lodhjen dhe keni munguar shumë pranë ambienteve me miq, familjarë dhe kolegë. Përpiquni të gjeni mënyrën si t’u kërkoni falje për mungesën, sepse keqardhja juaj është e dukshme.
Akrepi
E ndjeni veten të plotësuar dhe këtë e shfaqni edhe para të tjerëve. Natyra juaj shumë diskrete nuk e lejon të duket kjo gjë. Kohët e fundit ka mbizotëruar tek ju një qetësi që ju kishte munguar shumë. Vazhdoni në këto ritme dhe mos e ngarkoni shumë veten.
Shigjetari
Pikëpyetje të shumta do ta shoqërojnë ditën tuaj sot. Fatkeqësisht askush nuk mund t’ju ndihmojë, sepse gjithçka varet nga mënyra sesi i shihni gjërat. Disa pakënaqësi të kohës së fundit ju kanë bërë që të mos shihni asgjë pa dyshime.
Bricjapi
Lëvizja e Hënës do të bëjë që ju të keni një ditë të vështirë. Në marrëdhënie me partnerin do ndjeni që diçka nuk po shkon si duhet. Nuk po e kuptoni mirë çfarë po ndodh rreth jush, po çdo ditë e më shumë nuk e ndjeni mirë gjendjen tuaj emocionale. Përpiquni sa më shpejt të shpjegoni këtë gjë, sepse nuk ju bënë mirë kjo gjendje.
Ujori
Puna është kryefjala e ditës së sotme për ju Ujor. Do ta gjeni veten mes udhëtimeve të rëndësishme dhe takimeve të ndryshme, ku do përfitoni shumë për fushën që keni përzgjedhur të ndiqni. Kërkojini mikut tuaj më të mirë t’ju shoqërojë, sepse do keni nevojë për dikë të besuar pranë.
Peshqit
Yjet në favorin e Peshqve sot do ta bëjnë këtë ditë më të qetë dhe të këndshme. Takimi me një person shumë të dashur për ju do bëjë që të kujtoni detaje nga fëmijëria juaj, kujtime që i kishit lënë disi në hije. Buzëqeshni sot,sepse po i riktheheni asaj pjese të jetës që është më e dashura, fëmijëria.
