Pavarësisht bashkëpunimeve me Erdem dhe Nicki Minaj vjeshtën e kaluar, H&M pranoi se ka rreth 4.3 miliardë dollarë veshje dhe aksesorë të pashitur dhe ka ulur fitimet me 62% gjatë tre muajve të këtij viti, raporton “New York Times”.
Ndërkohë që ky është një lajm i keq për markën suedeze, është një lajm i mirë për të gjithë të tjerët, pasi H&M planifikon të ulë çmimet në muajt e ardhshëm për të “hequr qafe” të gjitha veshjet e pashitura.
Veç uljes së çmimeve, H&M vendosi që të ndalojë së hapur dyqane të reja dhe të fokusohet në rritjen e biznesit online me 25% këtë vit.
Megjithatë, kjo mund të mos jetë e mjaftueshme për të rregulluar problemin dhe analistët financiarë nuk janë optimistë për kompaninë. Në fakt, një prej tyre e quajti H&M “një rrënim të ngadaltë”.
Sipas Milton Pedraza, një nga problemet është se të rinjtë po kërkojnë të blejnë rroba cilësore, se sa produkte të lira.
Burimi: Harper’s Bazaar
