Dashi
Rutina do jetë mbytëse sot në ambientin tuaj të punës. Asgjë nuk do ecë ashtu si keni dashur, përkundrazi disa probleme mund të zmadhohen tej mase. Tregohuni të qetë dhe mos nxitoni në nxjerrjen e përfundimeve.
Demi
Nuk do të ndaleni para asgjëje sot, nuk pranoni “Jo” si përgjigje nga askush. Do vazhdoni me projektet tuaja, edhe nëse nuk do keni mbështetjen e atyre që ju qëndrojnë pranë. Është një strategji shumë e mirë kjo e juaja sot, merrini vendimet vetë dhe vazhdoni rrugëtimin e nisur.
Binjakët
Vlerësoni njerëzit që keni pranë, kështu edhe ju vetë do të ndiheni më të realizuar dhe të qetë me veten dhe të tjerët. Shkëputuni disi nga punët e përditshme, sepse kaloni shumë kohë i mbyllur në këtë ambient. Jepini vetes më shumë kohë të lirë dhe do jeni më të relaksuar.
Gaforrja
Çiltërsia është një karakteristikë shumë pozitive e juaja, por sot do ua marrin për dobësi. Përpiquni të jeni më diplomatikë dhe mos pranoni të punoni për gjëra pa të ardhme. Lëreni krenarinë mënjanë dhe ndiqni instinktet tuaja.
Luani
Do përballeni me disa surpriza jo të mira sot ju të dashuruarit dhe në disa momente do ndiheni keq. Kërkoni ndihmë nga disa familjarë, sepse ata do iu japin këshillat e duhura. Gjendja e financave do vijë dalëngadalë duke u përmirësuar falë masave të rrepta që keni marrë.
Virgjëresha
Dialogu do jetë shumë i fortë gjatë gjithë kësaj dite për juve që jeni në krye të një sektori të caktuar. Flisni hapur dhe kërkoni mirëkuptim në ato çka thoni, sepse ndonjëherë vendimet e nxituara mund të hedhin poshtë mundin e gjithë kohëve të fundit. Do e kuptoni me në fund se çfarë do të thotë të kundërshtohesh nga shumica.
Peshorja
Planet tuaja do të prishen nga disa të papritura në momentin e fundit, të cilat nuk do të mund t’i shmangni dot. Mos u përballni vetëm, por merrni këshilla dhe zgjidhjen do e gjeni mes miqsh. Qetësia do jetë e nevojshme, prandaj niseni ditën bukur.
Akrepi
Prania e njerëzve që doni do jua bëjë më të bukur gjithçka këtë periudhë. Ndoshta keni kuptuar sesa kohë keni humbur pas punëve dhe projekteve të ndryshme dhe keni zgjedhur diçka tjetër tani. Energjitë e reja janë fillimi më i mirë për ju. Dashuria është pjesë e rëndësishme e juaja, ndaj jepini vëmendjen e duhur.
Shigjetari
Atmosfera në familjen tuaj do jetë shumë e ngrohtë sot. Kjo do sjellë edhe disa orë të kaluara në shoqërinë e njëri-tjetrit dhe duke mos u angazhuar me asgjë tjetër. Në planin financiar bëni kujdes sa më shumë që të mundeni. Po e tepruat me shpenzimet, do ju duhet të kërkoni ndihmë nga të afërmit dhe jo të gjithë do mund t’ju mbështesin.
Bricjapi
Përpiquni të mos i zhgënjeni sot njerëzit tuaj më të afërm. Ata ju kanë qëndruar pranë gjithmonë dhe nuk do e meritonin aspak një sjellje të papërgjegjshme nga ana juaj. Premtime keni bërë shumë, prandaj bëni mirë t’i përmbushni.
Ujori
Buzëqeshni më shumë sot, sepse serioziteti i kohëve të fundit ju ka pushtuar. Kjo sjellje ju ka kushtëzuar mbi te gjitha sjelljen tuaj. Njerëzit tuaj të afërt presin të shohin atë që jeni vërtet. Në planin financiar do arrini ta stabilizoni situatën shumë shpejt falë këmbënguljes që do tregoni.
Peshqit
Keni një takim mjaft premtues dhe emocionues. Mos e humbni për asnjë lloj arsyeje. Perspektivat në planin financiar janë të mira. Përfitoni për t’i dhënë vetes çdo gjë që i keni privuar këto ditë.
