Dashi
Personat që ju rrethojnë, janë shumë më të hapur ndaj sugjerimeve sesa mendonit ju. Në ktë mënyrë, do keni mundësi të jepni këshillat e duhura, tek ata persona të cilët kanë nevojë për ju. Keni takt dhe arrini të kuptoni se kur është moment i duhur për të ndaluar. Nëse është e nevojshme, jepini atij personi kohën e duhur për të reflektuar.
Demi
Një person i cili ka filluar një stad të ri në jetën e tij, ka nevojë për ndihmën tuaj. Përpiquni ti jepni mbështetjen e duhur, por gjithashtu është e nevojshme të vendosni disa kufij. Ai person duhet ta dijë se ju do i qëndroni pranë në çdo moment, por nuk mund të përfshiheni në situata të caktuara më shumë seç duhet.
Binjakët
Përpara jush është shfaqur një mundësi shumë e mirë dhe duhet të përfitoni prej saj. Mos u shqetësoni për gjërat që do vijojnë në të ardhmen, pasi asnjëherë nuk e dini me siguri atë që do ndodhë. Shfrytëzoni ndjenjën tuaj të aventurës dhe eksperimentoni në fusha të panjohura për ju. Vetëm duke rrezikuar, mund të fitoni.
Gaforrja
Në një aktivitet social, do të ishte më mirë sikur të flisnit më pak dhe të dëgjonit më shumë. Kjo do ju ndihmojë të mësoni gjëra të reja dhe të njihni më mirë personat e pranishëm. Largoni nga vetja mendimet kritikuese dhe bëhuni më të hapur ndaj asaj çka njerëzit kanë për të thënë.
Luani
Pasioni juaj për të eksperimentuar me gjëra të reja, është ajo që ushqen trurin tuaj dhe ju mban me energji. Megjithatë, jo shumë persona ndajnë të njëjtin pasion si ju dhe shpesh herë, entuziazmi juaj, nuk kuptohet nga të tjerët. Kaloni kohën me njerëz që ju vlerësojnë dhe ju mbështesin në çdo vendim që merrni.
Virgjëresha
Kohët e fundit jeni munduar të fshihni ndjenjat tuaja të vërteta, por kjo nuk ka qenë shumë e suksesshme. Sot do e keni të pamundur ti mbani brenda dhe ka ardhur momenti që ti hapeni dikujt. Është e nevojshme që të merrni mendimin e dikujt tjetër, pasi do e çlironi veten nga ngarkesa emocionale në të cilën jeni përfshirë.
Peshorja
Dëshira e madhe që diçka të jetë e vërtetë, nuk do të thotë që është e tillë. Duhet të ulni këmbët në tokë dhe të mos lejoni që tju udhëheqin ndjenjat. Duke u treguar të sinqertë me veten, do arrini ti përballoni më lehtë situatat e vështira. Nëse keni mundësi, ofrojuni ndihmë dhe personave të tjerë.
Akrepi
Emocionet tuaja janë të paparashikueshme, por jo në kuptim të keq. Kohët e fundit nuk jeni shumë të sigurt rreth rrugës që po ndiqni, por kjo është një fazë të cilën e kalon çdokush. Flisni me një person të afërt dhe merrini parasysh këshillat e tij. Është e rëndësishme të kërkoni ndihmë në raste të vështira.
Shigjetari
Jeni ju ata që keni në dorë ndryshimin e jetës tuaj. Nuk është asnjëherë vonë për të nisur një rrugë të re. S’mund të lejoni që mosha, të ardhurat apo situata juaj romantike t’ju pengojë në atë që keni dëshirë të bëni. Duke nxjerrë justifikime të kota, thjesht po humbisni kohë dhe po kaloni ditë të tëra duke mos qenë të kënaqur me situatën në të cilën ndodheni.
Bricjapi
Jeni shumë të ndjeshëm ndaj problemeve të personave të tjerë dhe mund të shpërqëndroheni shumë lehtë nga gjëra që nuk janë në përgjegjësinë tuaj. Është gjë e mirë të ndihmoni të tjerët, por nuk duhet të lini pas veten. Duhet ta çlironi veten nga përgjegjësitë që nuk ju përkasin dhe të përcaktoni prioritetet tuaja.
Ujori
Jeni të rrethuar nga persona që ndajnë të njëjtat ëndrra me ju dhe kjo është një prej arsyeve se pse jeni miq. Sot është dita e duhur për të hedhur hapat drejt tyre. Hartoni së bashku një plan dhe shfrytëzoni energjinë që ju karakterizon, për ti bërë realitet. Do kuptoni se rruga drejt realizimit të tyre nuk është dhe aq e vështirë.
Peshqit
Sot është dita e duhur për të bërë planet për të ardhmen. Keni patur kohë mjaftueshëm për të organizuar mendimet dhe për tu kthjelluar. Ju keni arritur të bëni gjënë më të rëndësishme: të kuptoni atë që ju dëshironi për veten. Me vullnetin që ju karakterizon, do realizoni çdo qëllim që i keni vendosur vetes.
