Me rastin e ditës botërore kundër HIV/AIDS, këngëtarja Madonna ka kujtuar në rrjete sociale një fjalim të vjetër që ka mbajtur në vitin 1991, ku kishte treguar se si ishte akuzuar se ishte HIV pozitiv.
Këngëtarja ka treguar se ka bërë çmos prej vitesh si aktiviste, për të ndihmuar personat e prekur nga ky virus.
Madonna është shprehur se tashmë në botë ka kura të ndryshme kundër kësaj sëmundje, ndaj të qenit me AIDS nuk është ‘dënim me vdekje’.
“Unë e bëra këtë fjalim në një mbledhje fondesh në Amfar më 1991. Ishte menjëherë pasi unë u akuzova se isha HIV + pasi kisha qenë një aktiviste që foli haptas dhe pamëshirshëm për epideminë e AIDS-it që dukej se kishte zhdukur një pjesë të madhe të popullsisë globalisht.
Pas më shumë se një dekade hulumtimesh, ilaçe të rëndësishme anti-retrovirale u miratuan dhe ishin në dispozicion dhe më në fund të qenit HIV + nuk ishte një dënim me vdekje. Duket e përshtatshme, tani që jemi në mes të një pandemie tjetër globale dhe për shkak se është Dita Botërore e AIDS-it për të ndarë një pjesë të fjalimit që bëra për të kujtuar miqtë e dashur që kam humbur, por edhe për miliona njerëz që vdiqën dhe vazhdojnë të vdesin për shkak të kësaj sëmundje shkatërruese. Një kujtesë se ne nuk mund të heqim dorë nga lufta! Paqe për të gjithë këta burra që personalisht më frymëzuan”, ka shkruar Madonna në postim.
View this post on Instagram
