Dashi
Dita për ju sot do të jetë pak tensionuese, pasi disa situata do ju bëjnë të humbni kontrollin e gjërave. Ruani qetësinë dhe mos lejoni asgjë t’ju prishë humorin, pasi një gjendje e rënduar emocionale mund të ndikojë edhe në marrjen e vendimeve.
Demi
Shumë njerëz sot do të mundohen t’ju shpërqendrojnë për t’ju prishur punë në planet tuaja. Vini disa barriera në çështjet e rëndësishme, në mënyrë që askush të mos guxojë të ndërhyjë më tepër, nga sa i takon. Një takim romantik do ju ëmbëlsojë ditën.
Binjakët
Niseni këtë ditë sot me energji dhe pozitivitet. Komplimentet do t’ju vijnë ngado dhe do të rrezatoni pafund. Lëreni ditën të rrjedhë dhe më e mira do të bëhet për ju. Njohjet e reja me persona të rëndësishëm do t’ju zënë një pjesë të mirë , të ditës së sotme.
Gaforrja
Kini kujdes, pasi një çështje e së kaluarës do të ridalë në skenë. Përpiquni të programoni ditën tuaj dhe takimet, pasi do të jetë mjaft të papritura. Angazhimet e ditës do të përplasen me njëra-tjetrën duke shkaktuar një lëmsh të madh.
Luani
Kushtojuni vëmendje njerëzve tuaj të dashur , të cilët mund të kenë probleme serioze. Ata kanë shumë nevojë për ju. Shpeshherë mund të të duket vetja i padobishëm për ta dhe sikur nuk mund t’u vini në ndihmë. Por, thjesht prania juaj është nganjëherë e mjaftueshme.
Virgjëresha
Pozitive do të jetë kjo ditë e mërkurë për ju sot në jetën personale dhe do të arrini pikat maksimale në ato çka dëshironi. Shumë gjëra do të vihen në vendin e duhur, ashtu siç ju keni kohë që i dëshironi. Do të gjeni mbështetje edhe nga kolegët tuaj besnikë.
Peshorja
Mos u mbyllni në vetvete vetëm sepse disa gjëra nuk ju shkojnë mirë. Ju kemi thënë që keni hyrë në vitin tuaj të suksesit dhe çdo gjë do të shkojë në vendin e vet, pa shumë mund e lodhje. Përpiquni vetëm të qëndroni sa më të qetë dhe të kujdesshëm për ndodhitë që po ju ndodhin.
Akrepi
Sot do të jetë dita kur ju do të seleksiononi çka është e rëndësishme dhe çka jo për ju. Rimerrni përsipër një problem të së shkuarës , të cilit nuk i keni gjetur zgjidhje. Disa zbulime që do të bëni tani e tutje do t’ju lënë me gojë hapur.
Shigjetari
Shmangni njerëz të cilët ju rëndojnë psikologjikisht. Negativiteti ose problemet e tyre nuk janë për ju, ditën e sotme. Keni mjaft probleme për të zgjidhur dhe nuk keni kohën dhe as nervat e mjaftueshme, për t’u marrë me të tjera ekstra.
Bricjapi
Planetët janë vendosur në një mënyrë sot që do t’ju japin disa efekte pozitive, po ashtu dhe negative. Nga njëra anë do të jeni mjaft produktivë në punën tuaj, por nga ana tjetër do të bëheni dhe nervozë me disa njerëz, të cilët ju nxjerrin pengesa. Ruani balancat!
Ujori
Një dinamizëm i lartë do ju pushtojë sot, i cili do të pasohet me suksesin tuaj, në çështjet emocionale dhe ambientin e punës. Dita do të jetë plot të papritura të mira dhe mos lini asnjë pa shfrytëzuar. Jini sa më të qëndrueshëm në shpenzime, pasi nuk po kaloni një periudhë të mirë financiare.
Peshqit
Sot, edhe pse ditë jave, ku këshillojmë ta merrni pushim. Do ishte më e mira e mundshme të bënit një udhëtim të shkurtër brenda ditës me familjarët tuaj. Stresi dhe ngarkesa e kohëve të fundit , ju kanë lodhur jashtë mase dhe keni nevojë për një pauzë.
