Dashi
Sot ka për të qenë një ditë e zymtë, aspak e bukur. Hëna ka për të ndikuar në shenjën tuaj duke ju sjellë pasiguri e duke ju bërë të ndiheni konfuzë. Në familje, emocionet tuaja sot kanë për t’u bërë temë diskutimi, pasi do jeni tepër impulsivë dhe herë pas here do dilni nga vetja.
Demi
Parashikohet një ditë për të arritur sukses në biznesin tuaj. Do të gëzoni fitime të mëdha, si rrallëherë. Ambiciet tuaja kanë shkuar shumë lart tashmë dhe po shijoni çdo ditë e më shumë frytet e punës suaj.
Binjakët
Nuk është koha dhe momenti për ndryshime të rëndësishme. E rëndësishme është të përqendroheni në ato që keni dhe me të cilat jeni duke u marrë, pa humbur kohë me mendime të reja. Mos humbisni durimin tuaj për problemet e vogla me të cilat përballeni.
Gaforrja
Disa plagë janë vështirë të shërohen, sidomos kur bëhet fjalë për ato të dashurisë, por mbështetja e miqve tuaj do ju ndihmojë për t’i kapërcyer. Nuk e keni aspak të lehtë, sidomos nëse mendoni të qëndroni në shtëpi vetëm. Pranoni ftesat e miqve tuaj nëpër aktivitete të ndryshme.
Luani
Ka ardhur momenti që dikush të studiojë situatën e të vlerësojë se sa vlen gjithsecili. E nëse do ju duhet të merrni një hap të vogël mbrapa, mos e konsideroni si dështim, pasi ka për të qenë një veprim që do t’ju sjellë fitore.
Virgjëresha
Vlerësoni momentin dhe merrni guximin të përballeni me vendime të rëndësishme në familje dhe në punë. Asnjëherë nuk ju ka munguar intuita dhe keni treguar gjithmonë zgjuarsi në situata të tilla. Mos lejoni të ndërhyjnë të tjerët në vendimet tuaja.
Peshorja
Mundohuni të jeni më pak të ndjeshëm dhe mos e merrni çdo gjë personale. Dështimet konsiderojini si një forcë për ditën e nesërme, sepse gjithmonë do të jeni përballë zgjedhjeve të vështira. Kalojini situatat e sikletshme më me sportivitet.
Akrepi
Hëna dhe Mërkuri sot do ndikojnë së tepërmi te ju. Kriza në martesën tuaj ka kohë që ka filluar dhe ju jeni të ndërgjegjshëm për çfarëdo diskutimi dhe përballjen që keni krijuar. Nuk ka për të qenë aspak një e premte e qetë.
Shigjetari
Ka për të qenë një ditë pozitive. Vështirësitë ende nuk kanë kaluar plotësisht, por i mbështetur nga fati dhe optimizmi që keni do arrini të keni shans për sukses. Konsiderojini problemet si kalimtare.
Bricjapi
Përpiquni të mos i zhgënjeni sot njerëzit tuaj më të afërm. Ata ju kanë qëndruar pranë gjithmonë dhe nuk do e meritonin aspak një sjellje të papërgjegjshme nga ana juaj. Premtime keni bërë shumë, prandaj bëni mirë t’i përmbushni.
Ujori
Jeni tepër korrekt me veten tuaj e sidomos me njerëzit. Pikërisht nisur edhe nga kjo pjesë e karakterit që ju karakterizon, duhet të mos lini shteg për disa detaje të vogla, pasi mund të bëni përshtypje jo të mirë te eprorët tuaj.
Peshqit
Do e gjeni veten përballë dy zgjedhjeve të vështira e shumë sfiduese për ju sot. Bëhet fjalë për financat tuaja, nëse ju vendosni të investoni diku apo jo. Investimet nuk kërkojnë vetëm guxim, gjë e cila nuk ju mungon, por edhe një studim të mirëfilltë tregu
