Dashi
Ka ardhur momenti që ju t’u përgjigjeni me sinqeritet të gjitha dyshimeve të partnerit, sepse në të kundërt ai/ajo do të largohet pak nga pak. Fokusimi juaj vetëm tek puna dhe financat po ju privon nga ndjenjat e tjera. Rregullojini gjërat përpara se të jetë vonë.
Demi
Jeni duke kuptuar në heshtje gjithçka që po përjetojnë miqtë tuaj të zemrës dhe e ndjeni veten të pafuqishëm t’i ndihmoni. Prania juaj do të thotë shumë, ndaj mundohuni të shkurtoni oraret e punës dhe gjenduni pranë atyre që kanë nevojë për ju.
Binjakët
Do arrini gjithçka që i keni vënë synim vetes kohët e fundit. Vështirësitë do jenë të pashmangshme, por tregohuni të shkathët dhe përfitoni sa më shumë nga mundësitë. Mos harroni që i vetëm nuk mund t’ia dilni, ndaj flisni gjithçka me familjarët dhe dëgjoni këshillat e tyre gjithmonë. I vetmi vend i sigurt do të mbetet familja.
Gaforrja
Sot nuk jeni shumë të interesuar se çfarë po ndodh në ambientin tuaj të punës. Ju keni mënyrat tuaja dhe kjo do jetë arma juaj më e fortë. Indiferenca ndaj debateve ju bën shumë pasiv dhe kjo ju ofron qetësi. Flisni atëherë kur ju ta mendoni të arsyeshme dhe vetëm për ata që duhet. Ndonjëherë heshtja juaj tregon shumë.
Luani
Lëreni mënjanë krenarin sot, sepse po humbni momente që nuk përsëriten dy herë. Tregohuni më të hapur ndaj mendimit të të tjerëve dhe dëgjojini deri në fund. Mirëkuptimi është pika kyçe, nëse doni të ruani gjatë një miqësi apo një lidhje. Mund të vijë momenti që të keni nevojë edhe ju për mirëkuptim.
Virgjëresha
Hëna në shenjen tuaj sot do ju bëjë më të ndjeshëm ndaj atyre që nuk janë në gjendje të mirë emocionale. Mbështetjen që do i ofroni, do ta ruajnë gjatë në kujtesë. Natyra juaj shumë e qetë ju bën që t’i merrni gjërat më lehtë dhe t’u gjendeni pranë të tjerëve sa herë ata kanë nevojë. Rishikojini edhe një herë financat, sepse i keni shpenzuar disi këto kohë.
Peshorja
Keni lënë disa gjëra pezull dhe kjo nuk po ju lejon që të jeni të qetë. Shqetësimi juaj nuk është pa arsye, sepse ju e dini që puna juaj nuk është e lehtë dhe nuk lejon gabime. Megjithatë, çdo gjë do ta zgjidhni, mjafton që të përzgjidhni momentin dhe njerëzit e duhur. Një debat i vogël me partnerin do ju shqetësojë së tepërmi këto kohë.
Akrepi
Mendimet do ju shoqërojnë gjithë ditën sot ju të lindurit në shenjën e Akrepit. Do keni nevojë për dikë që t’i besoni dhe të flisni lirshëm, por natyra juaj disi mosbesuese sërish nuk do ju lejojë të jeni transparent deri në fund. Ju e dini mirë kufirin, por sërish do lejoni t’ju qëndrojnë afër njerëzit më të dashur. Ndonjëherë është gjëja e duhur, t’i jepni kohë të lirë vetes, sepse puna e tepërt ju ka lodhur.
Shigjetari
Mos u jepni shumë besim dhe hapësirë njerëzve të rinj në jetën tuaj, sepse mund të pendoheni më pas. Tregoni vendin tuaj dhe mos rrezikoni qetësinë për të tjerët. Disa projekte tuajat do bëjnë që edhe financat të ndryshojnë. Ndani gjithçka me personin që keni në krah, do i përballoni më lehtë ngarkesat që ju presin.
Bricjapi
E keni gjetur veten në momente jo shumë të kënaqshme kohët e fundit. E mira e kësaj gjendjeje është se ju ka bërë më të fortë dhe të vëmendshëm ndaj të papriturave. Ndoshta do ju duhet të merrni disa vendime dhe do kuptoni që jeni vetëm ju që vendosni për gjithçka. Më e lehtë do jetë t’i besoni vetes para të gjithave.
Ujori
Do keni mundësi për të bërë zgjedhje sot. Merrni kohën e duhur, mendoni gjatë dhe detajet më të vogla, sepse peshorja duhet të jetë në ekuilibër. Mundohuni për më të mirën, shumë persona besojnë tek ty. Çështje të tilla kërkojnë shumë guxim dhe përgjegjësi.
Peshqit
Vendosni në vendin e duhur financat, sepse prej ditësh po ju shfaqin probleme të vogla, që nuk duhet t’i neglizhoni. Sigurisht që përnjëherë nuk mund t’i zgjidhni gjërat, por ama mos anashkaloni as detajin më të vogël. Qëndroni në pritje të një konfirmimi rreth diçkaje që mezi e prisni t’ju ndodhë. Bëhuni të duruar, gjithçka e mirë kërkon kohë.
