Të gjithë bien dakord se me kalimin e kohës java e modës ka ndryshuar. Tommy Hilfiger që u shfaq në Los Angeles, Proenza Schouler që drejtohet për në Paris dhe së fundmi H&M! Ne do të shohim tani koleksionin në versionin “shiko tani-bli tani”.
Më 1 mars, H&M do të prezantojë koleksionin gjatë Javës së Modës në Paris për herë të parë në shfaqjen “shiko tani-bli tani”.
Koleksioni do të jetë në dispozicion të klientëve menjëherë pas shfaqjes, duke nisur nga 2 marsi.
Imazhet nga prapaskena të koleksionit zbulojnë modelen veterane Malgosia Bela dhe të dhënën se do të presim më shumë stil tradicional me elemente të veshjeve sportive në një mënyrë më moderne.
“E dua H&M dhe jemi shumë të emocionuar që do të jemi pjesë e fotove të “look-book”-ut. Është gjithmonë kënaqësi të punosh me ata dhe të shikosh koleksionet e reja të bëhen realitet”, shkruan 39-vjeçarja Bela.
Sipas modeles, H&M ka një vend special në zemrën e saj duke kujtuar vitet ’90:
“Xhinset ishin me siguri gjëja e parë që bleva te H&M. Duhet të ketë qenë koha kur nisa karrierën e modelingut. Do të rikthehesha te H&M për të zgjedhur veshjet me stil”.
Por çfarë do të vazhdojë të blejë modelja tani nga koleksioni i ri?
“Më pëlqejnë shpërthimet e rozës në koleksionin “H&M’s Studio”. Unë personalisht do t’i vishja pizhamet me vija çdo ditë nëse do të mundja. Gjithashtu më pëlqejnë bluzat dhe fustanet me dantellë të pranverës dhe të verës”.
Burimi: Elle
