Ellen DeGeneres vendosi para pak kohësh të mbyllte përfundimisht emisionin e saj pas 19 sezonesh dhe më shumë se 3 mijë episodesh.
“Aq i bukur dhe aq i këndshëm sa është ky program, po kaq nuk është më sfidues”, u shpreh Ellen.
Prezantuesja e famshme ka zbuluar së fundmi se po punon që të sjellë markën e saj të kujdesit ndaj lëkurës, të quajtur “Kid Science”.
“Ka diçka për të cilën jam shumë e emocionuar. Unë kam punuar për këto për tre vjet dhe jam i emocionuar ta ndaj me ju sot.”, tha moderatorja.
Ndonëse produktet akoma nuk janë zbuluar, Ellen e ka përshkruar linjën si “kujdes pozitiv ndaj moshës që në të vërtetë funksionon”.
Ndër të tjera ajo pranoi se nuk e kishte menduar asnjëherë se emisioni i saj do të zgjaste për plot 19 vite me radhë.
“Doja të bëja një shfaqje që ishte vërtet argëtuese për të gjithë dhe një arratisje për një orë në ditë. Çfarëdo që po ndodhte në botë, doja që kjo të bëhej një vend i lumtur…”, tha ajo duke shtuar: “Por nëse do të më kishit thënë se do ta bëja këtë 19 vjet më vonë, kurrë nuk kam menduar se do të zgjasë kaq gjatë.”
