Dashi
Do u jepni zgjidhje problemeve të brendshme që ju kanë shqetësuar ditët e fundit. Bisedoni me partnerin tuaj pa i fshehur asgjë. Përpiquni të sqaroni çdo keqkuptim dhe dyshim, në mënyrë që këto zënka të mos ndikojnë negativisht në të ardhmen tuaj.
Demi
E dini shumë mirë se kush është çelësi i lumturisë suaj, por i vetëm nuk do arrini dot. Keni gjithmonë nevojë për dikë që ju plotëson shpirtërisht. Ndani me të gjithçka, nga gjërat më të vogla deri te më të mëdhatë. Prania e njeriut të zemrës do ju japë shumë besim.
Binjakët
Nëse keni projekte të rëndësishme këto kohë, vazhdojini pa u influencuar nga njerëzit rrotull jush që duan t’ju ndalojnë. Do përpiqen t’ju ndalojnë nga zilia apo mosdëshira për t’ju ndihmuar. Kjo situatë do ju japë edhe më tepër besim te vetja. Shfrytëzojeni energjinë pozitive që keni.
Gaforrja
Sot përkushtojuni totalisht punëve të shtëpisë. Përpiquni të jeni sa më optimistë, edhe pse janë shumë punë për t’u bërë. Zgjidhja më e mirë është t’i ndani punët me pjesëtarët e tjerë të familjes, të cilët do të jenë të gjithë të gatshëm për t’ju ndihmuar. Përfitoni nga situata për të përfunduar gjithçka sa më shpejt.
Luani
Nëse nuk po arrini të bëni një ndryshim rrënjësor në jetën tuaj, mos u shqetësoni, pasi nuk është ky momenti i duhur. Jeni njeri shumë i përgjegjshëm për veprimet që bëni dhe do të dini të reagoni edhe në këtë situatë. Nuk keni pse të dilni nga vetja për t’u plotësuar dëshirat të tjerëve. Përpiquni të përshtateni sadopak, vetëm për të mos u ndjerë ndryshe nga të tjerët.
Virgjëresha
Duhet t’ia hapni zemrën partnerit, pasi jeni shumë të rezervuar. Por ky rregull është i vendosur nga ju, dhe nuk do arrini dot ta ndryshoni jo vetëm sot, por asnjëherë. Sidoqoftë pak besim duhet, sidomos nëse marrëdhënia juaj në çift është e rëndësishme për ju. Duhet të jeni më të afruar me partnerin në mënyrë që edhe ai të ndihet i lirshëm me ju.
Peshorja
Do jeni të mërzitur sot, pasi dikush do ndikojë negativisht në humorin tuaj që në orët e para të ditës. Nuk jeni nga ata që ndikoheni apo u jepni rëndësi fjalëve të të tjerëve, por sidoqoftë, fjalët e sotme do ju fusin pak në mendime. Duke përfituar nga kjo situatë, do përpiqen t’ju mërzisin edhe më tepër. Mos u ndikoni nga të tjerët, por vazhdoni të qetë ditën tuaj.
Akrepi
Dikush pranë jush po ju bezdis duke kaluar nga një projekt te tjetri. Përpiquni ta shmangni, sidomos nëse bëhet fjalë për një njeri me të cilin keni kontakte të shpeshta. Mos u hapni me askënd për këtë çështje. Nuk do e kuptojnë pjesën që jeni të lodhur nga ky njeri jo stabël, që kalon nga një degë te tjetra. Rrini të qetë dhe vazhdoni punën tuaj.
Shigjetari
Sot do të keni një ditë të ngarkuar si në jetën profesionale, pasi do të jeni shumë të ngarkuar me punë, ashtu edhe në jetën sentimentale, ku do të keni probleme të vogla për të zgjidhur.
Bricjapi
Sot është momenti për të planifikuar diçka të rëndësishme në punët tuaj, pa mbështetjen dhe suportin e askujt. Mbase nuk jeni shumë tip kreativ për të realizuar atë që mendoni, por planifikimi me kujdes i gjithçkaje do ju ndihmojë që të arrini suksesin e shumëpritur.
Ujori
Nuk duhet të ndërtoni një kështjellë të madhe brenda një dite. Merrini gjërat me qetësi, edhe pse dikush do ju shtyjë që të merrni një vendim të nxituar. Pavarësisht kësaj shtytjeje, jeni ju ai që do vendosni për gjithçka dhe do të bëni zgjedhjen e duhur.
Peshqit
Ecni me moton “Gjithçka ndodh për një arsye”, pasi asgjë nga ajo që kishit planifikuar për ditën e sotme nuk do të ndodhë. Mos fajësoni askënd për këtë fakt, por mendoni që kjo ishte më e mira për ju dhe për familjen tuaj.
